San Juan 1:49 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁹ Natanaelñapaꞌ ateth otererr: —Maestrochaꞌ pepaꞌtña Yompor Poechemereph. Pepaꞌtña Amhchaꞌtareth ñeñth atarr kowen allowen israelneshaꞌ.

San Juan 1:49 Iomraidhean Croise

San Mateo 14:33

Ñeñthña noñthoꞌtsaꞌyenpaꞌ allenthepaꞌtchaꞌ konkorpanrrortanaꞌtapetpaꞌ ateth otyeset: —Poꞌñoxhepaꞌt phapaꞌ eꞌñe Parets Poechemereph.

San Mateo 2:2

Ñetñapaꞌ ateth otyesoset: —¿Erroꞌtsenaꞌtña ñeñth eñalletatsa ñeñthchaꞌ paꞌmhchaꞌtarether phaꞌ judioneshaꞌ? Yapaꞌ yeñoteñ oꞌ eñalleta tharroꞌmar yapaꞌ oꞌ yentoñ poꞌrantor alloth wena atsrreth; yapaꞌ ñeñthekopña yewena oꞌch yekonkorpanaꞌteñaꞌ.

San Mateo 21:5

Atethchaꞌ soch siónoꞌmarneshaꞌ ñeñthara jerusaléñoꞌmarneshaꞌ: “Sekweꞌthach, theꞌchkaꞌyeña waponasaña ñeñthchaꞌ Saꞌmhchaꞌtarether seperr. Attho wena ñapaꞌ amakaꞌye pommoꞌcheñotheyeꞌ xhapoña all, ñeñthoꞌmarña amaꞌt rreꞌptorechora ashenpaꞌ ñeñthachkaꞌye montaꞌnena.” Arrpaꞌ allowa wañ añ poꞌñoñ ñeñth aꞌmhtayeꞌth awath Yompor poꞌñoñ.

San Mateo 23:7

Ñamha ñetpaꞌ eꞌñe pommoꞌcheñothet añeꞌnaña atarr moenenet acheñeneshaꞌpaꞌ oꞌch womhchaꞌtyesapanet poeꞌmhchaꞌnañothet ñerraꞌm esempo chopeñeꞌchyenet thoñoꞌmar allekma shontena acheñeneshaꞌ. Ñamha pommoꞌcheñothetpaꞌ añeꞌnaña atarr moenenet oꞌch otanet acheñeneshaꞌ ñetpaꞌ eꞌñoꞌ partsesharerochet.

San Mateo 23:8

‘Tharraña sayeꞌña neyochreshachaꞌ ñatoꞌtña semnenaꞌña oꞌch otas acheñeneshaꞌ sapaꞌ eꞌñoꞌ partseshareroches. Ñamha sa allowenespaꞌ eꞌñechña semoꞌnasheñekma sephannena, tharroꞌmar sa allowenakpaspaꞌ napthakaꞌyeña Separtseshar sepenen na ñeñthen Cristotosets.

San Mateo 27:11

Allempo xhapachet Jesús amhchaꞌtareth Pilatesho, allñapaꞌ all amhchaꞌtarethñapaꞌ allentha aꞌphthoꞌtaph: —Phapaꞌ ¿phaꞌtña amhchaꞌtarethtetsaña judioneshakop? Jesúsñapaꞌ ateth och: —Napaꞌ ñeñthenkaꞌye ateth photen.

San Mateo 27:42

—Theꞌña phapaꞌ oꞌ phaꞌkeshphatyes poꞌpotantañ, phañapaꞌ esoꞌmareꞌtchaꞌña ama eshkayeꞌ phaꞌkeshphaterroña eꞌñe phañeña. Eꞌñe pachmhareꞌteñothetpaꞌ ateth otyereterr: —Phapaꞌ ñeñthephoꞌkaꞌye israelneshaꞌ Paꞌmhchaꞌtaretherephpaꞌ peswerrañakaꞌye korsochoth allochñapaꞌ atthoch yameꞌñapha yamha.

San Mateo 4:3

Allempoñapaꞌ wapoña oneñeth. Attho topatosan Jesúspaꞌ ateth otos: —Pha ñerraꞌm poꞌñoxhtheꞌ Parets Poechemerephpaꞌ oꞌch phot: Añ mapoeꞌ poenasepaꞌ pan.

San Marcos 15:32

Eꞌñe pachmhareꞌteñothetpaꞌ ateth otyereterr: —Phapaꞌ ñeñthephoꞌkaꞌye Cristotostsañ, ñeñthephoꞌkaꞌye israelneshaꞌ paꞌmhchaꞌtaretherpeñ, peswerrañakaꞌye korsochoth allochñapaꞌ atthoch yameꞌñapha yamha. Eꞌñe atthekma peꞌ ñamha eñeth ñeñth epoet korsoꞌtampeñet, ñetpaꞌxhoꞌña atarr es otnareꞌchet alloth poꞌkorsochoth.

San Lucas 1:35

Mellañoteññapaꞌ alla otererr: —Paretschaꞌkaꞌye Poekamkëñ pexhapoya. Ñeñth Nanak Parets poꞌwamenkpaꞌ aꞌpomamphsosephchaꞌ ateth ñerraꞌmrratheꞌ os phaꞌpomampeneꞌ. Ñeñthoꞌmarña cheshatholl ñeñthchaꞌ peꞌñalletatpaꞌ ñapaꞌ añach eꞌñe maꞌyoxhrosa ñeñth ateth moenen Parets. Otyesetchaꞌ ñapaꞌ ña eꞌñe Yompor Poechemer.

San Lucas 19:38

Ñetñapaꞌ ateth otyesnenet: —¡Ayeꞌchoxhtaterrapoꞌch Amhchaꞌtareth Jesús ñeñth llesensen Yompor! ¡Kosherretepaꞌch amaꞌt ñeñth poeꞌntañoꞌtsen! ¡Ayeꞌchoxhtaterrapoꞌch ñamha Yompor Parets ñeñth poeꞌntañoꞌtsen!

San Juan 1:18

Yompor Paretspaꞌ amaꞌt awathapaꞌ ama eseshayeꞌ poentare. Poꞌpathrrorña ñeñth Cristotosets ñeñthpaꞌxhoꞌña Parets ñeñth eꞌñe parro atthekmoet; ñapaꞌ ña yeñotaterreꞌña ateth penaña Pompor Parets.

San Juan 1:34

Na poꞌñoxhpaꞌ oꞌkaꞌye neñch ñeñthoꞌmar theꞌpaꞌ neñotatenes ñeñthkaꞌyeña Yompor Poechemer.

San Juan 1:38

Poetallesnomtsaña Jesúspaꞌ entapanet kothaꞌneñet chentaꞌ ñañapaꞌ ateth otapanet: —¿Esoꞌtña semnen? Ñetñapaꞌ ateth ochet: —Maestro, ¿erraꞌtña pexhap?

San Juan 1:50

Jesúsñapaꞌ otererr: —Napaꞌ oꞌ notaph napaꞌ nenteneph allempo phanen mañtho higocho, ñeñthoꞌmartheꞌña oꞌ phameꞌñaꞌna. Theꞌñapaꞌ oꞌch notas, elloña theꞌpaꞌ nanakchaꞌ senterrnan nepartsoña ñeñth ama tama sentennanaꞌ.

San Juan 18:37

Pilatoñapaꞌ ateth otererr: —Ñeñthepñapaꞌ pepaꞌtkaꞌyeña amhchaꞌtareth. Jesúsñapaꞌ ateth otererr: —Na poꞌñoxhpaꞌ amhchaꞌtarethenkaꞌye eꞌñe ateth photenen pha. Napaꞌ ñeñthoꞌmarña neꞌñalletosa añe patsro atthoch nach aꞌpothoseꞌ ñeñth eꞌñe poꞌñoxh Yompor pokthaphña. Allowen ñeñth moeneneꞌ ñeñth eꞌñe poꞌñoxh Yompor pokthaphña, ñetñapaꞌ eꞌmhñotennet.

San Juan 4:31

Allempo ama xhaxhenetaꞌ ñesho poeyochreshaꞌñapaꞌ ateth otyeñet: —Maestro, maꞌmatheꞌthach rreñets.