San Juan 1:34 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁴ Na poꞌñoxhpaꞌ oꞌkaꞌye neñch ñeñthoꞌmar theꞌpaꞌ neñotatenes ñeñthkaꞌyeña Yompor Poechemer.

San Juan 1:34 Iomraidhean Croise

San Mateo 11:27

Jesúspaꞌ alla oterranerr acheñeneshaꞌ: —Nompor allowen poꞌkowenña eꞌñe eñotatwenen. Na ñeñthen Poechemerenpaꞌ ama poꞌñoxh eseshayeꞌ neñotenaye, ñapthaña Nompor eꞌñe eñotenen. Nomporpaꞌxhoꞌña ama poꞌñoxh eseshayeꞌ eñotenaye napthaña na ñeñthen Poechemeren eꞌñe neñoteñ Nompor, ñamha erraꞌtsenchaꞌ ñeñth eꞌñe pokteꞌ nenten na ñeñthen Poechemeren ñeñthñapaꞌ oꞌch neñotater Nompor.

San Mateo 16:16

Simón Pedroñapaꞌ eñoratsapaꞌ ateth och: —Phapaꞌ ñeñthephkaꞌye atarr yekwen amaꞌt awathotheñ; ñeñthephkaꞌye Parets Poechemereph ñeñtheph Cristotosets. Ñeñthña Parets ama arromñatheshayaye.

San Mateo 17:5

Allempo eñorena Pedropaꞌ xha orrtosawet os ñeñth atarr kowen poptetsa xhepaꞌtchaꞌ aꞌpomamphsosanet. Xha eꞌmorrtostsa ñoñets osoth; ñeñthña ñoñetspaꞌ Yompor otosawet; ñeñthpaꞌ ateth ot: —Añmapaꞌ ñeñth no Nechemer ñeñth atarr nemoerena ñeñthña atarr nokshateneꞌ, ñeñthchaꞌña eꞌñe kowen seꞌmhñoterr.

San Mateo 26:63

Jesúsñapaꞌ ama eñoreno. Allempoña korneshaꞌpaꞌ alla otererr: —Theꞌpaꞌ oꞌch notaph oꞌch photey eꞌñe Yompor paꞌsoꞌchño ñeñth ama arromñatheshayaye, phapaꞌ ¿phaꞌtña ñeñtheph Parets Poechemereph, ñeñthephtheꞌ Cristotosets?

San Mateo 27:40

ñeñthpaꞌ ateth otyesneñet: —Pha ñeñtheph phommoꞌcheñothpaꞌ photatseꞌteꞌth phoꞌch aꞌmaterrayeñ Parets paꞌpakëll, pomaꞌpamtañokmoꞌch alla phathomatereñ, theꞌñapaꞌ phaꞌkeshphaterrañakaꞌye eꞌñe phañeña. Ñerraꞌm poꞌñoxhtheꞌ Parets Poechemerephpaꞌ peswerrañakaꞌyena thayekma korsochoth.

San Mateo 27:43

Phapaꞌ pha yemtenaya Yomporpaꞌ theꞌñapaꞌ aꞌkeshphaterrpepaꞌñakaꞌye ñerraꞌm poꞌñoxhtheꞌ eꞌñe kowen moerenpha. Phapaꞌ ñeñtheph poꞌñoxh ateth otets Yomporoꞌ Poechemereph.

San Mateo 27:54

Eꞌñe allempo rroma Jesús, solltarneshaꞌña epoet poꞌkaphtaner ñeñth allpon kowampeneꞌ Jesús, ñetñapaꞌ eꞌñe enteñet ñeñth ateth phaꞌyesa allempo, attho pella pats. Ñeñthoꞌmarña ñetpaꞌ atarr yorenet. Allempoñapaꞌ ateth otet: —Poꞌñoxhwakaꞌye añmapaꞌ Partsepaꞌtkaꞌye Poechemer.

San Mateo 3:17

Allempoñapaꞌ xha eꞌmorrtatsa ñamha ñoñets entoth ateth eñorena Yompor. Ñeñthña ñoñetspaꞌ ateth oten: —Añmapaꞌ ñeñthña Nechemer ñeñth atarr nemorrentena. Ña atarr nanak nokshateneꞌ.

San Mateo 4:3

Allempoñapaꞌ wapoña oneñeth. Attho topatosan Jesúspaꞌ ateth otos: —Pha ñerraꞌm poꞌñoxhtheꞌ Parets Poechemerephpaꞌ oꞌch phot: Añ mapoeꞌ poenasepaꞌ pan.

San Mateo 4:6

Allñapaꞌ otwererr: —Phapaꞌ ñerraꞌm poꞌñoxhtheꞌ Parets Poechemereph theꞌpaꞌ phomacha arroth tharroꞌmar amach phaꞌtserrpho tharroꞌmar Parets poꞌñoñ ñeñth anwareth ñeñthpaꞌ amaꞌtña ateth oten: Yomporpaꞌ oꞌch moeñonaph poꞌmhllañotheñnaneshar ñeñthchaꞌ pekwamphsapoeꞌ. Ñetchaꞌ phagapapoet, oꞌch enatapapet atthoch amach phaꞌtserrphatkaꞌtoso mapyo.

San Mateo 8:29

Allempoñapaꞌ rranareꞌtapet Jesús, ateth ochet: —Esoꞌmarwachkaꞌye, Parets Poechemerechaꞌ phaꞌtsrreꞌmoxhtanaꞌtosey. Phapaꞌ añekoptheꞌ pewena oꞌch pekoñchaterrey amaꞌt ama xhenaꞌ allempoch yaꞌkoñchatarethterra.

San Marcos 1:1

Theꞌ arr napaꞌ oꞌch nekellkonas ñeñth eꞌñe kowen ñoñets alloch yekeshperra eꞌñe yameꞌñeñotha Jesucristo ñeñth Poechemer pen Yompor. Ñewa, ñeñth ñanom orrtatsa ñeñthpaꞌ eꞌñe ateth oꞌ perra eꞌñe ateth kellkëꞌth Isaías ñeñth aꞌmhtayeꞌth awath Yompor poꞌñoñ. Isaíaspaꞌ ñapaꞌ añkaꞌye kellkëꞌth ñeñth ateth Yomporpaꞌ otan Poechemer ñeñthara Cristo, ñeñthpaꞌ ateth och: Theꞌpaꞌ peñochepaꞌch napaꞌ nemñerrnaphchaꞌ poesheñarr ñeñthchaꞌ photamperraya. Eꞌñe ña poeserrpareꞌteñothpaꞌ aññoꞌterrnaphchaꞌ allchaꞌ phoñmos phamha esempo.

San Marcos 1:11

Allempoñapaꞌ xha eꞌmorrtatsa ñamha ñoñets entoth ateth eñorena Yompor. Ñeñthña ñoñetspaꞌ ateth oten: —Phapaꞌ ñeñtheph Nechemereph ñeñtheph atarr nemorrentena, pha atarr nokshateneꞌ.

San Lucas 1:35

Mellañoteññapaꞌ alla otererr: —Paretschaꞌkaꞌye Poekamkëñ pexhapoya. Ñeñth Nanak Parets poꞌwamenkpaꞌ aꞌpomamphsosephchaꞌ ateth ñerraꞌmrratheꞌ os phaꞌpomampeneꞌ. Ñeñthoꞌmarña cheshatholl ñeñthchaꞌ peꞌñalletatpaꞌ ñapaꞌ añach eꞌñe maꞌyoxhrosa ñeñth ateth moenen Parets. Otyesetchaꞌ ñapaꞌ ña eꞌñe Yompor Poechemer.

San Juan 1:18

Yompor Paretspaꞌ amaꞌt awathapaꞌ ama eseshayeꞌ poentare. Poꞌpathrrorña ñeñth Cristotosets ñeñthpaꞌxhoꞌña Parets ñeñth eꞌñe parro atthekmoet; ñapaꞌ ña yeñotaterreꞌña ateth penaña Pompor Parets.

San Juan 1:49

Natanaelñapaꞌ ateth otererr: —Maestrochaꞌ pepaꞌtña Yompor Poechemereph. Pepaꞌtña Amhchaꞌtareth ñeñth atarr kowen allowen israelneshaꞌ.

San Juan 10:30

Napaꞌ eꞌñe parro atthekman epan ña.

San Juan 10:36

naña ñeñthen oꞌ nerren Yompor ñeñthen oꞌ moeñerren arr patsro, sapaꞌ achmharñathach sepenen tharroꞌmarothña napaꞌ noten Yompor Poechemeren.

San Juan 11:27

Martañapaꞌ ateth otererr: —Partseshachaꞌ, napaꞌ neñoteneph eꞌñe poꞌñoxh phapaꞌ ñeñtheph Cristotosets, phapaꞌ Yepapar Poechemereph, pha atarr yekwen awathotheñ oꞌch pewapa arr patsro.

San Juan 19:7

Judioneshaꞌñapaꞌ ateth otereterr: —Yapaꞌ yechenkaꞌye patherr ñoñets ñeñth ateth anareth. Ñeñthña ñoñetspaꞌ ateth oteney añ poktetsa ñapaꞌ xhokmach rroma tharroꞌmar ñapaꞌ pachmhareꞌteñoth oten ñapaꞌ ñoꞌ Parets Poechemer.

San Juan 20:28

Allempoña Tomáspaꞌ ateth och: —¡Nepartseshare, theꞌña poꞌñoxhpaꞌ Neyomporer nepeneph!

San Juan 20:31

Allpon ñeñth akellkarethtatsa arr libro ñeñthpaꞌ añekop anareth ñeñthchaꞌ sameꞌñateꞌ poꞌñoxh Jesúspaꞌ ñeñth Cristotets, ña poꞌñoxh Yompor Poechemer. Tharroꞌmar eꞌñe sameꞌñeñotha Cristo sañapaꞌ korretsasach thayotheñ eꞌñe errponañowen.

San Juan 6:69

Yapaꞌ oꞌkaꞌye yameꞌñapha. Yapaꞌ yeñoteneph phapaꞌ pepaꞌtkaꞌye Cristotets, ñeñtheph Yompor Poechemereph.

Romanos 1:4

Tharraña Parets Poekamkëñothpaꞌ nanak awamenkathtacheꞌth añekop ñeñth kowenetyetsa Partsokop. Ñamha chemerrña allempo Pomporpaꞌ awoꞌt tantater poꞌrromñothpaꞌ allempoña eꞌñe eñotwarethta ñapaꞌ poꞌñoxh Yompor Poechemer ñeñthara Jesucristo ñeñth Yepartseshar yepen.

2 Corintios 1:19

Ñamha Yompor Poechemer ñeñthara Cristo Jesús ñerraꞌm es oteney ñeñthchaꞌ ateth phonaypaꞌ atethchaꞌxhoꞌ pennay, xhokmach orrtateñ eꞌñe poꞌñoxh, tharroꞌmar ñapaꞌxhoꞌña ama poenesho poꞌñoñ. Ñeñthara Jesucristo ñeñth xhokma yeserrpareꞌtatenes epan masheñ Silvano ñamha masheñ Timoteo.

Hebreos 7:3

Ñeñth Melquisedecpaꞌ ama eñotpawoyayeña ñeñth pompor peꞌth ñamha ñeñth pachor peꞌth tharroꞌmar ama akellkaretheyaye ñeñth paꞌsoꞌcheñ. Ñamha ñeñth paꞌtañneshañ peꞌth ñeñthpaꞌxhoꞌña ama eñotpawoyaye. Amaꞌt ñamha allempotheñ eñalleta Melquisedec amaꞌt ñamha allempo rroma ñeñthpaꞌxhoꞌña ama eñotpawoyaye. Ñapaꞌ tharroꞌmar ateth peꞌth añ tomaꞌntena ñeñth Poechemer pen Parets. Ñeñthoꞌmarña attho korneshaten ñeñthpaꞌ amach wañerro amaꞌt errponaña.

1 San Juan 2:23

Allowen ñeñth aꞌnasotenaya Yompor Poechemer, ñetpaꞌ Pomporeꞌnaña ama agëññañeto. Tharraña allowen ñeñth otets, Jesúspaꞌ Yomporo Poechemer ñeñth Cristotets, ñetñapaꞌ eꞌñe agëññañet Pompor.

1 San Juan 3:8

Tharraña ñeñth xhokma orrtatyeneꞌ ñeñth ama pokteyeꞌ enteno Yompor, ñeñthña acheñerpaꞌ poꞌñoxh oneñethenaꞌtar, tharroꞌmar oneñethpaꞌ eꞌñe awathotheñ ñapaꞌ aña orrtatyes ñeñth amaꞌt mameshapaꞌ ama pokteyeꞌ enteno Yompor. Ñeñthoꞌmarña Yompor Poechemerpaꞌ wapa, allochñapaꞌ ñach eꞌnwerreꞌ ateth phatseꞌtyena oneñeth.

1 San Juan 4:9

Añpaꞌ Yompor orrtateꞌ yokop allochñapaꞌ yapaꞌ oꞌch yeñoter Yomporpaꞌ atarr morrentenya. Atthoña moeñan Poechemer arr patsro ñeñth poꞌpathrror pen atthochña yapaꞌ korretsayach eꞌñe ñeshoth.

1 San Juan 5:20

Yañapaꞌ yeñoteñ ñeñth Poechemer pen Yomporpaꞌ ñañapaꞌ oꞌ wapa. Ñaña yexhapaterreꞌña yeyoxhro atthochña yapaꞌ oꞌch yeñoter Yompor ñeñth eꞌñe poꞌñoxh Parets. Ñeñthoꞌmarña yeñoteñ oꞌ yeparrokmaterr epay ñeñth eꞌñe poꞌñoxh Yompor Poechemer ñeñthpaꞌ Jesucristo. Atthoña yapaꞌ oꞌ eꞌñe yeñoter Yompor ñeñth eꞌñe poꞌñoxh Parets, ñeñthña yapaꞌ allochña eꞌñe korretsayach yoksheñeshokmañen thayotheñ eꞌñe errponañowen.

2 San Juan 1:9

Ñerraꞌm erraꞌtsenchaꞌ ama atthekmayeꞌ yexhatatso ñeñth ateth yexhateney Cristo, ñerraꞌm xha aꞌpoꞌpoñeteññañ poꞌñoñ, ñeñth ateth petsapaꞌ amach Yomporeyeꞌ yemteno. Añchaꞌña erraꞌtseneytheꞌ alloꞌna kotheneꞌ Cristo poꞌñoñ yapaꞌ eꞌñe poꞌñoxh yeyemteña Yompor Parets eꞌñe Poechemereꞌna.

El Apocalipsis 2:18

Allempoña añ ñeñth neserrpareꞌtateneꞌ ñapaꞌ alla oterrnerr: —Theꞌpaꞌ oꞌch pekellkërrerr carta ñamha añekop ñeñth kowampeneꞌ ñeñth ameꞌñetsa all anetso Tiatira, oꞌch photanet ateth: “Napaꞌ oꞌch nekellkonas carta atthoch neñotatas ñeñth ateth otenes ñeñth Yompor Poechemer, ñeñthara ñeñth paꞌklleꞌpaꞌ atarr aꞌrrechatañ ateth ñerraꞌmrratheꞌ tsoꞌ poꞌworter, ñamha ñeñthara paꞌtakpaꞌ atarr poptena ateth ñerraꞌm aser ñeñth bronce ñeñth atarr kowen poptetsa.