San Juan 1:51 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵¹ Jesúsñapaꞌ alla otererr: —Poꞌñoxhkaꞌ notenes, senterrchaꞌ enet atorareth ñamha Yompor poꞌmhllañotheñreneshaꞌ aꞌtaxhenet ñamha sowaxhenet eꞌñe nesho, na Ñeñthen Acheñetosets.

San Juan 1:51 Iomraidhean Croise

San Mateo 25:31

Allempoch nowerra na Ñeñthen Acheñetosets, nowerrach eꞌñe nepartsoteñowen epan allowen nemhllañotheñnaneshar. Allempopaꞌ nanorrwerrchaꞌ nekonaño allchaꞌña eꞌñe nepartsotwerr eꞌñe nekowenteñeshaꞌ.

San Mateo 26:24

Poꞌñoxhkaꞌye theꞌpaꞌ alloꞌna sen etsotnomtsa ñeñth ateth anwareth Yompor poꞌñoño nokop Ñeñthen Acheñetosets; atthothchaꞌ moetsaterrnet. Tharraña nokoppaꞌ eꞌñe pokteꞌ; añña poꞌñoxh acheñer ñeñthchaꞌ nepomoerreꞌ ñokopñapaꞌ atarr llekëñets. Añ acheñerpaꞌ eꞌñekaꞌye pokteñ ñokop amachñaxhoꞌ eñalletatstañe.

San Mateo 3:16

allempoñapaꞌ apatapan Jesús. Eꞌne apatweꞌpaꞌ oꞌ xhaꞌnerrña Jesús oñoth, enetñapaꞌ awepaꞌt atorarethta. Allothña eꞌñe sowaꞌnma Parets Poekamkëñ, Jesúsñapaꞌ eꞌñe ateth entaph ñerraꞌmrratheꞌ yeph oꞌ sowaꞌnma entoth, eꞌñe xhap ñesho.

San Mateo 4:11

Allempoña oneñeth topatwawan Jesúspaꞌ oꞌ awerr oꞌ kexhpaꞌner. Allempoñapaꞌ xhaxhaꞌtoña Yompor poꞌmhllañotheñnaneshar; ñetñapaꞌ eꞌñe kowen sherbhoset Jesús all. Arrpaꞌ allowa wañ attho oneñethpaꞌ topatenan Jesús allempo.

San Mateo 8:20

Jesúsñapaꞌ ateth och: —Theꞌpaꞌ napaꞌ peñotenchaꞌ amaꞌt nepakllapaꞌ ama necheñe allchaꞌ neyxhenañ. Roꞌkëphpaꞌ xhokma eñall paꞌpon allekma yexhena. Othexhnopaꞌxhoꞌña xhokma eñall paꞌmaꞌ allekma yexhaꞌyenet. Tharraña naña Ñeñthen Acheñetosetspaꞌ ama eñalle ñeñth eꞌñe nepakëll nepen allchaꞌ nephanena.

San Mateo 9:6

Ñewa, napaꞌ oꞌch neñotatas na Ñeñthen Acheñetosets, napaꞌ ñeñthen aparethen llesens atthoch nach peretnerreꞌ ochñarets añe patsro. Ñeñthoꞌmarña Jesúspaꞌ ateth oterranerr echarrtaña: —Theꞌpaꞌ oꞌch petantena, pechtaꞌnen pemoeꞌpaꞌ pechopeꞌchnen, aweneph pepakllo.

San Marcos 1:10

Eꞌñe apatweꞌpaꞌ oꞌ xhaꞌnerrña Jesús oñothpaꞌ allentha entan enet atorareth. Allothña eꞌñe sowaꞌnmaña Parets Poekamkëñ eꞌñe ateth entaph ñerraꞌmrratheꞌ yeph oꞌ sowaꞌnma entoth. Eꞌñe arr xhap Jesúsesho.

San Marcos 14:62

Jesúsñapaꞌ ateth och: —Napaꞌ ñeñthenkaꞌye. Elloña napaꞌ oꞌchkaꞌye notas, senterrenchaꞌ na Ñeñthen Acheñetosets oꞌchkaꞌye alla nanorrwerr Parets poꞌkowenroth. Ñamha poꞌpocheño oꞌch sentapoerren oꞌch neswamperra osoth Yompor poeꞌntañoth.

San Lucas 2:13

Allempoñapaꞌ machayothepaꞌtchaꞌ orrterrerr poꞌpotantañ shonteꞌ mellañotheñneshaꞌ ñeñth oꞌ sowaxherrerr entoth. Ñeñthña mellañotheñneshaꞌpaꞌ atarr ayeꞌchoxhtatosñañet Yompor.

San Lucas 2:9

Allñapaꞌ machayothepaꞌtchaꞌ orrtanet Yompor poꞌmhllañotheñer, xha poptanaꞌtosanet. Ñeñthpaꞌ Yompor poꞌkowenña ñeñth xha aꞌpoetarsamphsosawet. Ñetñapaꞌ atarr nanak mechaꞌtrraꞌtapet.

San Lucas 22:43

Allempoñapaꞌ wapoña mellañotheñ Yompor poeꞌntañoth ñeñthña awamenkath phoseꞌ atthoch awantan poellkëña.

San Lucas 22:69

Tharraña theꞌpaꞌ amaꞌtchaꞌ ateth sephaꞌnoñ theꞌñapaꞌ oꞌ eꞌñe xhap allempoch oꞌch alla nanorrwerr Nompor poꞌkowenroth ñeñth atarr awamenkathtetsa, amaꞌt na Ñeñthen Acheñetosets.

San Lucas 24:4

Ñetñapaꞌ xha moeneꞌ yorwoset ama eñoteñeto errothchaꞌña phoset. Eꞌñe allempo ateth kothapeꞌchyenet awepaꞌtchaꞌ orrtapanet epsheña yakma alla thomxhaꞌtoset eꞌñe alloꞌtsaꞌyenet, atarr kowen popoetyenet paꞌshtamoet.

San Juan 1:50

Jesúsñapaꞌ otererr: —Napaꞌ oꞌ notaph napaꞌ nenteneph allempo phanen mañtho higocho, ñeñthoꞌmartheꞌña oꞌ phameꞌñaꞌna. Theꞌñapaꞌ oꞌch notas, elloña theꞌpaꞌ nanakchaꞌ senterrnan nepartsoña ñeñth ama tama sentennanaꞌ.

San Juan 10:1

Allempoña Jesúspaꞌ alla yexhaterraneterr, ñeñthpaꞌ ateth tomaꞌntaterraneterr: —Poꞌñoxhkaꞌ notenes: All yottampeñet carnero ñerraꞌm eseshaꞌ ama beꞌthetso allothekma beꞌthenet ñerraꞌm poꞌpshemhtañotha aꞌtenet, ñeñthña poꞌñoxhpaꞌ eñethkaꞌye ñeñth aprratamphsañtetsa.

San Juan 10:7

Allothñapaꞌ alla oterraneterr Jesús: —Poꞌñoxhkaꞌ notenes: Napaꞌ na yetarrotets allothchaꞌ beꞌthen carnero.

San Juan 13:16

Poꞌñoxhkaꞌye oꞌch notas: Ñeñth ayochreshath ñerraꞌm ama esoyeꞌ enteno ñañeña amaꞌt eꞌñe mamesha, ñeñthña poeyochreshaxhno pen eꞌñepaꞌch atthekmoet amach esoyeꞌ enteneto eꞌñe ñañeñeta. Amaꞌt na ñeñthen allsensarethen ama esoyeꞌ nenteno amaꞌt mamesha, ñeñthchaꞌ nellsensaꞌyes namhapaꞌ amoepaꞌchña esoyeꞌ enteneto eꞌñe ñañeñeta.

San Juan 13:38

Jesúsñapaꞌ ateth otererr: —¿Poꞌñoxhaꞌt eꞌñe pokteꞌ penteñ oꞌch yerroma parro? Poꞌñoxhkaꞌye theꞌ napaꞌ oꞌch notaph: Amach eñenaꞌ atollop phañapaꞌ oꞌch maꞌpoch phaꞌnasotenna.

San Juan 14:12

Poꞌñoxhkaꞌye oꞌch notas, ñerraꞌm eseshaꞌ nameꞌñerraya ñetpaꞌxhoꞌña elloch atarr kowen orrtatyerret ñeñth ateth norrtatyen theꞌ. Tharroꞌmar na theꞌpaꞌ oꞌch awerren Apoesho.

San Juan 16:20

Poꞌñoxhkaꞌye oꞌch notas: Sapaꞌ sellkëñothpaꞌ seyawerrach. Acheñeneshaꞌña arr patsro ñeñth ama ameꞌñetso ñetñapaꞌ xhach atarr koshet. Sapaꞌ sellkërrach tharraña sellkëña sapaꞌ poenaserrnasach soksheña.

San Juan 16:23

‘Allempopaꞌ amach sepallteno oꞌch alla es saꞌphthoꞌterrnerr. Eꞌñe poꞌñoxh theꞌpaꞌ oꞌch notas: Ñerraꞌm es senamoeñ Apa eꞌñe na nesoꞌchño eꞌñe seyemteñothen na ñañapaꞌ apaschaꞌ ñeñth senamoeñ.

San Juan 21:18

Poꞌñoxhkaꞌye theꞌpaꞌ oꞌch notaph, pha allempo wepoeshenphaꞌ pechorreꞌth eꞌñe photha, all pesecheꞌthpaꞌ all pechopeñeꞌchyeseꞌth. Tharraña esempoch pepoꞌnmeꞌtenpaꞌ phañapaꞌ oꞌch atthamha peyopen pekeꞌ atthochña oꞌch poꞌpsheññamha pechorratenaya allempopaꞌ anerrpetchaꞌ all ama pesecheno.

San Juan 3:3

Jesúsñapaꞌ ateth otaph: —Eꞌñe poꞌñoxh notaph, eseshaꞌch ama eñalleterrtso ello ñetñapaꞌ amach errothenoth poeyochreshaꞌ perraneto Yompor.

San Juan 3:5

Jesúsñapaꞌ ateth otererr: —Eꞌñe poꞌñoxh noteneph, erraꞌtsenchaꞌ ama eñalleterrtso oñoth ñamha Yompor Poekamkëñoth, amatheꞌ errothenoth poeyochreshaꞌ perraneto Yompor ñeñthoꞌmarña amach eshek oꞌpatapreteretoña Yompor poꞌkowenña ñeñth attho ayochreshathtena ña.

San Juan 5:19

Jesúsñapaꞌ ateth oterraneterr: —Eꞌñe poꞌñoxh notenes, na ñeñthen Poechemer pen Yompor amatheꞌ errothenoth es nephoña eꞌñe notha. Napaꞌ añña ateth nephaꞌyen ateth nenteññañ Apa, tharroꞌmar ñeñth ateth pen Apapaꞌ napaꞌxhoꞌña ñeñthen Poechemerenpaꞌ atethchaꞌ es nephaꞌyen namha.

San Juan 5:27

Ñamha ña napoeneꞌña llesens atthoch nemñe patantaꞌtets acheñeneshaꞌ koñcheñtso, poꞌpotantaññapaꞌ amach nemñerraneto koñcheñtso. Atethkaꞌye allsensarethenña na Ñeñthen eꞌñe Acheñetosets.

San Juan 6:26

Jesúsñapaꞌ ateth otapanet: —Na poꞌñoxhpaꞌ oꞌch notapas, sapaꞌ amakaꞌye añekpayeꞌ seꞌnenno attho oꞌ norrtatonas nepartsoña. Sapaꞌ añekpakaꞌyeña seꞌnenen attho oꞌ nerratwas pan oꞌ eꞌñe seyetwa.

San Juan 6:32

Jesúsñapaꞌ alla oterraneterr: —Eꞌñe poꞌñoxh oꞌch notas: Ama Moisésoyeꞌ apaweteꞌtheña pan ñeñth wetsa entoth. Nakaꞌye Nompor sapoeneꞌña ñeñth eꞌñe poꞌñoxh sokrramh sepen. Añ sokrramhpaꞌ entothña wena.

San Juan 6:47

Eꞌñe poꞌñoxh notenes: Eseshaꞌch nameꞌñerraya ñetñapaꞌ korretsetach poksheñeshokmañen thayotheñ eꞌñe errponañowen.

San Juan 6:53

Jesúsñapaꞌ alla oterraneterr: —Poꞌñoxh oꞌch notas, ñerraꞌm ama serrerrnano nechets Ñeñthen Acheñetosets, ñerraꞌm ama sorrerrnano ñamha nerras, sapaꞌ amatheꞌ errothenoth sokrroña sa.

San Juan 8:34

Jesúsñapaꞌ alla oterraneterr: —Poꞌñoxhkaꞌye notenes: Allowen ñeñth ochñaꞌtareꞌtetspaꞌ poꞌchñara wankënawet, ñetñapaꞌ poꞌchñara tarwasatenawet eꞌñe attha.

San Juan 8:51

Poꞌñoxhkaꞌ notenes: Ñerraꞌm eseshaꞌ eꞌñe kothapeꞌcherreꞌ neñoñpaꞌ ñetña amaꞌt awathapaꞌ amach eꞌñe poktakma rromoerreto.

San Juan 8:58

Jesúsñapaꞌ alla oterraneterr: —Poꞌñoxhkaꞌ napaꞌ oꞌch notas: Ama eñalletenaꞌña Abraham, nañapaꞌ eñallana.

Los Hechos 10:11

Entoñapaꞌ oꞌ entan ñeñth ateth ñerraꞌm atarr shetamoets. Enothpaꞌ xha sowampesnena, axharamphsareth paꞌtats poꞌtophñeꞌmaroth. Añña ñeñth axharamphsarethpaꞌ sowaꞌnetsa patsoneth eꞌñe ñeshoneth.

Los Hechos 7:56

Allempoñapaꞌ oterrerr Esteban: —Napaꞌ oꞌ nent enet atorareth. Oꞌ nent ñamha alloꞌtsen Ñeñth Acheñetosets, poꞌpartsoteñothpaꞌ all then Parets poꞌkowenroth.

2 Tesalonicenses 1:7

Ñeñth attho atarr semoeroxhtena theꞌ eꞌñe ñokop, Yomporñapaꞌ eꞌñe pokteꞌ enteñ sokop, ñachña ello sokshaterreꞌña sa eꞌñe ateth atarr koshateney ya. Yapaꞌ ñeñthchaꞌña atarr yokshaterreꞌ ñerraꞌm esempoch orretwerra Yepartseshar Jesús allempoch werra poeꞌntañoth. Ña poꞌñoxhpaꞌ orretwerrach epoet poꞌmhllañotheñnaneshar ñeñth atarr awamenkatheshaꞌ phaꞌyen. Ñapaꞌ eꞌñech poꞌyoroxhenñoth werra ateth ñerraꞌmrratheꞌ tsoꞌ woretnets.

2 Tesalonicenses 1:9

Ñetñapaꞌ atthoch aꞌkoñchatarethterretpaꞌ chenkaꞌwerretchaꞌ errponañowen. Atthoch ñetpaꞌ oꞌch ellopaꞌtetstatarethterret amach entereto Yepartseshar, amach enterrñañeto poꞌkowenña all nanak partsotena.

1 Timoteo 3:16

Ñamha yapaꞌ yeñoteñ ñeñth ateth kothapeꞌchateney Yompor attho yameꞌñerapaꞌ ñeñthpaꞌ nanak koxhneshaꞌ amaꞌt awathotheñpaꞌ ama eseshayeꞌ eñotenaye. Añpaꞌ ñeñth ateth yaꞌxhoteñ Cristo: Amaꞌt Paretspaꞌ oꞌ acheñetos añe patsro, tharraña Yompor Poekamkëñothña nanak awamenkathtosa ñeñth eñotateneꞌña acheñeneshaꞌ ñapaꞌ eꞌñe poꞌñoxh kowen. Amaꞌt allowen mellañotheñnaneshaꞌpaꞌ eꞌñe entwoñeteꞌth ñeñth ateth phaꞌyeseꞌth añ patsro, ñamha ñeñth ameꞌñayeꞌthpaꞌ xhokma aꞌpothet Cristo errakmañen arr patsro amaꞌt all ama judioneshayaye. Ñamha shonteꞌ acheñ ameꞌñerraya Cristo, allothña Yompor poꞌkowenñothpaꞌ oꞌ alla agër poeꞌntaño.

Hebreos 1:14

Yeñoteñ allowen mellañotheñnaneshaꞌpaꞌ añekpa allsensarethtenet ateth ñerraꞌm Yompor Poekamkëñ, ñetchaꞌ sherbenet Yompor. Atthochña ñetchaꞌ yenpoenet allowen ñeñthchaꞌ aꞌkeshphatarethterrtsa.

San Judas 1:14

Ñamha theꞌpaꞌ oꞌch notas, awathpaꞌ eñall poesheñarr yakma añ paꞌsoꞌcheñ Enoc ñeñth Adán poꞌmhreneñ poꞌkanxhrroñowa. Ñañapaꞌ ñeñth aꞌmhtayeꞌth Yompor poꞌñoñ. Ñapaꞌ eñotatan acheñeneshaꞌ atethchaꞌ apharethterra amaꞌt ñeñth ashkañneshaꞌ. Ñokpoetaꞌnaña ateth oteꞌth: “Werrach Partseshaꞌ eꞌñe poeyochreshaxhnowen ñeñth nanak poꞌnnakaren patsopoeñ.

El Apocalipsis 19:11

Allempoña poꞌpocheñopaꞌ alla nenterrerr atorareth enet. Allñapaꞌ alloꞌtsen kawall ñeñth atarr wallaphnanen. Ñeñth montenaya kawallpaꞌ añ socheñet, Ñeñth atarr Ayemoetpotetsa ñamha ñeñth eꞌñe Poꞌñoxh Yompor Poꞌñoñ. Tharroꞌmar ñapaꞌ erraꞌtsen pokteꞌ ent oꞌch koñchach, ñeñthña ñokoppaꞌ eꞌñe pokteꞌ. Ñamha ñerraꞌm ña kellaratawet ñeñthpaꞌxhoꞌña eꞌñe pokteꞌ ñokop.

El Apocalipsis 4:1

Allempoñapaꞌ alla gatyerrnerr poꞌpoñ. Nekwerrerr, allñapaꞌ nentos yetarr atorareth allchaꞌ nebeꞌthos oꞌch nexhap ento. Alla neꞌmoerrerr ñoñets ñeñth ateth eꞌmorrtetsa ñorraꞌ atarr womenk ateth ñerraꞌmrratheꞌ poktor atarr womenk eñen. Ñeñthña ñoñetspaꞌ ateth oten: —Aphon arr, oꞌch pebeꞌthosampesna oꞌch negatyesaph allowen ñeñthchaꞌ ateth perrtsa tsapathoneth.