San Juan 10:40 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁰ Allempoña Jesúspaꞌ awerr yomhtaꞌn Jordanaso all eꞌñe ñenmath apatyeseꞌth Juan Yomporekop. Allñapaꞌ alla aꞌpa.

San Juan 10:40 Iomraidhean Croise

San Juan 1:28

Ñewa, allpaꞌ atethkaꞌye penet all oteñet Betábara allara Jordanaso yomhtaꞌn tharroꞌmar Juanpaꞌ allkaꞌye apatyenanña acheñeneshaꞌ Yomporekop.

San Juan 11:54

Ñeñthoꞌmarña Jesúspaꞌ oꞌwañ chopeñeꞌch alloꞌtsaꞌyen judioneshaꞌ all Judeo. Oꞌ awoꞌ amayareroꞌmar, xhap patherr anetso ñeñth paꞌsoꞌcheñ Efraín. Allñapaꞌ alla aꞌposa epoet poeyochreshaꞌ.

San Juan 11:7

Allempoña epomtaꞌmoenpaꞌ ateth otaꞌmoenan poeyochreshaꞌ: —Theꞌpaꞌ oꞌch awerrey alla Judeo alloꞌtsen Lázaro.

San Juan 3:26

Ñeñthoꞌmarña awanmoet Juaneshopaꞌ ñetñapaꞌ ateth otoset: —Maestrochaꞌ ñeñth epaph awaña yomhtaꞌn Jordanaso, ñeñth peserrpareꞌtatosey, ñapaꞌxhoꞌña ñepaꞌtkaꞌyeña apatyets ñamha. Ñeñthoꞌmarña allowenetpaꞌ oꞌkaꞌye awanmoet ñesho.

San Juan 7:1

Allempoña Jesúspaꞌ alla chopeñeꞌchyen eꞌñe alla Galileoꞌmar. Ama moeno oꞌch chopeñeꞌchen ñamha all Judeoꞌmar tharroꞌmar judioneshaꞌpaꞌ xha oꞌpateñet oꞌch moetset.