San Juan 1:21 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²¹ Ñetñapaꞌ alla otereterr: —Ñeñthepñapaꞌ ¿eseshapeꞌtña, amaꞌt añeyaype Elías ñeñth aꞌmhtayeꞌth awath Yompor poꞌñoñ? Ñañapaꞌ ateth oterraneterr: —Amakaꞌye ñeñtheyayno. Ñetñapaꞌ alla aꞌphthoꞌtereterr: —Amapaꞌ ñatoꞌ ¿añephtheꞌ ñeñthephchaꞌ aꞌmhterreꞌ Yompor poꞌñoñ ñeñth yekwen? Ñañapaꞌ alla oterraneterr: —Amakaꞌye ñeñtheyayno.

San Juan 1:21 Iomraidhean Croise

San Mateo 11:14

Ñamha ñerraꞌm poꞌnoxh sameꞌñyañchaꞌ Juanpaꞌ ñakaꞌyeña Elíasoterrets ñeñth atarr sekwen ñeñthchaꞌ sewerroya.

San Mateo 16:14

Ñetñapaꞌ ateth otyeset: —Patantarr acheñeneshaꞌpaꞌ atethkaꞌye otyenpet phapaꞌ Juanañphoꞌtheꞌ ñeñthephoꞌ apatañtatseꞌth Yomporekop. Poꞌpotantaññapaꞌ ateth otyenpet phapaꞌ Elíasophoꞌtheꞌ; poꞌpotantaññapaꞌ ateth otyenpet phapaꞌ Jeremíasophoꞌtheꞌ amapaꞌ añephoꞌtheꞌ poꞌpsheñeñ ñeñth aꞌmhtayeꞌth Yompor poꞌñoñ awath.

San Mateo 21:11

Acheñeneshaꞌ ñeñth kothaꞌneneꞌpaꞌ ñetñapaꞌ ateth otoset: —Añkaꞌyeña Jesús ñeñth aꞌmhteneꞌ Yompor poꞌñoñ. Ñapaꞌ Galileothkaꞌye wena allara anetso Nazareto.

San Lucas 1:17

Ñeñthña Juanpaꞌ ñeñthchaꞌña ñanom orrtatsa Yomporekop. Ñapaꞌ añchaꞌ awamenkath peneꞌ Yompor Poekamkëñ ateth peꞌth awath Elías ñeñth aꞌmhtayeꞌth Yompor poꞌñoñ. Allochñapaꞌ atthoch eꞌñe kowen amoꞌtstaterrana achemerethexhno poechemereshaꞌ. Allochñapaꞌ amaꞌt ñeñth athpareꞌtetsapaꞌ oꞌch ameꞌñaterranet ñeñth eꞌñe pokteꞌ es pets. Atthochña kothapeꞌchaterranet kowen, allochñapaꞌ atthoch agapoeret Partseshaꞌ ñerraꞌm esempoch orrta.

San Juan 1:22

Ñetñapaꞌ alla otereterr: —Ñeñthepñapaꞌ ¿eseshapeꞌtña pha? Yapaꞌ yemneñkaꞌye oꞌch photey allochñapaꞌ oꞌch yoteraꞌ ñeñth yemñeneꞌ. ¿Errothenaꞌtchaꞌña photeyña phokop?

San Juan 1:25

Ñetñapaꞌ alla otereterr Juan: —Arepaꞌt Cristoyaypepaꞌ esoꞌmarwañakaꞌyeña phapatenña Yomporekop, arepaꞌt Elíasoyaype, arepaꞌt añeyaype ñeñthchaꞌ aꞌmhterreꞌ Yompor poꞌñoñ.

San Juan 6:14

Attho orrtatanet poꞌpartsoña acheñeneshaꞌñapaꞌ ateth otyeset: —Añña poꞌñoxhpaꞌ ñeñthkaꞌye aꞌmhteneꞌ Yompor poꞌñoñ ñeñth atarr yekwen oꞌch wapa añe patsro.

San Juan 7:40

Allempo eꞌmwet ñeñth ateth oten Jesús, patantarrña acheñeneshaꞌpaꞌ ateth otyeset: —Poꞌñoxh añmapaꞌ ñeñththeꞌkaꞌye aꞌmhteneꞌña Yompor poꞌñoñ ñeñth xhokma yekwen.