San Juan 11:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Allempo atsnaꞌten poesheñarr yakma ñeñthpaꞌ añ paꞌsoꞌcheñ Lázaro ñeñth yexhetsa anetso Betania epoet epsheñoꞌmar poꞌxh, poesheñarrpaꞌ María, poꞌpsheñeñpaꞌ Marta.

San Juan 11:1 Iomraidhean Croise

San Mateo 21:17

Oꞌña yerpatwerranet añ ñoñets ñeñth ateth anareth awathotheñ ñokop, allempoña saꞌnerranet ñeñthe anetsrothpaꞌ oꞌ alla awerrerr Betanio. Allpaꞌ allekma ommoena.

San Marcos 11:1

Attheñapaꞌ oꞌ xhaxhaꞌtet allameꞌtets Jerusaléño. Xhapoet aspentho ñeñth paꞌsoꞌcheñ Olivopen. Allñapaꞌ alloꞌtsen anets ñeñthpaꞌ añ paꞌsoꞌcheñ Betfagé, poꞌpoñpaꞌxhoꞌ alloꞌtsen anets ñeñthpaꞌ añ paꞌsoꞌcheñ Betania. Oꞌña xhapmochet all anetso,

San Juan 11:11

Allempo otwa atethpaꞌ oꞌ alla oterranerr poeyochreshaꞌ: —Lázaro ñeñthey eꞌñe parrokma atarr yemorrentannena ña theꞌpaꞌ xhakaꞌye moen, ñeñthoꞌmarña theꞌ napaꞌ oꞌch awen oꞌch alla nopoeraꞌ.

San Juan 11:18

Ñewa, Betania allameꞌttsamha Jerusaléñ —oꞌ maꞌpamha kilómetro atthoch yexhap Jerusaléño.

San Juan 11:19

Allñapaꞌ shonteꞌ judioneshaꞌ ñeñth waxhetsa alloꞌtsen Marta epoet paꞌmoꞌnerr María ñeñthchaꞌ emyaꞌtenawet attho yaꞌnaꞌteñet poꞌsayañet Lázaroñ ñeñth oꞌ rromoerr.

San Juan 11:3

Poꞌxhaneshaꞌñapaꞌ allentha moeñet acheñ Jesúsesho, ñetñapaꞌ ateth otoset Jesús: —Partseshachaꞌ, ñeñth atarr pemorrentenapaꞌ xha atsnaꞌten.

San Juan 12:17

Acheñeneshaꞌ ñeñth alloꞌtsaꞌyen allempo xhoreꞌtenan Lázaroñ poepamproth attho tantater, ñetñapaꞌ ñeñtha aꞌpothayeset.

San Juan 12:9

Shonteꞌ judioneshaꞌ allempo eꞌmareꞌchet oꞌ alla xherr Jesús all Betanio, ñetñapaꞌ waxhaꞌtet. Ama eꞌñe ñapthekpa Jesúsokop waxhaꞌteto oꞌch enteñetaꞌ, añekpaꞌnaña waxhaꞌtet oꞌch enteñetaꞌ ñamha Lázaro ñeñth rromats awaña ñeñth tantaterr Jesús.

Los Hechos 9:37

Allempopaꞌ oꞌ atsnaꞌt. Atsnaꞌtpaꞌ attheñapaꞌ oꞌ rroma. Rromapaꞌ pamoꞌtseshaꞌñapaꞌ oꞌ apach ateth yexhenet ñet. Apatwetpaꞌ oꞌ phanet enoneth all tama aꞌyowen bhath.