San Juan 1:19 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁹ Allempo judioneshaꞌ paꞌmhchaꞌtaretherneshaꞌ ñetñapaꞌ moeñet acheñ Jerusaléñoth ñeñthchaꞌ awanmatsa Juanesho. Añ moeñet judioneshaꞌ poꞌkornaneshar ñamha levitaneshaꞌ ñeñth poꞌtarwas peneꞌ oꞌch thorrenet Parets paꞌpakllo. Ñetpaꞌ añekop amñarethtet ñetchaꞌ aꞌphthoꞌtoset Juan ñapaꞌ eseshaꞌtheꞌña. Oꞌña xhapoet ñeshopaꞌ ateth otoset: —Phapaꞌ ¿eseshapeꞌtña, amaꞌt añeyaype ñeñthephchaꞌ Cristoterrets?

San Juan 1:19 Iomraidhean Croise

San Juan 1:7

Ñapaꞌ añekop wapa ñach aꞌpothoseꞌ atthoch wapa Cristo arr patsro ñeñthchaꞌ aꞌpoetarsamperreꞌ allowen yokthaphña. Atthoña ña poꞌñoñothpaꞌ ameꞌñatosana acheñeneshaꞌ.

San Juan 10:24

Allñapaꞌ arrotampesya judioneshaꞌpaꞌ ateth ochet: —Esempowachñakaꞌye peꞌnwaña ñeñth attho pemoññeꞌtatenya. Ñerraꞌm poꞌñoxhtheꞌ pha Cristotetspaꞌ photeyñakaꞌye eꞌñe poꞌñoxh.

San Juan 10:31

Ñeñthoꞌmarña allempo judioneshaꞌ ñetpaꞌ chetet mapoeꞌ alloꞌch rrolleꞌchet.

San Juan 11:19

Allñapaꞌ shonteꞌ judioneshaꞌ ñeñth waxhetsa alloꞌtsen Marta epoet paꞌmoꞌnerr María ñeñthchaꞌ emyaꞌtenawet attho yaꞌnaꞌteñet poꞌsayañet Lázaroñ ñeñth oꞌ rromoerr.

San Juan 2:18

Allempoña judioneshaꞌ paꞌmhchaꞌtaretherneshaꞌpaꞌ ateth ochet: —Añña phorrtatosnay pepartsoña allochñapaꞌ atthochña yeñotaph poꞌñoxhpaꞌ phapaꞌ allsensarethephtheꞌ, theꞌñapaꞌ atthoꞌ pephosnaytheꞌ añexhno.

San Juan 2:20

Judioneshaꞌñapaꞌ alla otereterr: —Añ attho eꞌnwoñet Parets paꞌpakëllpaꞌ atarr atomat athorrarethta eꞌñe paꞌtatsoch xharrowa char poechena pechap. Taꞌ, phañapaꞌ ¿poꞌñoxhchaꞌ eꞌñech pomaꞌpamtañokma yethpaꞌ oꞌch alla phathomatwer?

San Juan 5:10

Ñeñthoꞌmarña judioneshaꞌpaꞌ ateth ochet ñeñth oꞌ korrerra: —Theꞌ añe yethro allempokma yamesen. Amakaꞌye pokteyaye oꞌch phanen pemoeꞌ.

San Juan 5:15

Yakmañapaꞌ oꞌ awerr, ateth otwerran judioneshaꞌ: —Jesúsepaꞌtkaꞌyeña ñeñth naꞌkrraterreꞌ.

San Juan 5:16

Ateth pena Jesús añe yethro allempo amesen judioneshaꞌ ñeñthoꞌmarña ñetpaꞌ oꞌpateñet Jesús.

San Juan 5:18

Ñeñthoꞌmarña judioneshaꞌ paꞌmhchaꞌtaretherneshaꞌpaꞌ ello atarr nanak oꞌpateñet oꞌch moetset, tharroꞌmar ñetpaꞌ ateth otyeset: —Ñapaꞌ ama ñapthayeꞌ añe yether oꞌ poeswerro allempokma yamesen, ñapaꞌ añeꞌnaña oten eꞌñoꞌ Pompor penan Parets, ñapaꞌ atthakaꞌye moeneñ oꞌch Partsokoptartena.

San Juan 6:41

Attho Jesúspaꞌ otenanet, “Napaꞌ na korramhtsotets ñeñthen wapatsa entoth”, judioneshaꞌñapaꞌ pokwanaꞌteñothet otatseꞌtyeñet.

San Juan 6:52

Judioneshaꞌñapaꞌ ñeñthoꞌmaraxhoꞌ es otannaꞌtyeset. Ñetñapaꞌ ateth otyeset: —Errothenothwachñakaꞌ apoeyña eꞌñe ña poꞌchets ñeñthchaꞌ yerraꞌ.

San Juan 7:1

Allempoña Jesúspaꞌ alla chopeñeꞌchyen eꞌñe alla Galileoꞌmar. Ama moeno oꞌch chopeñeꞌchen ñamha all Judeoꞌmar tharroꞌmar judioneshaꞌpaꞌ xha oꞌpateñet oꞌch moetset.

San Juan 7:11

Judioneshaꞌña all koshenetpaꞌ ñetñapaꞌ eꞌneñet ateth otyenet: —Taꞌmkaꞌye ¿erroꞌtsentheꞌña Jesús?

San Juan 7:15

Allñapaꞌ epayeꞌ kowanrrorech judioneshaꞌ. Ñetñapaꞌ ateth otyeset: —Taꞌ, errothentheꞌkaꞌyeña añ, amaꞌt ama ayxhatarethe kellekpaꞌ atarrepaꞌt es eñotyen.

San Juan 8:22

Judioneshaꞌñapaꞌ ateth otannaꞌtyeset: —Taꞌm ñapaꞌ oꞌch moetsa ñañeña, ¿ñeñthoꞌmartheꞌ ateth oten allchaꞌ serrpaꞌ yañapaꞌ añoꞌch yexhapo?

San Juan 8:48

Judioneshaꞌñapaꞌ ateth otereterr: —Eꞌñe poꞌñoxh ateth yoteneph, phapaꞌ samarioꞌmarneshaph, oneñetha pechorrenaya.

San Juan 8:52

Judioneshaꞌñapaꞌ alla otereterr: —Theꞌña poꞌñoxh yapaꞌ oꞌ yeñotaph phapaꞌ xha chorrenpha oneñeth. Amaꞌt Abrahampaꞌ oꞌ rromoen ñamha ñeñth aꞌmhtaꞌyesayeꞌth Yompor poꞌñoñ ñeñthpaꞌxhoꞌña oꞌ kollaꞌwenet. Theꞌña phapaꞌ ateth photeney eseshoꞌch kothapeꞌcherreꞌ peñoñpaꞌ amaꞌt awathapaꞌ añoꞌch rromoerreto.

San Juan 8:57

Judioneshaꞌñapaꞌ alla otereterr: —Phapaꞌ ama pechenaꞌ amnaroch xharraꞌ pecharña phañapaꞌ esoꞌmareꞌtña photeneyña phapaꞌ penteroꞌ Abraham, ñeñthpaꞌ awathrramcheꞌ korreꞌth.

Los Hechos 13:25

Oꞌ eꞌnwamochan ñeñth poꞌtarwas phaꞌpaꞌ Juanaññapaꞌ ateth otanet: “Napaꞌ ama añeyayno ñeñth soten ñeñthchaꞌ Cristotats. Ñapaꞌ theꞌpaꞌ ñeñthña nokthaꞌneneꞌ chentaꞌ. Napaꞌ ama esosheꞌmano atthoch amaꞌt poꞌsapatrexhapaꞌ oꞌch nepyoñ.”

Los Hechos 19:4

Pabloñapaꞌ alla oterrerr: —Añothña apaten Juanañ attho oꞌ kothapeꞌcherret ello kowen Yomporekop allothñapaꞌ oꞌch apatarethtet atthoch ameꞌñeret ñeñthchaꞌ wapatsa chentaꞌ. Añña ñeñth wapatsa chentaꞌpaꞌ añepaꞌt Jesús.

1 San Juan 1:5

Añ ñoñets ñeñth yeꞌmapretyeseꞌth Jesucristo, theꞌñapaꞌ oꞌch yeserrpareꞌtatas. Ñeñthpaꞌ ateth eñotateney: Yomporpaꞌ ña eꞌñe kowenareꞌ es phaꞌyets, ñapaꞌ eꞌñe ateth pena ñerraꞌm poetareꞌ eꞌñech kowen yenteñ. Ñapaꞌ amaꞌt mameshapaꞌ ama orrtatenanoña ñeñth ama kowenayaye; ñeñthoꞌmarña yoten, ñeshopaꞌ amaꞌt koñeꞌthapaꞌ ama eñalleña chekmeteꞌ.