Gálatas 5:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Tharraña ñeñth semoññeꞌtateneꞌpaꞌ tsaꞌtaterach Yompor, amaꞌt erraꞌtsena ateth petsa. Tharraña na eꞌñe neyemteñoth Yepartsesharpaꞌ neñotenes theꞌpaꞌ oꞌch alla sekexhpoerr ñeñth ateth yexhatenes poꞌpsheñeñ, oꞌch alla sameꞌñerra ñeñth neyxhatenes.

Gálatas 5:10 Iomraidhean Croise

Los Hechos 15:24

Oꞌch yotas, yapaꞌ oꞌ yeꞌmareꞌch oꞌ xhap sesho poesheñaꞌtets acheñ arroth ñeñth moenets oꞌch aꞌmñechatasa. Ñetñapaꞌ oꞌ nanak moññeꞌtatasa sokthaphña. Tharraña theꞌñapaꞌ oꞌch yotas, añ acheñpaꞌ ama yayeꞌ moeñenaye.

1 Corintios 5:5

oꞌch sepomh ñeñth yakmar oꞌch sapoer oneñeth atthoch aꞌkoñchatoñ poꞌchets. Allochñapaꞌ poekamkëñpaꞌ keshperrach esempowañenchaꞌ werra Yepartseshar Jesús.

2 Corintios 1:15

Napaꞌ notenapañ xhokmatheꞌ seyemtenna, tharroꞌmar napaꞌ ama xhoyeꞌ neshkënso. Ñeñthoꞌmar napaꞌ awaña nesechena oꞌch awen Macedonio, napaꞌ nokthapeꞌcheñ oꞌch nemoꞌtnomoes. Xhonchaꞌña metats ñamha Macedonio, allempoña nokthapeꞌcheñ oꞌch nerr Macedoniothpaꞌ oꞌch alla nemoꞌtnerrserr. Atthoch poepocheño oꞌch nokshaterres, ñamha atthoch seyenpaꞌn samha oꞌch alla awerren Judeo.

2 Corintios 10:6

Ñamha ñerraꞌm oꞌ alla nameꞌñatwerrsa eꞌñe kowen, tharraña ñerraꞌm eseshaꞌ ora athpareꞌtetsa, napaꞌ eꞌñe pokteꞌ nenteñ oꞌch yekoñchach ñeñth ateth athpareꞌtetsa.

2 Corintios 13:10

Amaꞌt ellapharoꞌtsenen oꞌch nekellkërrnaserr necarta, amaꞌt ama nesenaꞌ sesho, allochñapaꞌ oꞌch alla sokthapeꞌcherr kowen Yomporekop. Atthochña ñerraꞌm esempo nexherr seshopaꞌ amach xha moeneꞌ necheꞌxhameꞌtyeswerrso atthoch señoton ñeñth ateth llesensenen Yepartseshar. Tharroꞌmar ateth allsensarethen, ñeñthpaꞌ ama añekpayeꞌ sherbeno alloch naꞌpoerratatwerres, ñeñthpaꞌ añekopña sherben atthoch neyenpas womenk phaꞌnmoeꞌ seyoxher Yomporekop.

2 Corintios 2:3

Ñeñthoꞌmarña ama nexherro sesho awaña, aña nekellkonas carta ñeñthchaꞌ sokthapeꞌchaterreꞌ eꞌñe kowen. Allochñapaꞌ ñerraꞌm machayotha nexherr sesho ñerraꞌm oꞌch alla sokthapeꞌcherr kowen, ñeñthchaꞌña atarr nokshapretwerrsa. Allochñapaꞌ amach tama nellkënso tharroꞌmar añ poktetsa sokop xhokmachña eꞌñe sokshaterren. Ñamha neñotenes ñerraꞌm esempo nokshena na sapaꞌxhoꞌña allowenespaꞌ oꞌch eꞌñe soksherra.

2 Corintios 2:6

Ñamha theꞌpaꞌ oꞌch notas, eꞌñe pokteꞌ attho oꞌ sekoñchatwe ñeñth acheñer, theꞌpaꞌ allowach. Amaꞌt shonteseñ ñeñthes pokteꞌ entenayeñ oꞌch sekoñchatererr ñeñth athparñath, tharraña theꞌpaꞌ ñeñthach.

2 Corintios 5:16

Ñeñthoꞌmarña napaꞌ amaꞌt poesheñarrapaꞌ oꞌwañchaꞌ kowen nenteñ ñeñth eꞌñe kowen enten poꞌpotantañ acheñeneshaꞌ arr patsro eꞌñe ñet pokthaphñoꞌmaret, ñeñthpaꞌ arromñatha pokthaphña. Tharraña amaꞌt na awathpaꞌ kowen nentapretaneteꞌth pokthaphña. Ñeñthoꞌmarña napaꞌxhoꞌña tsenaꞌtatneteꞌth Cristo allempo, tharraña theꞌpaꞌ oꞌwañ ateth neñch Cristo.

2 Corintios 7:16

Ñeñthoꞌmarña napaꞌ atarr nokshena tharroꞌmar neñotenes sapaꞌ oꞌ sameꞌñaꞌwerra eꞌñe kowen.

2 Corintios 8:22

Ñewa, theꞌpaꞌ oꞌch yemñonas poꞌpoñ masheñ ñeñthchaꞌ tatsa, maꞌpsheña. Ñeñth poꞌpsheñeñ masheñpaꞌ napaꞌ neñoteñ ñapaꞌ eꞌñe poksheñeshokmañen atarr kowen es maꞌyoxhraꞌyena ñeñth kowentetsa Yomporekop. Ñamha amaꞌt theꞌ attho eꞌmareꞌtenes sa eꞌñoꞌ kowen sameꞌñeña Yompor, elloña theꞌ ñapaꞌ atarr moeneñ oꞌch alloꞌna sen thorraꞌnmatsa eꞌñe kowen Yomporekop.

Gálatas 1:7

Poꞌñoxhpaꞌ amaꞌt ama eñalle poꞌpoñ alloch yekeshperrapaꞌ añña ñeñth wapyetsa seshopaꞌ ñetpaꞌ xha moeneñet oꞌch alla moññeꞌtaterrset sokthaphña. Ñamha ñetpaꞌ moeneñet oꞌch aꞌpoꞌpoñetonaset sokthaphña ñeñth kothaphñats poꞌñoxh alloch yekeshperra eꞌñe yameꞌñeñotha Cristo.

Gálatas 2:4

Tharraña amaꞌt allempopaꞌ ama eñallñeña ñeñth thorrapoꞌ yentyenpaꞌ añña poesheñaꞌtetspaꞌ oꞌ wapyesa yesho. Ñamha ñetpaꞌ amaꞌt otenetañ awoꞌ ameꞌñerret ateth ñerraꞌm ya tharraña eꞌñe aꞌnawapaꞌ moeneñetañ awoꞌch nonayet ñoñets ñeñth nanak thorrapoꞌ yenten. Ñetpaꞌ añekpa wapoet aꞌnawa oꞌch eꞌmonayet attho yapaꞌ yoten eꞌñe yameꞌñeñotha Cristo Jesúspaꞌ oꞌch yekeshperra. Tharraña ñetpaꞌ aña moeneñetañ oꞌch alla nerrnayet judioneshaꞌ pokthaphña ñeñth nanak thorrapoꞌ yenten.

Gálatas 2:6

Allempoña neñotach amhchaꞌtarethneshaꞌ ñeñth Jerusaléñoꞌtsaꞌyen ñeñth ateth oꞌ nephowapaꞌ tharraña amaña erroth otneto ñeñthoꞌ nepalltena ñeñthchaꞌ ateth nepha. Ñewa, poꞌñoxh napaꞌ ama nepallteno oꞌch eꞌmhñotaten amhchaꞌtareth tharroꞌmar ama ñaptha amhchaꞌtareth pokteꞌ entenoña Yompor. Ñeñthoꞌmarña ñeñth paꞌmhchaꞌtarethneshar penet ñeñth ameꞌñetsa amaña erroth otneto ñeñthoꞌ nepalltenmeñ ñeñthchaꞌ ateth nepha.

Gálatas 3:1

Sapaꞌ nanak, galacioꞌmarneshachaꞌ, sepanteñ. Poꞌñoxh sa oꞌkaꞌye xha shekaset atthoña theꞌ sapaꞌ oꞌwañ sameꞌñenaña ñeñth eꞌñe poꞌñoxh alloch yekeshperra. Amaꞌt awaña allempo yeserrpareꞌtatensaꞌpaꞌ yapaꞌ añ yeñotatwas attho poꞌñoxh Jesucristopaꞌ oꞌ akorsoꞌtamphsarethta eꞌñe yokop. Ñeñthña poꞌñoxh sameꞌñaña sa allempo.

Gálatas 4:11

Ñeñthoꞌmarña nellkëñothpaꞌ ateth noten, ñeñth attho nethorrena awaña sokoppaꞌ ñatoꞌ amach es sherberro.

Gálatas 4:17

Poꞌpotantañ ñeñth seyxhateneꞌ judioneshaꞌ pokthaphñapaꞌ amaꞌt nanak maꞌyoxhrenetañ sokoppaꞌ tharraña ñeñthpaꞌ ama añekpayaye atthoch yenpaset eꞌñe poꞌñoxh. Ñetpaꞌ añekpa mopaꞌtenset atthoch oꞌch sokshapretanet nanak eꞌñe ñañeñeta.

Gálatas 4:20

Eswakaꞌ alla neneꞌ thayekma sesho atthotheꞌ neserrpareꞌtatas eꞌñe kowen, allochñapaꞌ amatheꞌ xha moeneꞌ necheꞌptareꞌtaso. Tharraña ñeñthpaꞌ amach errothenoth, poꞌñoxhpaꞌ xhokma sellkatenen.

Gálatas 5:12

Napaꞌ atarr nemneñ ñeñth xhokma semoññeꞌtateneꞌpaꞌ oꞌtheꞌ alla kexhpaꞌnerres.

Gálatas 5:7

Sa awañmoꞌchapaꞌ eꞌñe kowen sameꞌñyeꞌth Cristo. Theꞌñapaꞌ poꞌñoxhkaꞌye oꞌxha aꞌpsaterrsetña añ ñoñets ñeñth eꞌñe poꞌñoxh Yompor poꞌñoñ.

Gálatas 6:17

Theꞌpaꞌ ama pokteyaye amaꞌt poesheñarrapaꞌ oꞌch alla orrtaterrnanerr ñeñth atarr echarr nenten nokop tharroꞌmar ñeñth ateth neyxhatenpaꞌ ñeñthña poꞌñoxh Yompor pokthaphña. Tharroꞌmar themeꞌttsen orretyena nechets all marethaꞌyena all atserrphatseꞌtyesnet awañmoꞌcha. Theꞌpaꞌ ñeñthña eñotatyenawet poꞌñoxh napaꞌ nethorrena Jesúsokop ñeñth Yepartseshar yepen.

Filipenses 3:15

Ñamha oꞌch notas ñeñthes poꞌñoxh oꞌ sameꞌñaꞌwera Cristo awañmoꞌchotheñ, theꞌpaꞌ ñeñthña oꞌ notwanmas eꞌñepaꞌch seyoxhreꞌcha. Ñamha ñerraꞌm erraꞌtsentheꞌ sokthapeꞌchyen ñeñth ama attheyeꞌ poktetso Yomporekoppaꞌ ñeñthpaꞌxhoꞌña eꞌñe ña Poekamkëñothpaꞌ ñach eꞌñe señotatwerreꞌ.

2 Tesalonicenses 3:4

Ñamha yapaꞌ eꞌñe yeyemteñoth Yepartseshar sapaꞌ eꞌñe yeñotenes ñeñth ateth yotenes sañapaꞌ eꞌñech ateth sepena theꞌ amaꞌt ñamha tsapathoneth xhokmachña ateth sepena.

Filemón 1:21

Napaꞌ neñoteneph phapaꞌ xhokmach peꞌmhñoten ñeñthoꞌmarña nekellkënnaph añ carta. Neñoteneph amach ñeñthayaya ateth pepho ñeñth oꞌ notwaph, phapaꞌ ellochña atarrchaꞌ kowen pephaꞌyes allowen ñeñth atarr kowentetsa.