San Juan 1:38 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁸ Poetallesnomtsaña Jesúspaꞌ entapanet kothaꞌneñet chentaꞌ ñañapaꞌ ateth otapanet: —¿Esoꞌtña semnen? Ñetñapaꞌ ateth ochet: —Maestro, ¿erraꞌtña pexhap?

San Juan 1:38 Iomraidhean Croise

San Lucas 10:39

Ñeñthña Martapaꞌ eñall ñamha paꞌmoꞌnerr ñeñthpaꞌ añ paꞌsoꞌcheñ María. Maríañapaꞌ all anen Partseshaꞌ Jesús paꞌrrphoth alloth eꞌmhñoteññañ ñeñth ateth serrpareꞌtatenanet.

San Lucas 14:25

All oñemyen Jesúspaꞌ shonteꞌ acheñeneshaꞌ kothaꞌwaneneꞌ. Ñañapaꞌ kowaꞌnmanet alleneth shontenetpaꞌ ateth otnomanet:

San Lucas 15:20

Oꞌña ateth kothapeꞌchwa ello eꞌñe kowen Yomporekoppaꞌ allempoñapaꞌ awen pomporesho. ‘Amaꞌt atarr ellapharmeñ allempo entapoeñ pompor eꞌñe poemoereñoth mata poktapoeñpaꞌ aꞌxhonoꞌtapoeñ, tsoꞌtstsapaꞌtapoeñ. Ñeñthpaꞌ ateth womhchaꞌtapoenan poechemer attho eꞌñe kowen agapapoeñ.

San Lucas 19:5

Allempoña xhap Jesús eꞌñe ñesho, kowostsa enonethpaꞌ alla entos, ñañapaꞌ ateth otos: —Zaqueo, peswerra thekma. Theꞌ napaꞌ eꞌñe poktennana oꞌch nexhap pepakllo.

San Lucas 22:61

Allempoña Partseshaꞌ Jesúspaꞌ kowaꞌ allentheꞌtsen Pedro. Pedroñapaꞌ allentha yerpoerrana ateth otneñ Partseshaꞌ: “Amach eñenaꞌ atollop ñeñthe tsaprokma phañapaꞌ oꞌch maꞌpoch phaꞌnasotenna.”

San Lucas 8:38

Yakmaña ñeñth chorreꞌth oneñeth ñañapaꞌ allentha otan Jesús: —Napaꞌ nemneñkaꞌye theꞌpaꞌ oꞌch noktherreph. Tharraña Jesúsñapaꞌ ama moenache, ateth och:

San Juan 1:37

Ñeñthña epsheña poeyochreshaꞌ allempo eꞌmet ateth oteñ Juan, ñetñapaꞌ allentha kothaꞌnmet Jesús.

San Juan 1:39

Ñañapaꞌ ateth otanet: —Soktherrenkaꞌye oꞌch senteñaꞌ. Ñetñapaꞌ allentha kothaꞌneret Jesús oꞌch enteñetaꞌ all aꞌposa. Alla aꞌposet ñamet ñeñthe yethro tharroꞌmar allempopaꞌ oꞌ mamhamena oꞌch ellerren.

San Juan 1:49

Natanaelñapaꞌ ateth otererr: —Maestrochaꞌ pepaꞌtña Yompor Poechemereph. Pepaꞌtña Amhchaꞌtareth ñeñth atarr kowen allowen israelneshaꞌ.

San Juan 12:21

Ñetñapaꞌ ponmosyet Felipe ñeñth betsaidoꞌmarneshaꞌ ñeñthara galileoꞌmarneshaꞌ. Ñeñthñapaꞌ ateth otoset: —Nomporchaꞌ yapaꞌ añkaꞌye yemnen oꞌch yeserrpareꞌtos epay Jesús.

San Juan 18:4

Jesúsñapaꞌ eꞌñe eñoteñ ora ñeñthchaꞌ xhapoya allempo. Ñaña poktanetpaꞌ ateth otapanet: —Sapaꞌ ¿eseshaꞌtña seꞌnen?

San Juan 18:7

Elloñapaꞌ alla oterraneterr: —¿Eseshaꞌtña seꞌnen? Ñetñapaꞌ alla otereterr: —Yapaꞌ añ yeꞌnen Jesús ñeñth nazaretoꞌmarneshaꞌ.

San Juan 3:2

Ñañapaꞌ wapa Jesúsesho tsapopaꞌ ateth otos: —Maestrochaꞌ yeñoteneph phapaꞌ añ pellsenseneꞌ Yompor atthoch peyxhatosey kowen tharroꞌmar yapaꞌ yeñoteñ añach orrtatyeneꞌ partsoteñets ñeñth awamenkath pen Yompor.

San Juan 3:26

Ñeñthoꞌmarña awanmoet Juaneshopaꞌ ñetñapaꞌ ateth otoset: —Maestrochaꞌ ñeñth epaph awaña yomhtaꞌn Jordanaso, ñeñth peserrpareꞌtatosey, ñapaꞌxhoꞌña ñepaꞌtkaꞌyeña apatyets ñamha. Ñeñthoꞌmarña allowenetpaꞌ oꞌkaꞌye awanmoet ñesho.

San Juan 4:31

Allempo ama xhaxhenetaꞌ ñesho poeyochreshaꞌñapaꞌ ateth otyeñet: —Maestro, maꞌmatheꞌthach rreñets.

San Juan 6:25

Allempoña entoset yomhtaꞌnpaꞌ ateth otoset: —Maestro, ¿esempoꞌtña pexherrña pha arrma?

Los Hechos 10:21

Ñeñtha otwepaꞌ Pedroñapaꞌ aswerrocheꞌ patso. Oꞌ xhap alloꞌtsen añ maꞌpsheña ateth otapanet: —Napaꞌ naña ñeñthen seꞌnen. ¿Esokpaꞌtña sewena?

Los Hechos 10:29

Ñeñthoꞌmarña theꞌpaꞌ oꞌ nowapa arr thayekma allempo agotatennet. Theꞌñapaꞌ oꞌch naꞌphthoꞌtaph ¿esokoptheꞌ phagotatenen?