San Juan 1:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Ñeñthoꞌmarña allowen esokmañen ñeñth eñall, ñapaꞌ ña eꞌñe yexhkatweꞌ ñeñth ateth moenet epoet Pompor. Ñeñth allpon eñallpaꞌ ama eñalle ñeñth ama yexhkato ña, amaꞌt esotholla, ñokma poeyexhkatar.

San Juan 1:3 Iomraidhean Croise

San Juan 1:10

Amaꞌt añ patspaꞌ ño poeyexhkatareñ, acheñeneshaꞌña arr patsropaꞌ arepaꞌtchaꞌ kowenayeꞌ agapapeto tharroꞌmar ama eseshayeꞌ eñotapaye.

San Juan 1:2

Allempo errteꞌ ayexhkatarethta pats, ñañapaꞌ eꞌñe parro alloꞌtsen epoet Pompor Parets.

1 Corintios 8:6

Tharraña ya yokoppaꞌ yeñoteñ Yompor Apapaꞌ eꞌñe pathrra, ñeñth Yompor ñeñth yexhkatweꞌ allowen ñeñth yentyen, ñamha yapaꞌ awoꞌt yexhkatey eꞌñe ñokop. Ñamha yeñoteñ Yepartsesharpaꞌ eꞌñe pathrra ñeñthara Jesucristo ñeñth yexhkateꞌ allowen ñeñth yentyen. Theꞌ yapaꞌxhoꞌña apoeney attho yokrrena.

Efesios 3:9

Ñamha nach eñotatyeneꞌ amaꞌt allowen acheñeneshaꞌ ñeñth ateth kothapeꞌchennay Yompor. Tharroꞌmar ñeñthpaꞌ awathotheñ ama eñotpawoyaye tharroꞌmar ama xhenaꞌ allempoch aꞌpotherrnay Yompor, ñeñthara Yompor ñeñth eꞌñe yexhkatwaweꞌ ora allpon ñeñth yentyen.

Hebreos 11:3

Ñamha ya eꞌñe yeyemteñoth Yompor theꞌñapaꞌ oꞌ yeñoter allpon ñeñth yentyen arr patsro ñeñthpaꞌ eꞌñe poꞌñoñotha yexhkaꞌwa. Allempopaꞌ amaꞌt koñeꞌtha ama es orrtetso ñeñthchaꞌ paꞌnamen yexhkatyes ñeñth ateth yentyen theꞌ.

1 San Juan 5:1

Alloweney erraꞌtseneychaꞌ ameꞌñerraya Jesúspaꞌ ña Cristotats ñeñtheyña yapaꞌ oꞌ eꞌñe poechemer perrey Yompor. Ñewa, yeñoteñ arr patsro ñerraꞌm yemorrenteña poesheñarr acheñ ñeñth achemereshath, poechemereshaꞌnaña eꞌñe yemorrentwena.

El Apocalipsis 3:14

Ñeñth neserrpareꞌtateneꞌ ñapaꞌ alla oterrnerr: —Theꞌpaꞌ oꞌch pekellkërrerr carta añekop ñeñth kowampeneꞌ ñeñth ameꞌñetsa all anetso Laodicea, oꞌch photanet ateth: “Napaꞌ oꞌch nekellkonas carta atthoch neñotatas ñeñth ateth otenes Jesucristo ñeñth ama poenesho poꞌñoñ. Ñeñth ateth oteney Pomporekop ñeñthpaꞌ atethchaꞌ perrnay, ñamha ñeñth allpon oten, ñeñthpaꞌ eꞌñe poꞌñoxh ateth, ñamha ñeñthara Cristo ñeñth ñanom eñall, allothña Pomporpaꞌ yexhkatyesan allowen ñeñth allpon eñall.

El Apocalipsis 4:11

Yompore, ñeñtheph Yepartseshareph, ñeñtheph nanak Partsoph, ya añ poktetsa oꞌch yekowentatonaph ñeñtheph amhchaꞌnaꞌtpaweph ñamha atarr awamenkatheph. Tharroꞌmar pha yexhkatyeneꞌ ora allpon ñeñth eñall, eꞌñe pha pemneññoth awoꞌt eñalletyesa, eꞌñe pha peñoñoth awoꞌt yexhkaꞌyena ñeñth allpon eñall.