San Juan 10:25 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁵ Jesúsñapaꞌ ateth otanet: —Amaꞌt notatstas sapaꞌ amachkaꞌ sameꞌñaꞌno. Napaꞌ eꞌñe neyemteñoth Apa ateth es nephaꞌyen. Ñeñth norrtatyenpaꞌ ñeñthchaꞌña señotateꞌ napaꞌ ñeñthen Cristotets.

San Juan 10:25 Iomraidhean Croise

San Juan 10:32

Jesúsñapaꞌ ateth oterraneterr: —Shonteꞌ koxhneshaꞌ norrtatyesonas Nompor poꞌwamenkoth. ¿Erraꞌtsenotheꞌtña añ ñeñth eꞌñe koxhnesharoth sapaꞌ semneñ oꞌch sarrollaꞌn?

San Juan 10:37

Ñerraꞌm amatheꞌ añeyeꞌ norrtateno Yompor poꞌpartsoña ñeñthepñapaꞌ amach sameꞌñatsetno.

San Juan 10:38

Tharraña attho poꞌñoxh norrtateññañ poꞌpartsoña amaꞌt ñeñthapaꞌ sameꞌñya, amaꞌt napaꞌ ama ameꞌñoyen sentenno. Atthochña poꞌñoxh xhaponasa seyoxhro attho Apapaꞌ eꞌñe parrokmatenna, napaꞌxhoꞌña neparrokmaten epan Apa.

San Juan 11:47

Allempoña fariseoneshaꞌ ñamha ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar, ñetñapaꞌ apxhachet allowen ñeñth aꞌpoktateneꞌ ñoñets judioneshakop. Ñetña allempopaꞌ ateth otyeset: —Errothwachñakaꞌ yepeꞌña, ñeñth yakmarpaꞌ xhokmakaꞌye orrtatyenanet partsoteñets.

San Juan 12:37

Jesúspaꞌ amaꞌt shonteꞌ orrtatyenanet poꞌpartsoña tharraña amaña eseshayeꞌ ameꞌñenayoña ña.

San Juan 14:11

Sameꞌñaꞌna ñeñth notenes, napaꞌ eꞌñe neparrokmaten epan Apa, Apapaꞌxhoꞌña eꞌñe parrokmatenna. Amaꞌt napaꞌ ama ameꞌñaꞌpoyeꞌ sentenno tharraña attho poꞌñoxh norrtatyeññañ Nompor poꞌpartsoña amaꞌt ñeñthapaꞌ sameꞌñyañakaꞌye.

San Juan 20:30

Poꞌñoxh shonteꞌ poꞌpoñexhno ñeñth ateth gatyesan Jesús poeyochreshaꞌ poꞌpartsoña. Ñeñthpaꞌ ama akellkaretheyaye añ libro.

San Juan 3:2

Ñañapaꞌ wapa Jesúsesho tsapopaꞌ ateth otos: —Maestrochaꞌ yeñoteneph phapaꞌ añ pellsenseneꞌ Yompor atthoch peyxhatosey kowen tharroꞌmar yapaꞌ yeñoteñ añach orrtatyeneꞌ partsoteñets ñeñth awamenkath pen Yompor.

San Juan 7:31

Shonteꞌ acheñeneshaꞌ ñeñth ameꞌñaya. Ñetñapaꞌ ateth otyenet: —Añtheꞌkaꞌyeña poꞌñoxh Cristo ñeñth yekwen oꞌch wapa. Yapaꞌ oꞌkaꞌye orrtatosnay poꞌpartsoña, amatheꞌ errothenoth wapo poꞌpsheñeñ ñeñthchaꞌ ello metanoseꞌ poꞌpartsoteña ñeñth ateth entatyeney añ yakmar.

San Juan 8:12

Jesúsña poꞌpocheñopaꞌ serrpareꞌtaterranerr acheñeneshaꞌ, ñeñthpaꞌ ateth oterraneterr: —Napaꞌ na ñeñthen aꞌpoetarsampeneꞌ acheñeneshaꞌ pokthaphña añe patsro. Eseshaꞌch noktherreꞌ oꞌwañchaꞌ alloꞌna kothapeꞌchatnenanet pokthaphña ñeñth atarr sosyaꞌtsañ; ñeñthpaꞌ chekmeta chopeñeꞌchyenet. Ñetñapaꞌ Yomporchaꞌ poꞌkowenño korrerret ñeñthara ñeñth poetarets.

San Juan 8:24

Napaꞌ oꞌ notas sapaꞌ orach ochñarethes serromwa tharroꞌmar ñerraꞌm amach sameꞌñerrno na ñeñthen peretneneꞌ ochñarets, poꞌñoxh sapaꞌ orach ochñarethes serromwa.

San Juan 8:56

Abraham ñeñth sa satañpaꞌ atarr nanak kosha allempo eñoch oꞌ xhap allempo ñeñth poktetsa nokop oꞌch nowapa arr patsro. Allempoña eñoch napaꞌ oꞌ nexhap arr patsro atarr nanak kosha.

San Juan 8:58

Jesúsñapaꞌ alla oterraneterr: —Poꞌñoxhkaꞌ napaꞌ oꞌch notas: Ama eñalletenaꞌña Abraham, nañapaꞌ eñallana.

Los Hechos 10:38

Alla oterraneterr Pedro: —Señoteñtheꞌ Yomporpaꞌ oꞌ nan Poechemer Jesús ñeñth nazaretoꞌmarneshaꞌ. Oꞌ chorracha Parets Poekamkëñ ñamha nanak awamenkath peꞌ. Allothpaꞌ all chopeñeꞌchyeseꞌthpaꞌ nanak amoerañteꞌth. Aꞌkrratyesaneꞌth allowen ñeñth moeroxhtatyeseꞌth oneñeth, tharroꞌmar Pomporpaꞌ nanak yenpoeꞌth.

Los Hechos 2:22

Añpaꞌ ñeñthara alla oterraneterr Pedro: —Oꞌch, masheñe judioneshachaꞌ, noterrserr: Sapaꞌ señoteñ awañapaꞌ orrteꞌth Jesús ñeñth nazaretoꞌmarneshaꞌ. Ñapaꞌ xhokma orrtatonaseꞌth poꞌpartsoteña, ñamha xhokma orrtatyesonaseꞌth ñeñth ama sentare ñeñthchaꞌ señotateꞌ ñapaꞌxhoꞌña nanak Parets. Pompor apoeneꞌña poꞌpartsoña atthoch señotoñ Poechemer ña nanak Parets.

Hebreos 2:3

Ñeñthoꞌmarña yapaꞌ yeñoteñ ñerraꞌm ama yeꞌmhñoterrñañe eꞌñe ña Poechemer, yañapaꞌ errothenothwachñakaꞌyeña yekeshperratheꞌña ñerraꞌm attha ama es yepxheno; eꞌñe attha eñalleñkaꞌyeña atthoch yaꞌkeshphatarethterrañ eꞌñe kowen. Ñewa, ñenmathpaꞌ Yepartseshar Jesúsña serrpareꞌtatawet atthoch yaꞌkeshphatarethterra. Allempoña ñeñth eꞌmoeneꞌ ateth otanet Yepartseshar Jesús, ñetñapaꞌ oꞌ serrpareꞌtatyet yamha atthoch yeñoch ñeñth eꞌñe poꞌnoxh ña aꞌkeshphatañtetsa.