San Juan 1:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Ñapaꞌ añekop wapa ñach aꞌpothoseꞌ atthoch wapa Cristo arr patsro ñeñthchaꞌ aꞌpoetarsamperreꞌ allowen yokthaphña. Atthoña ña poꞌñoñothpaꞌ ameꞌñatosana acheñeneshaꞌ.

San Juan 1:7 Iomraidhean Croise

San Juan 1:12

Tharraña poesheñaꞌtets ñeñth eꞌñe kowen agapyesapoeꞌ, amaꞌt allowen ñeñthchaꞌ ameꞌñerraya ña, ñetñapaꞌ apoerranet llesens atthoch eꞌñe poechemer perranet Yompor Parets.

San Juan 1:15

Allempoña Juan poerranarothpaꞌ aꞌpothan Cristo, ñeñthpaꞌ ateth eñora ñokop: —Añmapaꞌ ñeñthkaꞌyeña notaseꞌth awaña, ñeñthchaꞌ wapatsa chentaꞌ ñapaꞌ atarr awamenkatheshaꞌ, nañapaꞌ ama tama awamenkatheyayno, tharroꞌmar ñapaꞌ awathotheñ eñalla. Amaꞌt allempo neꞌñalleta na, ñañapaꞌ eñalla. Ñeñthpaꞌ allowa ateth ot Juan ñenmath Cristokop.

San Juan 1:19

Allempo judioneshaꞌ paꞌmhchaꞌtaretherneshaꞌ ñetñapaꞌ moeñet acheñ Jerusaléñoth ñeñthchaꞌ awanmatsa Juanesho. Añ moeñet judioneshaꞌ poꞌkornaneshar ñamha levitaneshaꞌ ñeñth poꞌtarwas peneꞌ oꞌch thorrenet Parets paꞌpakllo. Ñetpaꞌ añekop amñarethtet ñetchaꞌ aꞌphthoꞌtoset Juan ñapaꞌ eseshaꞌtheꞌña. Oꞌña xhapoet ñeshopaꞌ ateth otoset: —Phapaꞌ ¿eseshapeꞌtña, amaꞌt añeyaype ñeñthephchaꞌ Cristoterrets?

San Juan 1:36

Kowenan Jesús all chopeñeꞌchen aꞌyeneth, alla oterraneterr: —Añkaꞌyeña ñeñth Poꞌcarneror pen Yompor.

San Juan 1:9

Allempoña xhap añe patsro ñeñth poetarñatsotosets tharroꞌmar añ poetarñatser ñeñth eꞌñe poꞌñoxh ñeñthchaꞌ aꞌpoetarsamphsoseꞌ allowen acheñeneshaꞌ pokthaphña, ñeñthpaꞌ alletsa, oꞌch orrtosa añe patsro.

Los Hechos 19:4

Pabloñapaꞌ alla oterrerr: —Añothña apaten Juanañ attho oꞌ kothapeꞌcherret ello kowen Yomporekop allothñapaꞌ oꞌch apatarethtet atthoch ameꞌñeret ñeñthchaꞌ wapatsa chentaꞌ. Añña ñeñth wapatsa chentaꞌpaꞌ añepaꞌt Jesús.

Gálatas 3:26

Tharroꞌmar theꞌpaꞌ eꞌñe yeparrokmateñoth Cristo Jesúspaꞌ oꞌch poechemer perrey alloweney Pompor, tharroꞌmar eꞌñe yameꞌñeñoth Poechemer.

Efesios 3:9

Ñamha nach eñotatyeneꞌ amaꞌt allowen acheñeneshaꞌ ñeñth ateth kothapeꞌchennay Yompor. Tharroꞌmar ñeñthpaꞌ awathotheñ ama eñotpawoyaye tharroꞌmar ama xhenaꞌ allempoch aꞌpotherrnay Yompor, ñeñthara Yompor ñeñth eꞌñe yexhkatwaweꞌ ora allpon ñeñth yentyen.

1 Timoteo 2:4

Tharroꞌmar ñapaꞌ moeneñ allowen acheñeneshaꞌpaꞌ oꞌch aꞌkeshphaterranet, ñamha moeneñ oꞌch eñotatwerranet añ ñoñets ñeñth eꞌñe poꞌñoxh Yompor poꞌñoñ.

Tito 2:11

Yomporpaꞌ orrtaterrnay pomoereña eꞌñe allowenakpay paꞌnamen acheñeneshakop atthoch yekeshperra.

2 San Pedro 3:9

Poesheñaꞌtets acheñpaꞌ otenet oꞌ meten shonteꞌ char amoꞌ werro. Tharraña yapaꞌ yeñoteñ Yepartseshar xhokmach aꞌpoktatan poꞌñoñ oꞌch werra. Yapaꞌ yeñoteñ tharroꞌmar amoꞌ werro añ kowen ñatoꞌ esempoch oꞌch yokthapeꞌchwerr ello kowen Yomporekop alloweney. Ñapaꞌ nanak moerenya ama moeno amaꞌt eseshapaꞌ oꞌch chenkërra.