Gálatas 4:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Ñeñthoꞌmarña theꞌpaꞌ yeñoteñ oꞌ poechemer perrey Yompor, ama poeñañrayaya penye. Ñeñthoꞌmar yeñoteñ ñerraꞌm poꞌñoxh oꞌ poechemer perrey Yompor, yapaꞌ yoꞌpatapreterach ora allpon oꞌpatatenya theꞌ Yompor.

Gálatas 4:7 Iomraidhean Croise

San Mateo 6:24

‘Ñeñthpaꞌ atethchaꞌ yetmaꞌntacha: Amaꞌt poesheñarrotheyapaꞌ amach errothenoth eꞌñe kowen yetarwasoña epsheñoꞌmar yamoꞌmtayekop. Tharroꞌmar ñerraꞌm ateth yephapaꞌ poesheñarr eꞌñech kowen yemorrenteñoth yoksheñeshokmañen yesherbeñ, poꞌpsheñeññapaꞌ amach eꞌñeyeꞌ yemorrenteño; xhach yottena ñerraꞌm xha yetsenaꞌteñ. Ñeñthoꞌmarña ñeñthpaꞌ amach kowenayeꞌ yesherbeñe. Ñerraꞌm aña eꞌñe semaꞌyoxhrena ñeñth eꞌñe sokpa atthoch segana aton kelle, ñeñth atethpaꞌ amach errothenoth semaꞌyoxhroña ñamha ñeñthekop atarr sherbets Yomporekop.

Gálatas 3:26

Tharroꞌmar theꞌpaꞌ eꞌñe yeparrokmateñoth Cristo Jesúspaꞌ oꞌch poechemer perrey alloweney Pompor, tharroꞌmar eꞌñe yameꞌñeñoth Poechemer.

Gálatas 3:29

Ñamha ñerraꞌm yapaꞌ Cristonaꞌtareypaꞌ añña Yomporpaꞌ eꞌñe ateth enteney ñerraꞌmrratheꞌ poꞌmhreneñ peney Abraham. Ñeñthoꞌmarña yapaꞌ oꞌch yagapapreter ñeñth ateth Yomporpaꞌ otan awath Abraham ñeñthchaꞌ ateth aꞌnacha.

Gálatas 4:31

Ñeñthoꞌmarña theꞌ masheñneshachaꞌ ñamha noxhaneshachaꞌ oꞌch alla noterrserr: Ama pallteno oꞌch yameꞌña judioneshaꞌ pokthaphña. Ñatoꞌ oꞌch netmaꞌntacha ateth: Ama poechoyoreyayye Abraham poeñañra ñeñth paꞌtarwasañer eꞌñe attha. Añña poechoyorey Abraham poethapor ñeñth ama paꞌtarwasañreyaye. Ñeñthara ñeñth yoten eꞌñe yameꞌñeñotha Cristopaꞌ eꞌñech kowenoꞌtseney.

El Apocalipsis 21:7

Allowen ñeñth metanaꞌtweꞌ paꞌnamen topateñtsoxhnopaꞌ ñetñapaꞌ noꞌpataterranet ora añexhno aꞌnateñets. Atthochña ñetpaꞌ eꞌñech Poꞌyomporer pennet, nañapaꞌ eꞌñech nechemereshaꞌ nephowenanet allowenet.