San Juan 1:11 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹¹ Amaꞌt arr xhapañ eꞌñe ña pamoꞌtseshesho, pamoꞌtseshaꞌñapaꞌ arepaꞌtchaꞌ kowenayeꞌ agapapeto.

San Juan 1:11 Iomraidhean Croise

San Mateo 15:24

Ñañapaꞌ ateth otanet: —Napaꞌ eꞌñe añekpa allsensarethen ñeñth israelenaꞌtarneshakop; ñetpaꞌ eꞌñe ateth nentenanet ñerraꞌm carneroxhno ñeñth payaꞌtyetsa.

San Lucas 19:14

Tharraña patantarr acheñeneshaꞌ ñeñth paꞌnyoꞌmarneshaꞌ, ñetñapaꞌ atarr eꞌmoñeꞌteñet. Ñeñthoꞌmar allempo ta ñeñth anetsro, ñetñapaꞌ moeñet allponsheña ñeñthchaꞌ eñososets all sen oꞌch oteñetaꞌ alloꞌmarneshaꞌ: “Yapaꞌ ama yemno oꞌch seneꞌ añ acheñer oꞌch amhchaꞌtarethta yokop.”

San Juan 1:10

Amaꞌt añ patspaꞌ ño poeyexhkatareñ, acheñeneshaꞌña arr patsropaꞌ arepaꞌtchaꞌ kowenayeꞌ agapapeto tharroꞌmar ama eseshayeꞌ eñotapaye.

San Juan 1:12

Tharraña poesheñaꞌtets ñeñth eꞌñe kowen agapyesapoeꞌ, amaꞌt allowen ñeñthchaꞌ ameꞌñerraya ña, ñetñapaꞌ apoerranet llesens atthoch eꞌñe poechemer perranet Yompor Parets.

San Juan 19:27

Allempoñapaꞌ ateth otan ñeñth poeyochreshaꞌ: —Añkaꞌye ñeñthchaꞌ phachor pephaꞌ. Allempoña ñapaꞌ anerran Jesús pachor eꞌñe ña paꞌpakllo allchaꞌ kowampes.

San Juan 3:32

Tharroꞌmar allowen ñeñth entyen Pomporesho ñamha ñeñth allpon eꞌmyen all, ñapaꞌ ñeñthkaꞌyeña serrpareꞌtateney, tharraña amaꞌt poesheñarrothapaꞌ ama eseshayeꞌ xhapawetoña poeyoxhreto ñeñth ateth otenanet.

Los Hechos 13:26

Alla oterraneterr Pablo: —Sapaꞌxhoꞌña masheñneshachaꞌ pamoꞌtsnaꞌtarekmas penes Abraham. Ñamha arroꞌtsaꞌyen poesheñaꞌtets acheñ ñeñth mechaꞌnaꞌteneꞌ Yompor. Oꞌch notas allowenes, Yompor oꞌ moeñonay kowen ñoñets alloch yekeshperra alloweney.

Los Hechos 13:46

Tharraña ama mechaꞌto Pablo ñamha Bernabé. Oꞌ serrpareꞌtet womenk, ateth otet: —Añ poktetsa oꞌch yeserrpareꞌtatas sanom Yompor poꞌñoñ, tharroꞌmar sapaꞌ judioneshas. Tharraña ñerraꞌm sapaꞌ ama semno, ñerraꞌm ama pokteyeꞌ señche atthoch sapaꞌ korretsasach eꞌñe thayotheñ errponañowen, amach erroth yephaso. Theꞌpaꞌ añach yeserrpareꞌtat ñeñth ama judioneshayaye.

Los Hechos 21:6

Allempoña oꞌ yemaꞌyochwapaꞌ oꞌ yesoꞌtenanet. Allempoña yapaꞌ oꞌ yaꞌtenerr boto, ñetñapaꞌ oꞌ awanerret paꞌpakllo.

Romanos 15:8

Ñamha theꞌpaꞌ oꞌch notas, Cristopaꞌ awoꞌt wapa arr patsro atthoch thorrosa judioneshakop. Allochñapaꞌ atthoch allowen acheñeneshaꞌpaꞌ oꞌch xhapanet poeyoxhreto, Yomporpaꞌ ama poenesho poꞌñoñ. Ñeñth eꞌñe ateth otaneꞌth judioneshaꞌ paꞌtañneshañ awathpaꞌ ñeñthchaꞌ ateth moenaterranet esempo, ñeñthpaꞌ xhokmachña eꞌñe etsoterra poktakma.

Romanos 9:1

Ñamha ñeñthchaꞌ notas theꞌpaꞌ ñeñthpaꞌ eꞌñe poꞌñoxh ateth, ama xhoyeꞌ neshkënso, tharroꞌmar napaꞌ oꞌ nameꞌñera Cristo. Ñamha Parets Poekamkëñ ñeñth yexhetsa neyoxhro, ñeñthña eꞌñe eñotenen ñeñthchaꞌ ateth notas ñeñthpaꞌ eꞌñe poꞌñoxh ateth.

Romanos 9:5

Ñamha ñeñth ñanom yamoꞌmtayñeneshañ yepeꞌth ñeñth nanak sherbhayeꞌth Yompor awathpaꞌ ñetpaꞌ ñeñthara judioneshaꞌ pamoꞌtsnaꞌtarneshañ. Ñamha amaꞌt judionaꞌtareshothpaꞌ awoꞌt eñalletosa Cristo arr patsro ñeñthara ñeñth nanak Partsotets ñeñth pomnaren peneꞌ allowen esokmañen. Yaꞌyeꞌchoxhtatoñepaꞌch thayotheñ amaꞌt errponowañen. Ñeñthpaꞌ atthetepaꞌch Nompore.

Gálatas 4:4

Tharraña allempoña oꞌ etsota allempo onañcheꞌ awath Yomporpaꞌ oꞌ moeñonay Poechemer arr patsro. Arrñapaꞌ eñalletach poesheñarr koyaneshaꞌ ñeñth judionaꞌtar. Añña ñoñets ñeñth ateth anareth judioneshakoppaꞌ nanak amhchaꞌnoxhteꞌth allempo amaꞌt ñokop.