San Juan 10:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Tharraña awapñapaꞌ ama kotheñe, xhach matampesya tharroꞌmar ama eñotenano awapña poꞌñoñ.

San Juan 10:5 Iomraidhean Croise

San Marcos 4:24

Jesúspaꞌ alla oterraneterr: —Sapaꞌ señotenatheꞌ eꞌñetheꞌ poꞌñoxh kowen seꞌmhñoteññañ Yompor poꞌñoñ ñatoꞌpaꞌ amatheꞌ. Tharroꞌmar ñerraꞌm erroth sephoñ poꞌpsheñeñ ñeñth ama kowenayaye Yomporñapaꞌ atthekmach perres samha. Ñamha ñerraꞌm eꞌñe kowen sepenanet, Yomporñapaꞌ eꞌñech kowen perres samha amaꞌt elloneth oꞌch apoerres ñeñth eꞌñe kowen.

San Lucas 8:18

‘Ñeñthoꞌmarña sapaꞌ señotenatheꞌ eꞌñetheꞌ poꞌñoxh kowen seꞌmhñoteññañ Yompor poꞌñoñ ñatoꞌpaꞌ amatheꞌ. Eseshaꞌtheꞌ xhena poeyoxhro amaꞌt eꞌñe allpona Yompor poꞌñoñ, elloña Yomporpaꞌ alloꞌnach eñotatnenanet nanak shonteꞌ. Tharraña eseshaꞌña ñerraꞌm ama xhenaneto poeyoxhro tharroꞌmar ñetpaꞌ ama poꞌñoxhayeꞌ agëññañeto Yompor poꞌñoñ amaꞌt allpon eñotenetañ poeyoxhro ñeñthñapaꞌ xhach poerratamperranet Yompor.

San Juan 10:16

Eñall poꞌpoñexhño ñeñthchaꞌ necarneror neperr, ñetpaꞌ ama parrokmateneto arr alloꞌtsen ñeñth necarneror nepen theꞌ. Añ poktetsa oꞌch nerranetaꞌ atthoch eꞌmhñoterrnanet neñoñ, allochñapaꞌ oꞌch eꞌñe parrokmaterret. Poesheñarrana ñeñthenchaꞌ kowamperrawet.

San Juan 10:4

Allempoña xhaꞌnmatwe allowen aꞌyothpaꞌ ñañapaꞌ oꞌch ota. Poꞌcarnerorñapaꞌ allenthach kothaꞌwanemh chentaꞌ. Ñetñapaꞌ eꞌñe chemeꞌteññañet pamoꞌmteꞌ poꞌñoñ.

2 Timoteo 4:3

Tharroꞌmar esempowañenpaꞌ xhapchaꞌ allempo acheñeneshaꞌpaꞌ oꞌwañchaꞌ moenet oꞌch ameꞌñet ñeñth eꞌñe paxharr kothaphñats, ñeñth ateth yexhateney Yompor poꞌñoñ. Allempopaꞌ añach eꞌnyerret erraꞌtsentheꞌ serrpareꞌteneꞌ kothaphñatser ñeñth eꞌñe kowen entenet ñet atthothchaꞌña atonterraña ñeñthchaꞌ yexhaterrawet ñeñth eꞌñe ñet pokthaphñet.

1 San Juan 2:19

Amaꞌt awañmoꞌcha eꞌñe parrokma yapxhañeꞌth ñetña theꞌpaꞌ oꞌ awanmoet elloneth oꞌ sowanerryet tharroꞌmar poꞌñoxhpaꞌ ama allowenakmayeꞌ yeparrokmaterro. Ñerraꞌm poꞌñoxhchaꞌ allowenakmay yeparrokmaterreñ allempoña ñetpaꞌ alloꞌtsaꞌyenetañatheꞌ ñamet yesho. Tharraña theꞌña ñetpaꞌ oꞌ awanerret elloneth atthoña oꞌ yeñoterranet poꞌñoxhpaꞌ ama allowenakmayeꞌ yeparrokmaterro.

El Apocalipsis 2:2

Ñañapaꞌ ateth otenes: ‘Napaꞌ neñotwennas ñeñth ora allpon ateth sephaꞌyena all. Napaꞌ eꞌñe nentwennas ñeñth allpon nanak sethorraꞌyena ñamha allpon ñeñth eꞌñe kowen akopha es saꞌwantaꞌwanen. Ñamha napaꞌ eꞌñe nentwenes sapaꞌ ama sagëñe ñeñth ama kowenayeꞌ es phaꞌyetso. Sapaꞌ attho setpatyeñ ñeñth otetseñ ñetpaꞌ allsensarethetoꞌ tharraña ñetpaꞌ attha shekareꞌtenet. Atthoña setpateñoth oꞌ señotanet ñetpaꞌ attha shekareꞌtenset.