Gálatas 5:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Tharraña yapaꞌ eꞌñe yeyemteñoth Cristopaꞌ eꞌñe yoksheñeshaꞌ yekwen esempowañenchaꞌ yexhaxherr Yomporesho tharroꞌmar yeñoteñ oꞌ pokteꞌ entwerrey Yompor. Ñamha eꞌñe ña Poekamkëñoth theꞌpaꞌ oꞌ yaꞌpoktatarethterra.

Gálatas 5:5 Iomraidhean Croise

Romanos 5:21

Atthoña eꞌñe yephatseꞌtyeñoth ñeñth ama kowenayayepaꞌ awoꞌt anarethta rromoeñets ñeñthchaꞌ yoꞌpatenaya ñeñthñapaꞌ koñcheñets. Tharraña elloña Jesucristo ñeñth Yepartseshar yepen awoꞌt orrtatonay attho Yomporpaꞌ nanak moererrya atthoña aꞌpoktatwerrnay yoꞌchñar. Atthochña yapaꞌ korretsayach yoksheñeshokmañen thayotheñ errponowañen.

1 Corintios 1:7

Ñeñthoꞌmarña theꞌpaꞌ ama es palltetso ñeñthchaꞌ apoerrserr poꞌpoñ Yompor. Theꞌpaꞌ aña palltetsa oꞌch sekwameꞌteñ esempowañenchaꞌ werra Yepartseshar Jesucristo.

Efesios 2:18

Atthoña alloweney amaꞌt ñeñthey judioneshatets ñamha ñeñth ama judioneshayaye eꞌñe Cristeshothekma eꞌmhñoteneyña Yompor tharroꞌmar Poekamkëñpaꞌxhoꞌña eꞌñe pathrra ñeñth yechorrenaya alloweney.

Filipenses 3:9

Allochñapaꞌ eꞌñe yeparrokmateñoth Cristo, Pomporpaꞌ eꞌñech pokteꞌ enteney tharroꞌmar amach añotheyeꞌ aꞌkeshphaterrye eꞌñe yothotha amaꞌt yetsotatsetwawa ñoñets ñeñth ateth anareth judioneshakop. Añothchaꞌña theꞌpaꞌ eꞌñech pokteꞌ enterrey eꞌñe yeyemteñotha ñeñth Poechemer pen ñeñthpaꞌ Cristo.

1 Tesalonicenses 1:10

Ñamha serrpareꞌtyeñet attho sapaꞌ eꞌñe seyemteñoth atarr sekweññañ Yompor Poechemer esempowañenchaꞌ werra poeꞌntañoth ñeñthara Poechemer ñeñth tantaterr allempo rroma, ñeñthara Jesús ñeñthchaꞌ yaꞌkeshphaterreꞌ ñerraꞌm esempoch yoroxhtatwer Yompor.

2 Tesalonicenses 3:5

Yepartsesharepaꞌchña Jesús eꞌñe kowen señotateneꞌña seyoxhro attho Yomporpaꞌ atarr morrentensa, atthochña eꞌñech kowen saꞌwantaꞌwanom allowen topateñets eꞌñe ateth peꞌth Cristo.

2 Timoteo 4:8

Theꞌña napaꞌ aña nekwen esempoch nagap ñeñth oꞌpatatenna Yompor ñeñthchaꞌ nanak nokshaterreꞌ, tharroꞌmar napaꞌ añ nephaꞌyeseꞌth ñeñth ateth moeneꞌth Yompor. Ñeñthoꞌmarña theꞌ esempoch werra Yepartseshar Cristopaꞌ allempo napaꞌ apwerrenchaꞌ ñeñth oꞌpatatenna. Tharraña amach naptha apwerrno ñeñth oꞌpatatenya. Añeꞌnachña apwerr ñamha allowen ñeñth xhokma kowameꞌteneꞌ theꞌ Cristo oꞌch werra. Ñeñthara Yepartseshar Cristo ñeñthchaꞌ yeñotaterreꞌ ñeñth poꞌñoxh ateth yephaꞌyena theꞌ.

Tito 2:13

Añpaꞌ atthoch yekwameꞌteñ eꞌñe yoksheñeshaꞌ esempowañenchaꞌ werra poꞌkowenño Jesucristo ñeñth nanak Parets ñeñth Yaꞌkeshphatañer yepen.