San Juan 1:50 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵⁰ Jesúsñapaꞌ otererr: —Napaꞌ oꞌ notaph napaꞌ nenteneph allempo phanen mañtho higocho, ñeñthoꞌmartheꞌña oꞌ phameꞌñaꞌna. Theꞌñapaꞌ oꞌch notas, elloña theꞌpaꞌ nanakchaꞌ senterrnan nepartsoña ñeñth ama tama sentennanaꞌ.

San Juan 1:50 Iomraidhean Croise

San Mateo 13:12

Eseshaꞌtheꞌ oꞌ xherranet poeyoxhreto amaꞌt eꞌñe allpona Yompor poꞌñoñ elloña Yomporpaꞌ alloꞌnach eñotatnenanet nanak shonteꞌ. Tharraña eseshaꞌña ñerraꞌm ama xhenaneto poeyoxhro tharroꞌmar ñetpaꞌ ama poꞌñoxhayeꞌ agëññañeto Yompor poꞌñoñ, amaꞌt allpon eñotyenetañ poeyoxhro ñeñthñapaꞌ xhach poerratamperranet Yompor.

San Mateo 21:19

Allñapaꞌ entnoman higoch thoñetophñoꞌtsen. Ponmosya ama entoñe poeꞌmer, pasopanrepaꞌtchaꞌ entosñañ. Jesúsña xhepaꞌtchaꞌ eñorostsa higochekop, ñeñthpaꞌ ateth otos: —¡Arepaꞌch eñalleterro poeꞌmer amaꞌt eꞌñe awatha! Eꞌñe otweꞌpaꞌ allorokmoepaꞌtchaꞌ weyaꞌwaña pasopaner.

San Mateo 25:29

Ñeñthoꞌmarña theꞌ napaꞌ oꞌch notas: “Ñeñth es echets shonteꞌ eꞌñe poesherbhateñothet pamoꞌmteꞌ, ñetña ellonethpaꞌ oꞌch alla aparethterret poꞌpoñ aton. Tharraña ñeñth ama es echetsopaꞌ amaꞌt allponatholla ñeñth echyenetañ aprratamphsarethterretchaꞌ.

San Lucas 1:45

Phaña theꞌpaꞌ atarr kosheñtsoꞌtseneph tharroꞌmar phapaꞌ eꞌñe phameꞌñaꞌwoña ñeñth ateth otwenphaꞌ Yepapar. Ñeñthoꞌmarña ñeñthpaꞌ eꞌñech ateth etsoterra phokop.

San Lucas 7:9

Allempo eꞌman Jesús ñeñth ateth oten capitán, ñañapaꞌ alla kowaꞌyesan allowen acheñeneshaꞌ ñeñth kothaꞌneneꞌ. Ñañapaꞌ ateth otanet: —Errothenothwañakaꞌyeña atarr yemtenna, ñapaꞌ amakaꞌye judioneshayaye. Napaꞌ oꞌch notas, amaꞌt awathapaꞌ ama nentareña acheñ ñeñth eꞌñe ateth neyemtenaya, amaꞌt allowen israelenaꞌtarneshaꞌpaꞌ amaꞌt poesheñarra ama nentareña ñeñth ateth atarr neyemtenaya. Amaꞌtpaꞌ korrerrepaꞌ paꞌtarwasañer.

San Juan 1:49

Natanaelñapaꞌ ateth otererr: —Maestrochaꞌ pepaꞌtña Yompor Poechemereph. Pepaꞌtña Amhchaꞌtareth ñeñth atarr kowen allowen israelneshaꞌ.

San Juan 1:51

Jesúsñapaꞌ alla otererr: —Poꞌñoxhkaꞌ notenes, senterrchaꞌ enet atorareth ñamha Yompor poꞌmhllañotheñreneshaꞌ aꞌtaxhenet ñamha sowaxhenet eꞌñe nesho, na Ñeñthen Acheñetosets.

San Juan 11:40

Jesúsñapaꞌ otererr: —Amaꞌtña napaꞌ oꞌkaꞌye notwoseph ñerraꞌm phameꞌñaꞌnachpaꞌ pentoñchaꞌ Yompor poꞌpartsoña.

San Juan 20:29

Jesúsñapaꞌ alla otererr: —Phapaꞌ xho eꞌñe penterren ñeñthoꞌmaraña theꞌpaꞌ phameꞌñenna. Tharraña elloña añ atarr kosheñtsoꞌtsen ñeñth amaꞌt ama xho entennopaꞌ ameꞌñennet.