San Juan 10:21 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²¹ Poꞌpotantañexhnoñapaꞌ ñetpaꞌ ateth otyenet: Ñerraꞌm xho chorreña oneñethpaꞌ amatheꞌ errothenoth eñosoña ateth eꞌñe kowen. Oneñethpaꞌ amatheꞌ errothenoth kowaterranoña aporoꞌyeth.

San Juan 10:21 Iomraidhean Croise

San Mateo 11:5

Oꞌch eꞌñe seserrpareꞌtatwer ora amaꞌt attho aporoꞌyethexhnopaꞌ theꞌñapaꞌ oꞌ eꞌñe nekwatyeswerranet ñamha ñeñth chekaꞌrepayetspaꞌ theꞌpaꞌ oꞌ eꞌñe chopeꞌchyeswerret kowen, ñamha ñeñth aꞌptsaresyen leprapaꞌ theꞌñapaꞌ oꞌ eꞌñe aꞌkowentatarethetwerret ñamet, ñamha ñeñth paketneshaxhnopaꞌ amaꞌt ñetpaꞌ theꞌñapaꞌ oꞌ eꞌñe eꞌmyeswerret kowen, amaꞌt ñamha ñeñth rromayets theꞌñapaꞌ oꞌ alla atantatarethetwerret, ñamha amaꞌt ñeñth wokchañneshaxhno theꞌñapaꞌ oꞌ eꞌñe neserrpareꞌtatwerranet añ kowen ñoñets alloch keshperret ñamet.

San Mateo 4:24

Attheñapaꞌ eꞌmareꞌtwet errapharen amaꞌt Sirioꞌmar. Wapatyesoñet allowen ñeñth moeroxhtatyen atsnañets. Wapatyesoñet ñeñth osyen paꞌnamen atsnañets ñamha ñeñth atserrphañaxhno. Wapatyesoñet ñamha ñeñth chorraꞌyena oneñeth ñamha ñeñth othañaxhno ñamha echarrtañaxhno. Allowenetpaꞌ ñañapaꞌ eꞌñe aꞌkrratyeswerranet.

San Juan 10:22

Allempoñapaꞌ xherrerr allempo alla kosherrerr judioneshaꞌ Jerusaléño allempoch yerpoerret ñeñth attho neteꞌth awath Parets paꞌpakëll ñokop. Allempo alla kosherreterrpaꞌ allempopaꞌ wapo.

San Juan 9:6

Allempoña ateth otwapaꞌ allentha aꞌxhonan paꞌsnom patso oꞌ aꞌxhaxhaꞌtach. Ñeñthña xhaxhaꞌteꞌpaꞌ alloña aꞌyaklleꞌchanña aporoꞌyeth.