San Juan 1:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Ñapaꞌ atarr amoerañtosa ñeñthoꞌmarña alloweneypaꞌ atarr bensareꞌtampeney. Alloꞌna sen yebensareꞌtampesneneꞌ.

San Juan 1:16 Iomraidhean Croise

San Mateo 13:12

Eseshaꞌtheꞌ oꞌ xherranet poeyoxhreto amaꞌt eꞌñe allpona Yompor poꞌñoñ elloña Yomporpaꞌ alloꞌnach eñotatnenanet nanak shonteꞌ. Tharraña eseshaꞌña ñerraꞌm ama xhenaneto poeyoxhro tharroꞌmar ñetpaꞌ ama poꞌñoxhayeꞌ agëññañeto Yompor poꞌñoñ, amaꞌt allpon eñotyenetañ poeyoxhro ñeñthñapaꞌ xhach poerratamperranet Yompor.

San Mateo 3:11

Elloña Juanpaꞌ ateth oterraneterr: —Ñeñthes kothapeꞌcherreꞌ kowen Yomporekop napaꞌ amaꞌt eꞌñe poꞌñoxh napatensoñ Yomporekop, napaꞌ eꞌñekaꞌye oñochaya napatenes. Tharraña Cristo ñeñthchaꞌ wapatsa chentaꞌpaꞌ ñapaꞌ añchaꞌkaꞌye chorratossa Parets Poekamkëñ ñeñth ateth ñerraꞌm tsoꞌ. Ñapaꞌ ñeñth atarr awamenkatheshaꞌ nañapaꞌ ama tama awamenkatheyayno. Ñapaꞌ ñeñthña atarr sherbets, nañapaꞌ ama es nesherbeno atthoch amaꞌt poꞌsapatapaꞌ oꞌch nanmoñ.

San Mateo 3:14

Juanñapaꞌ eñoratsa xha moeneñeñ oꞌch emman Jesús. Ñeñthpaꞌ ateth otaph: —Ama pokteyaye oꞌch napatapaph pha, añña poktetsa phachña napatoseꞌ. Phapaꞌ esoꞌmarwachñakaꞌye phonña nesho, phakaꞌyeña ñeñtheph atarr sherbets.

San Lucas 21:15

Tharroꞌmar allempopaꞌ nachkaꞌyeña seꞌñoratoseꞌña all atthoch eꞌñe kowen señotyesña atethchaꞌ sanapyesosanet. Allochñapaꞌ ñeñth seꞌmoñeꞌteneꞌpaꞌ amach errothenayeꞌ otenayeꞌ entenseto. Ñamha amach errothenoth otaseto ñeñth ateth soten sapaꞌ ñeñthpaꞌ amakaꞌ poꞌñoxhayeꞌ ateth soteno.

San Juan 3:34

Tharroꞌmar ñeñth llesensaꞌ Yomporpaꞌ Yomporo poꞌñoño eñorena tharroꞌmar Yomporpaꞌ ama atparethayaya chorratenanetoña Poekamkëñ.

Romanos 5:17

Ñamha attho eꞌñe poesheñarrotha poꞌchñaroth oꞌpatenya rromoeñets, tharraña elloña nanak moererrya Yompor atthothña aꞌrroyerrnay Poechemer ñeñthara Jesucristo ñeñth oꞌ aꞌpoktatwerrnay yoꞌchñar Yomporesho atthochña yapaꞌ korretsayach.

Romanos 5:2

Eꞌñe atthothña Cristopaꞌ xhapaterrey Yompor poemoereño atthoch xhokma bensareꞌtampeney; ñeñthpaꞌ eꞌñe yeyemteñoth Cristo. Ñamha yapaꞌ eꞌñech yoksheñeshaꞌ yekweñ esempowañenchaꞌ eꞌñe poktakma yekowentapretera Yompor.

Romanos 5:20

Ñamha allempo xhap allempoch anarethta ñoñets ñeñthchaꞌ eñotaterrawet ñeñthchaꞌ ateth pet ñamha ñeñthchaꞌ ama ateth aphapawo elloña allempopaꞌ ñetpaꞌ oꞌ eñoterret atarr athparñathterret. Tharraña amaꞌt attho nanak yathpareꞌtena elloña Yomporpaꞌ nanak moererrya.

Romanos 8:9

Tharraña sapaꞌ ama añeyeꞌ sokthapeꞌchatenaye sechets; añña sokthapeꞌchateneꞌ Parets Poekamkëñ ñerraꞌm poꞌñoxh Poekamkëñpaꞌ oꞌ yexherra seyoxhro. Tharraña ñerraꞌm eseshas ama echenaye Cristo Poekamkëñ seyoxhropaꞌ ñeñthesña poꞌñoxhpaꞌ ama poechemereyayso Yompor.

Efesios 1:23

Ñatoꞌ oꞌch netmaꞌntacha ateth: Alloweney allponey ñeñthey ameꞌñaꞌyenaya Cristo, Cristoñapaꞌ eꞌñe yeyoxher yephoweñ alloweney, yañapaꞌ Cristo poꞌchets yepeneꞌ alloweney. Ñeñthoꞌmar ñeñthey ameꞌñenaya Cristo eꞌñe alloweney eꞌñe parrokmay, Cristoñapaꞌ eꞌñe ña yechorraꞌwenaya, tharroꞌmar ñapaꞌ eꞌñe poꞌchets phoweney alloweney.

Colosenses 1:19

Pompor Parets eꞌñe pokteꞌ enteñ oꞌch eꞌñe kowen chorrateña ora allowen poꞌpartsoña.

Colosenses 2:3

allowen paꞌnamen eñoteñets ñeñth nanak koxhneshareꞌ yentyen. Ñeñthpaꞌ eꞌñe yeyemteñotha Cristo eshekchaꞌ yeñoterrña ñeñth amaꞌt awathapaꞌ ama eñotpawo.

1 San Pedro 1:11

Ñetpaꞌxhoꞌña eꞌñe Cristo Poekamkëñña chorraweteꞌth ñeñthña eñotataweteꞌth oꞌch orrterra ñeñthchaꞌ Cristoterrets arr patsro. Oꞌch xhap añe patsropaꞌ elloñapaꞌ oꞌch moeroxhtateret. Oꞌch amoeroxhtatarethetwapaꞌ allempochña orrtaterranña poꞌkowenña. Tharraña ñeñth aꞌmhtaꞌyesayeꞌth Yompor poꞌñoñ awathpaꞌ oꞌ alla aꞌphthoꞌtannaꞌtyerreterr, taꞌ, ¿eseshaꞌchña Cristoterrets? ¿Esempoꞌtchaꞌña orrterra?