San Juan 10:6 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶ Ñeñthpaꞌ ateth oterranerr fariseoneshaꞌ tomaꞌnteñtso tharraña ñetñapaꞌ ama eñotoñeto ñeñth otenanet.

San Juan 10:6 Iomraidhean Croise

San Mateo 13:34

Ora allpon ñeñth ateth yexhatenan Jesús acheñeneshaꞌ, ñeñthpaꞌ attho es tomaꞌntatyenanet. Allempopaꞌ ama serrpareꞌtataneto eꞌñe attha, xhokmaña serrpareꞌtatenanet tomaꞌnteñtso.

San Mateo 13:51

Allempoñapaꞌ allentha aꞌphthoꞌtanet: —¿Eñotoxhenaꞌt sentenña allowen ñeñth ateth notyenes? Ñetñapaꞌ ateth ochet: —Eñotoxhenkaꞌye yenteñ.

San Marcos 4:34

Ama serrpareꞌtatenaneto attha, añña xhokma serrpareꞌtatenanet tomaꞌnteñtso. Ellonethpaꞌ xhokma eꞌñe eñotoxhen serrpareꞌtatenan poeyochreshaꞌ.

San Juan 16:25

‘Ñeñth allpon neserrpareꞌtatyesaseꞌth ñeñthpaꞌ eꞌñe tomaꞌnteñtsoxhno notyesaseꞌth. Tharraña xhapchaꞌ esempo allempopaꞌ amach alla neserrpareꞌtaterrserro tomaꞌnteñtso. Allempopaꞌ añchaꞌ neserrpareꞌtatas Apakop ñeñthpaꞌ amach tomaꞌnteñtsoyaye, allochñapaꞌ eꞌñech señotwe.

San Juan 16:29

Poeyochreshaꞌñapaꞌ ateth ochet: —Theꞌñapaꞌ ama tomaꞌnteñtsoyeꞌ peñeno ñeñthoꞌmarña yapaꞌ eꞌñech yeñotwe.

San Juan 6:52

Judioneshaꞌñapaꞌ ñeñthoꞌmaraxhoꞌ es otannaꞌtyeset. Ñetñapaꞌ ateth otyeset: —Errothenothwachñakaꞌ apoeyña eꞌñe ña poꞌchets ñeñthchaꞌ yerraꞌ.

San Juan 6:60

Allempoña ateth eꞌmoeñet ateth oten, shonteꞌ poeyochreshaxhnopaꞌ ateth otyeset: —Añ ñoñetspaꞌ amakaꞌye eꞌñeyeꞌ pokteyaye, amatheꞌ eseshaꞌ ameꞌñayo.

San Juan 7:36

Taꞌ, ¿estheꞌña añma ñeñthoꞌmar ateth oten: “Amaꞌtchaꞌ seꞌnerrnaꞌpaꞌ amach senterrno; allchaꞌ neserr napaꞌ sañapaꞌ amach errothenoth sexhapo”?

San Juan 8:27

Ñetñapaꞌ ama eseshaꞌ xhapaweto poeyoxhreto ñeñth ateth otenanet Pomporekop ñeñth atarr Parets.

San Juan 8:43

Esoꞌmareꞌtña sapaꞌ ama xhennasoña seyoxhro ñeñth notenes. Ñatoꞌ tharroꞌmartheꞌña ama semno oꞌch seꞌmhñoten ñeñth ateth notenes.

1 Corintios 2:14

Tharraña acheñeneshaꞌ ñeñth ama chorreñaꞌ Yompor Poekamkëñpaꞌ amach errothenoth xhapaneto Yompor pokthaphña ñamha amach errothenoth agapoñeto ñeñthchaꞌ apanetañ Yompor Poekamkëñoth. Ñerraꞌm yeserrpareꞌtatanet attho es apoeney Yompor Poekamkëñothpaꞌ ñetpaꞌ xhach otyeset atthoꞌ yotatseꞌtyen. Tharroꞌmar ñaptha xhenana poeyoxhro ñeñth chorrena Yompor Poekamkëñ.

2 San Pedro 2:22

Yapaꞌ poꞌñoxh ñerraꞌm oꞌch alla yepoerrerra xha yottena ñerraꞌmrratheꞌ ochek. Yapaꞌ oꞌch alla yepoerrerra “ateth ñerraꞌm ochek oꞌch aꞌtatsta; oꞌch aꞌtatsetwapaꞌ thematenpaꞌ oꞌch alla poerrerra alloꞌtsen paꞌtatsña.” Amapaꞌ xha yottena ñerraꞌm ateth pena ñamha chañcho. “Chañchopaꞌ oꞌch apa; oꞌchña apwapaꞌ oꞌchxhoꞌ alla poerrerra atstso allchaꞌ eꞌyaphnaꞌtwerra oꞌch alla atsotseñeꞌchwerr.” Amaꞌt awathotheñ ateth oteteꞌth ateth pena ochek, ñamha ateth pena chañcho.

1 San Juan 5:20

Yañapaꞌ yeñoteñ ñeñth Poechemer pen Yomporpaꞌ ñañapaꞌ oꞌ wapa. Ñaña yexhapaterreꞌña yeyoxhro atthochña yapaꞌ oꞌch yeñoter Yompor ñeñth eꞌñe poꞌñoxh Parets. Ñeñthoꞌmarña yeñoteñ oꞌ yeparrokmaterr epay ñeñth eꞌñe poꞌñoxh Yompor Poechemer ñeñthpaꞌ Jesucristo. Atthoña yapaꞌ oꞌ eꞌñe yeñoter Yompor ñeñth eꞌñe poꞌñoxh Parets, ñeñthña yapaꞌ allochña eꞌñe korretsayach yoksheñeshokmañen thayotheñ eꞌñe errponañowen.