San Juan 1:41 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴¹ Andrésñapaꞌ allorokma awerr eꞌnerrayaꞌ Simón; oꞌña enteraꞌpaꞌ ateth otwerr: —Yapaꞌ oꞌkaꞌye yenter Mesías. (Ñewa, ñeñthña ñoñets Mesías añkaꞌye otenet ñeñthchaꞌ Cristoterrets.)

San Juan 1:41 Iomraidhean Croise

San Mateo 1:23

Ñeñthña shopsheshaꞌpaꞌ amach aꞌphllarethotheyeꞌ axhomento; cheyoreꞌtanach asheñorr, ñeñthñapaꞌ sochetchaꞌ Emanuel. Ñeñth ña soꞌchñetspaꞌ ateth oten: Theꞌña Paretspaꞌ eꞌñe parroꞌtseney.

San Lucas 2:17

Allempo entoset ñetñapaꞌ serrpareꞌtoset ñeñth ateth oꞌ otwenanetaꞌ mellañotheñ cheshathollekop. Allowen ñeñth eꞌmoeneꞌpaꞌ nanak kowanrroretyeset, otannaꞌtyeset: —Taꞌm errothenoththeꞌñakaꞌ oꞌ serrpareꞌtosña ateth.

San Lucas 2:38

Ñapaꞌxhoꞌña allempokma wapa all oꞌ xhapachet cheshatholl Jesús. Ñañapaꞌ maꞌyochosa, atarr parasyosoꞌtenan Yompor cheshathollekop. Ñeñthoꞌmarña ñapaꞌ atarr serrpareꞌtatosan acheñeneshaꞌ ñeñth cheshathollekop tharroꞌmar oꞌ wapa ñeñth atarr kowen allowen acheñeneshaꞌ ñeñthchaꞌ aꞌkeshphatoseꞌ israelneshaꞌ ñeñth paꞌnetser peneꞌ Jerusaléñ.

San Juan 1:45

Felipeñapaꞌ entwenan Natanaelpaꞌ ateth otweñ: —Yapaꞌ oꞌkaꞌye yenter ñeñth ñokop kellkëꞌth Moisés all orrtatan ñoñets ñeñth ateth anareth, ñamha ñokop kellkëꞌth ñeñth aꞌmhtaꞌyesayeꞌth Yompor poꞌñoñ. Añepaꞌtkaꞌye Jesús ñeñth wetsa Nazaretoth ñeñth José poechemer.

San Juan 4:25

Koyaneshaꞌñapaꞌ alla otererr: —Napaꞌ neñoteñ añ Mesíaspaꞌ wapach ñeñthara ñeñth yoten Cristo. Ñerraꞌm ña wapatsapaꞌ eꞌñech serrpareꞌtatwerrey ora allowen ñeñth esokmañen eñall.

Los Hechos 10:38

Alla oterraneterr Pedro: —Señoteñtheꞌ Yomporpaꞌ oꞌ nan Poechemer Jesús ñeñth nazaretoꞌmarneshaꞌ. Oꞌ chorracha Parets Poekamkëñ ñamha nanak awamenkath peꞌ. Allothpaꞌ all chopeñeꞌchyeseꞌthpaꞌ nanak amoerañteꞌth. Aꞌkrratyesaneꞌth allowen ñeñth moeroxhtatyeseꞌth oneñeth, tharroꞌmar Pomporpaꞌ nanak yenpoeꞌth.

Los Hechos 4:27

Alla maꞌyochereterr Yompor, ateth oterreterr: —Ñeñthoꞌmarña theꞌpaꞌ poꞌñoxh oꞌ etsota attho arr Jerusaléño oꞌ apxhet atthoch oꞌpatonapet Pechemer Jesús amaꞌt ñeñth eꞌñe kowen Parets penten pha, ñeñthña Jesús ñeñth eꞌñe kowen pesherbhayeꞌth ñeñth eꞌñe pho pellsensar. Ateth awathotheñ eꞌñe peñotwaneteꞌth ñetpaꞌ oꞌch etsotaterrnapet peñoñ ateth ñerraꞌm Herodes, ñamha Poncio Pilato, ñamha poꞌpoñexhno acheñ ñeñth ama ameꞌñetso, amaꞌt ñamha israelneshaꞌ. Tharraña ñeñth ateth oꞌpachetpaꞌ theꞌpaꞌ oꞌ etsotwerra peñoñ.

1 San Juan 1:3

Allochñapaꞌ atthoch alloweney yeparrokmaterr epay Yompor Parets ñamha Poechemer ñeñth Jesucristo.