San Juan 1:45 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁵ Felipeñapaꞌ entwenan Natanaelpaꞌ ateth otweñ: —Yapaꞌ oꞌkaꞌye yenter ñeñth ñokop kellkëꞌth Moisés all orrtatan ñoñets ñeñth ateth anareth, ñamha ñokop kellkëꞌth ñeñth aꞌmhtaꞌyesayeꞌth Yompor poꞌñoñ. Añepaꞌtkaꞌye Jesús ñeñth wetsa Nazaretoth ñeñth José poechemer.

San Juan 1:45 Iomraidhean Croise

San Mateo 10:3

Allothñapaꞌ ñamha Felipe ñamha Bartolomé; allothñapaꞌ ñamha Tomás ñamha Mateo ñeñth cobrayeꞌth acheñeneshaꞌ kelle ñeñth gobiernokop; allothñapaꞌ Jacobo ñeñth Alfeo poechemer, allothpaꞌ ñamha Tadeo.

San Mateo 13:55

Ñapaꞌ aña poechemer ñeñth poꞌtarwas peneꞌ oꞌch thorrenana tsach atthoch es yexhkatyen paꞌnamen. Pachorpaꞌ aña María. Paꞌmoꞌnasheñpaꞌxhoꞌña aña Jacobo, José, Simón, Judas.

San Mateo 2:23

Xherr Galileopaꞌ awerr patherr anetso ñeñth paꞌsoꞌcheñ Nazaret. Allñapaꞌ alla yexhaꞌwerra. Atthothkaꞌyeña etsotaña ñeñth ateth otyeseꞌth ñeñth aꞌmhtaꞌyesayeꞌth Yompor poꞌñoñ; ñetpaꞌ ateth otyeseteꞌth ñeñthchaꞌ Cristoterretspaꞌ “oteñetchaꞌ nazaretoꞌmarneshaꞌ.”

San Mateo 21:11

Acheñeneshaꞌ ñeñth kothaꞌneneꞌpaꞌ ñetñapaꞌ ateth otoset: —Añkaꞌyeña Jesús ñeñth aꞌmhteneꞌ Yompor poꞌñoñ. Ñapaꞌ Galileothkaꞌye wena allara anetso Nazareto.

San Marcos 14:67

Ñañapaꞌ entosan Pedro all shotenana tsoꞌ. Kowanaꞌtospaꞌ ateth och: —Phakaꞌye eꞌñe kothayeꞌthña Jesús ñeñth nazaretoꞌmarneshaꞌ.

San Marcos 6:3

Ñapaꞌ añakaꞌye ñeñth poꞌtarwas peneꞌ oꞌch thorrenana tsach atthoch es yexhkatyen paꞌnamen. Ñapaꞌ añakaꞌye María poechoyor. Paꞌmoꞌnasheñpaꞌxhoꞌña añakaꞌye Jacobo, José, Judas, ñamha Simón. Ñamha poꞌxhaneshaꞌpaꞌ eꞌñekaꞌye yechmeꞌtenanet, parroꞌmarneshayarramcheꞌ. Ñeñthoꞌmarña all eꞌñe ña paꞌnyopaꞌ ama eseshayeꞌ akwaꞌpenaye entenaye.

San Lucas 18:37

Ñetñapaꞌ ateth ochet: —Añkaꞌye wetsa Jesús ñeñth nazaretoꞌmarneshaꞌ.

San Lucas 2:4

Ñeñthoꞌmarña Josépaꞌ on Nazaretoth allara anets Galileo, oꞌch awoꞌ all paꞌnetser peꞌth paꞌtañneshañ, ñeñthña anetserpaꞌ añ paꞌsoꞌcheñ Beléñ, allara Judeo, tharroꞌmar Beléño eñalleta awath paꞌtañ David. Tharroꞌmar Josépaꞌ Davidnaꞌtarkaꞌye.

San Lucas 2:48

Allempo enter pompor ñamha pachorpaꞌ attha kowanaꞌtoset. Pachorñapaꞌ ateth otos: —¿Esoꞌmartheꞌña neꞌmare oꞌ atarr pellkatya? ¿Amaꞌt peñoteñe atarr yellkëñeshaꞌ yeꞌnameneph?

San Lucas 24:27

Allempoña Jesúspaꞌ oꞌ yerpatnerraneterr ora allowen ñeñth ateth anareth añekop ñeñthchaꞌ Cristotats. Eꞌñe Moisés poꞌñoñotheñ yerpatnomanet ñamha poꞌpotantañexhno poꞌñoñ ñeñth eñosyestseꞌth Cristokop, ñeñthara ñeñth aꞌmhtaꞌyesayeꞌth Yompor poꞌñoñ awath.

San Lucas 24:44

Allempoñapaꞌ ateth oterraneterr: —Ñeñth ateth notaseꞌth allempo orameñ alloꞌtseney eꞌñe parro, ora allowen ñeñth ateth anareth awathotheñ Yompor poꞌñoño nokop, ñeñthña theꞌpaꞌ oꞌ eꞌñe etsotwerra —eꞌñe Moisésotheñ poꞌñoñ ñeñth ateth anareth amaꞌt ñamha ora allowen ñeñth kellkaꞌyesoneꞌth ñeñth aꞌmhtaꞌyesayeꞌth Yompor poꞌñoñ, amaꞌt ñamha ñeñth akellkarethtatseꞌth libro Salmos, theꞌpaꞌ ñeñthña oꞌ eꞌñe etsotwerra ñeñth ateth anaꞌyesareth nokop awathotheñ.

San Lucas 3:23

Ñewa, Jesúspaꞌ allempo orrta oꞌ thorraꞌmochana ñeñth poꞌtarwas pen Pomporekop, allempoña poꞌcharñapaꞌ ñatoꞌ oꞌtheꞌ xhap maꞌpoch xharraꞌ char. Acheñeneshaꞌñapaꞌ aña pompor phateñet ñeñth José. Ñewa, Josépaꞌ Elí poechemer,

San Lucas 4:22

Allowenña acheñeneshaꞌpaꞌ eꞌñe kowen eñoraꞌyenet Jesúsokop. Atarr koxhneshaꞌ enteññañet poꞌñoñ ñeñth ateth serrpareꞌtatyenanet. Ñetñapaꞌ ateth otannaꞌtyenet: —Errothenothwañakaꞌyeña atarr koxhneshareꞌ serrpareꞌtatyeney. Ñapaꞌ añakaꞌye José poechemer.

San Juan 1:44

Ñewa, Felipepaꞌxhoꞌña galileoꞌmarneshaꞌ, ña paꞌnetserpaꞌ añ paꞌsoꞌcheñ Betsaida ñeñthara ñamha Andrés paꞌnetser ñamha Pedro.

San Juan 12:21

Ñetñapaꞌ ponmosyet Felipe ñeñth betsaidoꞌmarneshaꞌ ñeñthara galileoꞌmarneshaꞌ. Ñeñthñapaꞌ ateth otoset: —Nomporchaꞌ yapaꞌ añkaꞌye yemnen oꞌch yeserrpareꞌtos epay Jesús.

San Juan 14:8

Felipeñapaꞌ ateth och: —Partseshachaꞌ pegatey ñeñth Apa, yapaꞌ oꞌ ñeñthamha yepallta oꞌch yeñoch.

San Juan 18:5

Ñetñapaꞌ ateth otoset: —Añkaꞌye yeꞌnen Jesús ñeñth nazaretoꞌmarneshaꞌ. Ñañapaꞌ alla oterraneterr: —Napaꞌ añenkaꞌye. Judas ñeñth pomoeꞌpaꞌ ñapaꞌxhoꞌña alloꞌtsen.

San Juan 18:7

Elloñapaꞌ alla oterraneterr: —¿Eseshaꞌtña seꞌnen? Ñetñapaꞌ alla otereterr: —Yapaꞌ añ yeꞌnen Jesús ñeñth nazaretoꞌmarneshaꞌ.

San Juan 19:19

Pilatoñapaꞌ kellkatan ñoñets ñeñthpaꞌ ateth ot: “Añmapaꞌ Jesús ñeñth nazaretoꞌmarneshaꞌ ñeñth Paꞌmhchaꞌtarether pen judioneshaꞌ.” Ñeñthña ñoñetspaꞌ eꞌñe korsocho neꞌ.

San Juan 21:2

Ñewa, allempo shontenet allpaꞌ alloꞌtsen Simón Pedro ñamha Tomás ñeñth otenet Epaneshaꞌ ñamha Natanael ñeñth kanoꞌmarneshaꞌ eꞌñe allara Galileo. Ñamha alloꞌtsen Zebedeo poechemereshaꞌ ñamha alloꞌtsen poꞌpoñ epsheña poeyochreshaꞌ.

San Juan 6:42

Ñeñthpaꞌ ateth otyeset: —Añmapaꞌ añakaꞌye Jesús, José poechemer, ñeñth pompor ñamha pachor eꞌñekaꞌye yechmeꞌteñ. Theꞌñapaꞌ esoꞌmareꞌtña oten ñapaꞌ entothoꞌ wapa.

San Juan 6:5

Jesúsña kowatsa aꞌyopaꞌ entapan shonteꞌ acheñeneshaꞌ ñeñth onaxhets ñeshoneth. Allempoñapaꞌ ateth otan Felipe: —Errawachkaꞌ yerañthaña pantheꞌ ñeñthchaꞌ rros acheñeneshaꞌ ñeñth oꞌ waxhaꞌta.

San Juan 6:7

Felipeñapaꞌ ateth och: —Amaꞌt epoch xharroch xharraꞌ denario alloch yerañtha panpaꞌ amaꞌt poeshmetathollapaꞌ amatheꞌ rraꞌyeseto.

Los Hechos 10:38

Alla oterraneterr Pedro: —Señoteñtheꞌ Yomporpaꞌ oꞌ nan Poechemer Jesús ñeñth nazaretoꞌmarneshaꞌ. Oꞌ chorracha Parets Poekamkëñ ñamha nanak awamenkath peꞌ. Allothpaꞌ all chopeñeꞌchyeseꞌthpaꞌ nanak amoerañteꞌth. Aꞌkrratyesaneꞌth allowen ñeñth moeroxhtatyeseꞌth oneñeth, tharroꞌmar Pomporpaꞌ nanak yenpoeꞌth.

Los Hechos 2:22

Añpaꞌ ñeñthara alla oterraneterr Pedro: —Oꞌch, masheñe judioneshachaꞌ, noterrserr: Sapaꞌ señoteñ awañapaꞌ orrteꞌth Jesús ñeñth nazaretoꞌmarneshaꞌ. Ñapaꞌ xhokma orrtatonaseꞌth poꞌpartsoteña, ñamha xhokma orrtatyesonaseꞌth ñeñth ama sentare ñeñthchaꞌ señotateꞌ ñapaꞌxhoꞌña nanak Parets. Pompor apoeneꞌña poꞌpartsoña atthoch señotoñ Poechemer ña nanak Parets.

Los Hechos 22:8

Nañapaꞌ oꞌ not: “¿Eseshapeꞌt Ayochreshathe eñets?” Ñeñth eñetspaꞌ alla oterrnerr. “Napaꞌ ñeñthen Jesúsen ñeñthen nazaretoꞌmarneshan, narramcheꞌña atarr pemoeroxhtaten.”

Los Hechos 26:9

‘Napaꞌxhoꞌña awañmoꞌchapaꞌ notenapañ ñatoꞌ ñeñththeꞌ poktetsa oꞌch yemoeroxhtach ñeñth kotheneꞌ Jesús pokthaphña ñeñthara Jesús ñeñth nazaretoꞌmarneshaꞌ.

Los Hechos 3:6

Tharraña Pedroñapaꞌ ateth och: —Napaꞌ ama necheno kelle, tharraña ñeñth nechenpaꞌ ñeñthchaꞌña napaph. Oꞌch notaph, eꞌñe poꞌpartsoteñoth Jesucristo ñeñth nazaretoꞌmarneshaꞌ oꞌch notaph, pechopeꞌcherrepaꞌ.