Gálatas 6:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Ñamha oꞌch masheñneshachaꞌ ñamha noxhaneshachaꞌ notas, ñerraꞌm esempo señoteñ poꞌpsheñeñ oꞌ phowa ñeñth ama pokteyeꞌ enteno Yomporpaꞌ sa ñeñthes oꞌ kothapeꞌchaterres kowen Yompor Poekamkëñpaꞌ sach alla kothapeꞌchaterrawet kowen atthoch alla tanterret Yomporekop. Tharraña eꞌñe semoereñothpaꞌ eꞌñech akopha sokthapeꞌchatanet kowen. Tharraña sapaꞌxhoꞌña eꞌñech señota, theꞌt sapaꞌxhoꞌña atthekma sepha samha ñerraꞌm esempo topatenes oneñeth oꞌch phatenes ñeñth ama pokteyeꞌ enteno Yompor.

Gálatas 6:1 Iomraidhean Croise

San Mateo 26:69

Pedropaꞌ aꞌyotheꞌtsen all anen pampo. Allñapaꞌ wapoña koyaneshaꞌ ñeñth korneshaꞌ poeñañra, ñañapaꞌ ateth otosan Pedro: —Phakaꞌye eꞌñe kothayeꞌthña Jesús ñeñth galileoꞌmarneshaꞌ.

San Mateo 26:75

Allempoña Pedropaꞌ alla yerpoerrana ñeñth ateth oteñ Jesús: “Amach eñenaꞌ atollop phañapaꞌ oꞌch maꞌpoch phaꞌnasotenna.” Allempoña Pedro xhaꞌnom allothpaꞌ awoꞌ aꞌyeneth allñapaꞌ all atarr yawosa womenk.

San Mateo 9:13

Napaꞌ ama añekpayeꞌ nowapo atthoch nexhoreꞌtos ñeñth eꞌñe ateth entetsañ ñetpaꞌ eꞌñoꞌ kowen es phaꞌyenet. Napaꞌ añekopña nowapa atthoch nexhoreꞌtos ñeñth atarr ochñath entyetsa. Allochñapaꞌ atthoch oꞌch kothapeꞌcherret ello eꞌñe kowen Yomporekop. Sokoppaꞌ añ poktetsa ñerraꞌm oꞌch awerrespaꞌ señotwerrepaꞌchña ñeñth ateth yexhateney añ Yompor poꞌñoñ ñeñth ateth anareth awathotheñ. Ñeñthpaꞌ ateth oteney Yompor: “Napaꞌ ama eꞌñe aña kowen nenteno oꞌch sapoenen sayara ñeñth semtsen nokop. Añeꞌnaña atarr kowen nenten oꞌch semoereña allowen samoꞌtseshaꞌ.”

Romanos 14:1

Ñamha theꞌpaꞌ oꞌch notas poꞌpoñ ñeñthchaꞌ ateth sepha. Ñerraꞌm eñall sesho acheñ ñeñth ameꞌñetsañ tharraña ñapaꞌ ama womenkayeꞌ penano poeyoxher Yomporekop tharroꞌmar ama eꞌñe eñoteñe poꞌñoxh ateth yeyemteña Cristo, sañapaꞌ oꞌch sagaph eꞌñe kowen atthochña eꞌñech parrokma seyemteña Cristo. Tharraña amach añekpa sagape atthoch sapaꞌ oꞌch sotnareꞌch tharroꞌmar ñapaꞌ poꞌpoñoneth kothapeꞌchyen.

Romanos 15:1

Ñeñthoꞌmarña napaꞌ notenes, ñeñthey eꞌñe womenk peneꞌ yeyoxher Yomporekop, ñeñthey ama epwoyeꞌ yameꞌñeño Yompor, añña poktetsa oꞌch yeyenpoeñ yemoꞌnasheñ ñeñth ama womenkayeꞌ penaye poeyoxher Yomporekop ñeñth xhokma epwoyeꞌ ameꞌñenana Yompor. Ñeñthpaꞌ atethchaꞌ yeyenpoeñ, amachña aña ateth es yephaꞌyeno ñeñth ateth yemnen ya.

Romanos 8:6

Tharroꞌmar ñerraꞌm añach yeꞌnen ñeñth ateth moenatseꞌtateney yechetspaꞌ ñeñthpaꞌ ñeñthchaꞌña yanerreꞌ rromoeñtso ñeñthara koñcheñtso. Tharraña ñerraꞌm añ yeꞌmhñoten ñeñth ateth kothapeꞌchateney Parets Poekamkëñpaꞌ ñeñthpaꞌ ñeñthchaꞌña allochña yapaꞌ korretsayach eꞌñe kowen yoksheñeshokmañen.

1 Corintios 10:12

Ñeñthoꞌmarña theꞌpaꞌ oꞌch notas, eꞌñech señota. Amach sotaphsaꞌtatsto, napaꞌ amach nepho ñeñth ateth peteꞌth awath. Tharroꞌmar ñerraꞌm esempo yot atethpaꞌ ñatoꞌrraña machayotha alla ateth yeperra yamha ñeñth ama pokteyaye.

1 Corintios 14:37

Ñamha ñerraꞌm eseshaꞌ otats, “napaꞌxhoꞌña naꞌpotheññañ Yompor poꞌñoñ”, ñewa, eñotanepaꞌ ñeñth ateth noten necartothpaꞌ ñeñthpaꞌ poꞌñoxh ateth oteney Yepartseshar ñeñthchaꞌ ateth yepha. Ñamha ñerraꞌm eseshaꞌ otats, “napaꞌxhoꞌña chorrenna Parets Poekamkëñ”, ñewa, ñapaꞌxhoꞌña eñotanepaꞌ ñeñth ateth noten necartoth ñeñthpaꞌ poꞌñoxh ateth oteney Yompor ñeñthchaꞌ ateth yepha.

1 Corintios 2:15

Tharraña añña ñeñth chorrena Yompor Poekamkëñpaꞌ ñetpaꞌ xhenanet poeyoxhreto ora ñeñth ateth pena Yompor. Tharraña ñeñth ama chorreno Yompor Poekamkëñ, ñetñapaꞌ amach errothenoth xhapaneto poeyoxhro esokoptheꞌ ateth penaña ñeñth chorrena Yompor Poekamkëñ.

1 Corintios 3:1

Ñamha oꞌch notas masheñneshachaꞌ ñamha noxhaneshachaꞌ amaꞌt awañotheñ noteneñ oꞌch nokthapeꞌchatas eꞌñe kowen, ateth nokthapeꞌchateñ acheñ ñeñth eꞌñe chorrena Yompor Poekamkëñ. Tharraña amach errothenoth nokthapeꞌchataso tharroꞌmar sapaꞌ attha sokrrena ateth moenatenes sechets. Xha sottena ateth ñerraꞌm cheshatholl ñeñth ama eñotenaꞌ. Sapaꞌ ama eꞌñe xhennasaꞌ ñeñth kowentetsa Cristokop. Ñeñthoꞌmar themeꞌttsen attha nokthapeꞌchatenes ateth ñerraꞌm cheshatholleshasa.

1 Corintios 4:21

Ñewa, theꞌpaꞌ oꞌch naꞌphthoꞌtas: ¿Errothenaꞌt semnen ñeñthchaꞌ ateth nephoses allempoch nexhap sesho? Ñatoꞌ oꞌch nekoñchatoses, ñatoꞌ oꞌch sokthapeꞌcherr kowen thayekma atthoch esempoch nexhappaꞌ amach eñalle atthoch oꞌch nekoñchatoses. Allempopaꞌ ñatoꞌ ellochña xhach nemoerossa eꞌñe kowen.

1 Corintios 7:5

Eꞌñe pokteꞌ xhokmach sagapannena. Tharraña ñerraꞌm errotheno esempo pokteꞌ senteñ epsheñoꞌmares oꞌch saꞌpoktat ñoñets eꞌñe sañeña amach sagapannaꞌterro allponmat atthoch añach semaꞌyoxhra maꞌyochatsa. Tharraña ñerraꞌm oꞌ met allponmat allempo oꞌ saꞌpoktatwepaꞌ pokteꞌ oꞌch alla sagapannerra. Tharroꞌmar ñerraꞌm ama awen sagapannerropaꞌ xhatheꞌ oneñethpaꞌ topatas amatheꞌ saꞌwanto.

2 Corintios 10:1

Ñewa, theꞌpaꞌ na Pablon oꞌch alla nokthapeꞌchaterrserr eꞌñe nemoereñothes atthen ñerraꞌm Cristo ñeñth nanak amoerañtostsa. Poemoereñothey ya ñapaꞌ eꞌñe pokteꞌ eñcheꞌth oꞌch ateth enteñet ñerraꞌm ñapaꞌ ama esosheꞌmayaye. Ñewa, sapaꞌ patantaꞌttsospaꞌ atthach sentenen ama erroth notenso atsrreꞌmoxhen ñerraꞌm esempo alloꞌtsenen sesho. Tharraña ñerraꞌm esempo allapharoꞌtsenen, allempo nekellkënnas cartapaꞌ allempoña sapaꞌ ateth sentenen ñerraꞌmrratheꞌ ama xhoyeꞌ nemhchaꞌtenso amaꞌt eꞌñe mamesha, eꞌñech echeꞌxharr notenes necartoth. Tharraña ñeñthpaꞌ ama attheyaye. Amaꞌt allempo alloꞌtsenen sesho, ñerraꞌm nemneñeñ ateth neꞌñoronasapaꞌ eꞌñetheꞌ echeꞌxharr neꞌñorennasa. Ñeñthoꞌmarña theꞌpaꞌ eꞌñe neyoxhrokmañen oꞌch notas, sokthapeꞌcherr kowen eꞌñe thayekma allochñapaꞌ ñerraꞌm esempoch nexherr seshopaꞌ amach xha seꞌñoratno echeꞌxharr. Tharroꞌmar ñerraꞌm ama sokthapeꞌcherro kowen, poꞌñoxh ñerraꞌm esempo nexherr seshopaꞌ xhach seꞌñoraten echeꞌxharr, ñeñthes noteneꞌ napaꞌ eꞌñoꞌ nañeña nokthaphñoth ateth es nephatseꞌtyen ñeñth ateth phaꞌyena acheñeneshaꞌ arr patsro, ñeñthpaꞌ eꞌñe ñokpoeta sherben. Tharraña napaꞌ ama attheyeꞌ nepeno.

2 Corintios 2:7

Theꞌpaꞌ añña poktetsa oꞌch alla sephretner, allochñapaꞌ atthoch sokshater, theꞌt attha nanak llekëna, poellkëñothpaꞌ oꞌtheꞌ alla kexhpoerran Yompor.

2 Corintios 2:8

Ñeñthoꞌmar theꞌpaꞌ notenes añ poktetsa oꞌch sorrtatoñ kowen ñokop atthoch eñoter poꞌñoxhpaꞌ atarr semorrenteña.

Gálatas 5:23

Ñamha amach atsrreꞌmaꞌpeno ñamha eꞌñech poetpara es phaꞌyen. Ñerraꞌm ñeñthña ateth oꞌ yephowapaꞌ oꞌch yetsotwa allowen ñoñets ñeñth ateth anareth Yomporeshoth.

Gálatas 6:18

Theꞌpaꞌ ñeñthach masheñneshachaꞌ ñamha noxhaneshachaꞌ notas, Yepartsesharepaꞌchña saꞌnataya, ñeñthara Jesucristopaꞌ ñepaꞌchña semoeraya. Ñeñthpaꞌ atthetepaꞌchña Nompore. Allowa. Pablo

1 Tesalonicenses 4:1

Theꞌña, masheñneshachaꞌ ñamha noxhaneshachaꞌ, napaꞌ oꞌch notas, eꞌñe yameꞌñeñoth Yepartseshar Jesús, sapaꞌ alloꞌnepaꞌchña kowen sesen orrtatyesneneꞌ ñeñth ateth eꞌñe pokteꞌ enten Yompor ñeñth yeyxhatwas awañmoꞌchotheñ.

2 Tesalonicenses 3:15

Tharraña amach ateth sentatsche ñerraꞌmrratheꞌ xho seꞌmoñeꞌteñ. Sapaꞌ xhochña eꞌñe kowen sokthapeꞌchater ateth eꞌñe kowen yokthapeꞌchateñ yemoꞌnasheñ.

2 Timoteo 2:25

Ñamha añ pokteꞌ oꞌch alla yokthapeꞌchater kowen ñeñth yeꞌmoñeꞌteneꞌ. Tharraña eꞌñech akopha yokthapeꞌchatyerranet eꞌñe kowen. Ñamha oꞌch yekwenanet eꞌñe akopha esempowañenchaꞌ xhapanet poeyoxhro ñeñth eꞌñe poꞌñoxh kowen enten Yompor. Ñamha oꞌch yekwenanet esempowañenchaꞌ kothapeꞌcherret ello eꞌñe kowen Yomporekop.

Hebreos 12:13

Eꞌñepaꞌch kowen es sorrtatyen allochñapaꞌ ñerraꞌm eseshaꞌ ama eꞌñeyeꞌ womenkayeꞌ penaye poeyoxher Yomporekop, sañapaꞌ amach aña sorrtateno ñeñthchaꞌ aꞌpoerrataterrawet. Añchaꞌña sorrtateññañ ñeñthchaꞌ eꞌñe kowen yenpoeneꞌ. Ñeñthpaꞌ atethchaꞌ netmaꞌntatasa ñerraꞌmrratheꞌ sapaꞌ añ seꞌnen thoñ ñeñth atarr kowen paxharr sets moepñarero allchaꞌ eꞌñe kowen sechopeꞌchen. Allochñapaꞌ ñerraꞌm eseshas chekaꞌrepoets amach xha sepothoꞌtatseꞌtnomo amach xha saꞌtserrphaꞌnmo atthochña eꞌñe kowen sechopeꞌchnom eꞌñe womenk.

Hebreos 13:3

Ñamha xhokmoepaꞌchña seyerepya ñeñth ayottamphsarethetyetsa. Eꞌñech kowen sellkapretenanet ateth ñerraꞌmrratheꞌ sapaꞌxhoꞌña ayottamphsarethes eꞌñe parro. Ñamha ñeñth amoeroxhtatarethetyetsa eꞌñepaꞌch kowen sellkapretenanet ñamet tharroꞌmar sapaꞌxhoꞌña señoteñ atthekma errothenopaꞌ xhokmach semoeroxhtena samha eꞌñe sechtso.

Santiago 3:13

Ñewa, theꞌpaꞌ oꞌch noterrserr poꞌpoñ. Ñerraꞌm eñall sesho ñeñth otets ñapaꞌ nanakoꞌ eñotenan esokmañen, ñamha ñapaꞌ eꞌñoꞌ es etsotwen, ñewa, orrtepaꞌ ateth pena ñeñth eꞌñe kowen acheñ atthoch acheñeneshaꞌpaꞌ eñochet poꞌñoxhepaꞌt eñotwenan ñeñth kowentetsa Yomporekop. Tharraña ellopaꞌ amachña xha ommoꞌchatsteto attho eꞌñe kowenareꞌ es phaꞌyenet. Tharroꞌmar ñerraꞌm poꞌñoxh es yeñotenpaꞌ oꞌch yeñoch ñamha ñeñth attho es yephaꞌyen eꞌñe kowenpaꞌ ama ommoꞌchpawoyaye.

Santiago 3:2

Tharroꞌmar alloweneypaꞌ xhokma es yepanten. Ñerraꞌm eseshaꞌña ama es panteno poeñosatseꞌteñothpaꞌ ñeñthña poꞌñoxhpaꞌ eꞌñech kowen kothapeꞌchen, ñamha ñeñth ateth acheñpaꞌ eꞌñech eñoteñ atthoch wenatan ora ñeñth ateth moenatseꞌtyen yechets.

1 San Pedro 3:15

Añchaꞌña oꞌch seyemcha Cristo eꞌñe seyoxhrowen. Oꞌch senteñ Cristo atarr kowen Parets ñeñth Yepartseshar yepen. Ñerraꞌm esempo eseshaꞌpaꞌ oꞌch aꞌphthoꞌtas ¿esoꞌmartheꞌña atarr sameꞌñeñaña Cristo? sapaꞌ xhokmoepaꞌchña eꞌñe kowen señoteñña atethchaꞌ sanap eꞌñe kowen. Eꞌñe semoereñoth eꞌñech akopha sanapanet eꞌñe kowen eꞌñe semhchaꞌnaꞌteñothanet.

1 San Juan 5:16

Ñerraꞌm eseshaschaꞌ eñoteꞌ samoꞌts ñeñth ateth peneꞌ ñeñth ama pokteyeꞌ enteno Yompor, ñeñthña poꞌchñarpaꞌ ñerraꞌm ama añekpayaye alloch rromoerr atthoch chenkërra eꞌñe poktakma, sañapaꞌ añchaꞌ senamoñ Yompor atthoch ñach aꞌkrraterreꞌ eꞌñe poekamkëñoth. Yomporpaꞌ oꞌch aꞌkrrater ñerraꞌm poꞌchñarpaꞌ ama añekpayaye alloch rromoerr atthoch chenkërra eꞌñe poktakma. Poꞌñoxhpaꞌ eñall yoꞌchñar alloch yerromoerr atthoch yechenkërra eꞌñe poktakma. Ñeñthoꞌmarña napaꞌ ama añekpayeꞌ notenso sapaꞌ xhokmach semaꞌyochampeña ñeñthchaꞌ chenkërrtsa eꞌñe ña pathpareꞌteñoth.