Gálatas 4:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Tharraña Cristopaꞌ añekop eñalleta atthoch aꞌwañamperrey attho amhchaꞌnoxhtena añ ñoñets yokop. Ñeñthpaꞌ añekop ateth pha atthoch poechemer perrey Yompor.

Gálatas 4:5 Iomraidhean Croise

San Mateo 20:28

Ateth ñerraꞌm na Ñeñthen Acheñetosets, napaꞌ ama añekpayeꞌ newapo añe patsro allochñapaꞌ sapaꞌ oꞌch attha atarr sesherbhapoen na ateth ñerraꞌmrratheꞌ napaꞌ atarr amhchaꞌtareth sentenen. Napaꞌ añekopña newapa allochñapaꞌ nachña sesherbhoseꞌña sa, ñeñthoꞌmarña napaꞌ naña pomostsa nañeña oꞌch nerromos sokop atthochña netsaꞌtwerrnasa soꞌchñar ñeñthes shontes paꞌnamen acheñres. Atthochña sapaꞌ amach sañeña rromatso soꞌchñarekop.

San Lucas 1:68

—Ayeꞌchoxhtaterrapoꞌch Yompor, ñeñthara ñeñth Poꞌpartseshar pen allowen israelneshaꞌ, tharroꞌmar theꞌñapaꞌ oꞌ orrtaterrnay poemoereña ñeñthchaꞌ yaꞌkeshphaterreꞌ ñeñthey poechemer pen.

San Juan 1:12

Tharraña poesheñaꞌtets ñeñth eꞌñe kowen agapyesapoeꞌ, amaꞌt allowen ñeñthchaꞌ ameꞌñerraya ña, ñetñapaꞌ apoerranet llesens atthoch eꞌñe poechemer perranet Yompor Parets.

Los Hechos 20:28

Allempoñapaꞌ alla oterraneterr ñeñth pomporneshaꞌ penet: —Theꞌpaꞌ señotaꞌthach. Theꞌpaꞌ añ pokteꞌ oꞌch sekwampeñ kowen allowen ñeñth ameꞌñenaya Yompor. Atethchaꞌ sepha ateth ñerraꞌm ñeñth kowampeneꞌ poꞌcarneror. Sapaꞌxhoꞌña atethchaꞌ sepha samha oꞌch sekwampeñ ñeñth ameꞌñetsa. Ñeñthchaꞌ setarwas sephaꞌ ateth llesensenes Parets Poekamkëñoth. Tharroꞌmar Yepartseshar Jesúspaꞌ oꞌ rroma ñokpoet ñamet.

Romanos 10:4

Tharroꞌmar theꞌpaꞌ oꞌ wapa Cristo ñamha ateth oteney Yompor ñerraꞌm yameꞌñerrñaña Poechemer ñeñth Cristotetspaꞌ atthochña eꞌñech pokteꞌ enterreyña, amaꞌt erraꞌtsena ñeñthchaꞌ ameꞌñerraya. Allochñapaꞌ oꞌwañchaꞌ aña yeyemtena oꞌch ateth yephowen eꞌñe kowen ora allpon ñoñets ñeñth ateth anareth atthochña pokteꞌ enterryeñ Yompor.

Romanos 8:14

Tharroꞌmar alloweney ñeñthey eꞌmhñoteneꞌ ñeñth ateth kothapeꞌchateney Parets Poekamkëñ, ñeñtheyñapaꞌ oꞌ poꞌñoxh poechemer perrey Yompor.

Romanos 8:15

Ñeñthoꞌmarña amach alla yemhchaꞌterrerro ateth ñerraꞌmrratheꞌ ñeñth ñañrets, atarrchaꞌ mechaꞌtenan pamoꞌmteꞌ. Tharroꞌmar yapaꞌ allempotheñ oꞌ yagërrñañ Yompor Poekamkëñ yañapaꞌ oꞌ poechemer perrey poꞌñoxh. Ñeñthoꞌmarña amach yemhchaꞌnañotheyeꞌ yemaꞌyocheñothpaꞌ oꞌch yexhoreꞌch, oꞌch yoch: “Apa.”

Romanos 8:19

Amaꞌt ora allpon ñeñth yentyen arr patsro ñeñth yexhkatwa Yomporpaꞌ ñetpaꞌxhoꞌña elloña atarr koweñet esempowañenchaꞌ Yomporpaꞌ orrtatwerreychaꞌ ñeñthey oꞌ poechemereshaꞌ perrey, atthoch allempochña oꞌch yekowentapretera Cristo.

Romanos 8:23

Ama ñapthayaya Yompor poeyexhkatar moeroxhtetso. Yapaꞌxhoꞌña xhokma yemoeroxhetyena arr patsro, amach eꞌñeyeꞌ yeñmateno yeyoxhro. Tharraña amaꞌt atethpaꞌ oꞌ yechen Parets Poekamkëñ ñeñth yexhetsa yeyoxhro ñeñth ñanom apoeney Yompor, allothñapaꞌ orameñ ñamha ñeñth oꞌpatatenya paꞌnamen. Ñeñthoꞌmarña yeñoteñ esempowañenpaꞌ apwerreychaꞌ ora allpon ñeñth oꞌpatatenya. Ñeñthoꞌmarña yekweñ esempowañen Yomporpaꞌ oꞌch orrtatwerrnay ñamha attho yapaꞌ oꞌ poechemereshaꞌ perrey. Allempoña ya yechetspaꞌ aꞌpoꞌpoñetwerrnaychaꞌ atthochña yekowentapretera Cristo.

Romanos 9:4

Ñamha namoꞌtseshaꞌ judioneshaꞌ ñeñthara israelenaꞌtarneshaꞌ ñeñth akrañ Yompor awath ñeñthchaꞌ poechemereshaꞌ phañ, ñamha ñetpaꞌ xhokma entoñetañeꞌth Yompor poꞌpartsoña awath. Ñamha ñet Yomporpaꞌ xhokma aꞌpoktatanetañeꞌth awath atthoch xhokmach aꞌnatenanet. Ñamha ñetpaꞌ apanetañeꞌth Yompor poꞌñoñ awath, ñeñthña eñotataweteꞌth ñeñth ateth pokteꞌ enten Yompor. Ñamha ñeñthara judioneshaꞌ ñeñth eñotayeꞌth atthoch nanak eꞌñe koxhneshoth sherbeñetañ Yompor paꞌpakllo. Ñamha ñeñthara judioneshaꞌ Yompor awathpaꞌ awoꞌt otanetañ ñeñthchaꞌ ateth apoerranet esempowañen.

Gálatas 3:13

Ñoñtsopaꞌ amaꞌt oꞌpatatenyañ koñcheñets tharraña Cristopaꞌ ñaña koñcherrtsa eꞌñe yokop atthochña yapaꞌ amach yekoñcherro. Ñeñthpaꞌ yeñoteñ tharroꞌmar amaꞌt awathotheñpaꞌ ateth anwareth Yompor poꞌñoño, ñeñthpaꞌ ateth oten: “Amaꞌt erraꞌtsena acheñer poepenkateñmeꞌchatset xho echañchet tsachopaꞌ ñeñthpaꞌ aꞌkoñchatarethchaꞌ entyes acheñeneshaꞌ.”

Gálatas 3:26

Tharroꞌmar theꞌpaꞌ eꞌñe yeparrokmateñoth Cristo Jesúspaꞌ oꞌch poechemer perrey alloweney Pompor, tharroꞌmar eꞌñe yameꞌñeñoth Poechemer.

Gálatas 4:21

Ñewa, theꞌpaꞌ oꞌch seꞌmhñoten sa ñeñthes moenets oꞌch alla seyemterra añ ñoñets ñeñth ateth anareth awathotheñ. Sapaꞌ amaꞌt señoteñe ñeñth ateth oten añ ñoñets ñeñth ateth anareth.

Gálatas 4:7

Ñeñthoꞌmarña theꞌpaꞌ yeñoteñ oꞌ poechemer perrey Yompor, ama poeñañrayaya penye. Ñeñthoꞌmar yeñoteñ ñerraꞌm poꞌñoxh oꞌ poechemer perrey Yompor, yapaꞌ yoꞌpatapreterach ora allpon oꞌpatatenya theꞌ Yompor.

Efesios 1:5

Ñapaꞌ atarr morrentenya; eꞌñe poemorrenteñotheypaꞌ oꞌ eꞌñe aꞌpoktatonay yokop amaꞌt awathotheñ. Ñeñthpaꞌ atthochña eꞌñe poechemer perrey. Ñeñthpaꞌ añña eꞌñe etsotatwerreꞌ Poechemer Jesucristo. Yomporpaꞌ eꞌñe ateth aꞌpoktatwonay tharroꞌmar ñeñth attho morrentya ñapaꞌ atethña moenen.

Efesios 5:2

Elloña Cristopaꞌ atarr morrentenya. Ñeñthoꞌmarña eꞌñe pokteꞌ eñch atthoña poma ñañeña attho rroma yokop ateth peteꞌth awath allempo moetseteꞌth carnero Yomporekop. Ñeñthña eꞌñe kowen enteꞌth Yompor eꞌñe ateth ñerraꞌmrratheꞌ ñeñth allo atarr eñmosathtamphsacheteꞌth awath ña. Attho atarr morrentya Cristo, yokoppaꞌxhoꞌña añ poktetsa eꞌñech kowen yemorrentannaꞌtwena.

Tito 2:14

Tharroꞌmar ñapaꞌ ña pokteꞌ enteꞌ oꞌch rroma yokop atthoch oꞌwañchaꞌ alloꞌna yephatseꞌtnena sosyaꞌtsañ. Ñamha ñapaꞌ atthoña eꞌshowerrnay allowen ñeñth ama pokteyaye. Allochñapaꞌ atthoch poeyochreshaꞌ perrey, ñamha atthoch yapaꞌ yemaꞌyoxhrena ñeñth kowentetsa.

Hebreos 1:3

Ñeñthara Cristo attho atarr kowentena ña paꞌtsnomoeñoth, ñeñthpaꞌ Pomporña orrtaten poꞌpartsoña. Ñeñth ateth kowen orrtatyen ñapaꞌ, Pomporpaꞌxhoꞌña eꞌñe parro atthekmoet. Ñapaꞌ eꞌñe poꞌñoñotha orrtatwan ora esokmañen ñeñth allpon paꞌnamen eñall tharroꞌmar ña poꞌñoñpaꞌ atarr womenk. Ñeñthara ñeñth rromats atthoch eꞌñe eꞌshampeswerrey yoꞌchñar. Allempoña oꞌ orrtatwan attho eꞌshamperrey yoꞌchñar allempoñapaꞌ oꞌ alla anorrwerr Pompor Parets poꞌkowenroth allña atarr partsotapretwerrana Pompor poꞌkonaño eꞌñe all poeꞌntaño.

Hebreos 9:12

Ñamha Cristo allempo beꞌthoswerr allowanen Partsopawesho ñeñthpaꞌ eꞌñe parrocha beꞌthoswerr all poeꞌntaño. Ñamha ñapaꞌ ama añeyeꞌ anmo eyarra poꞌrras —cabra amapaꞌ wakshetholl. Ñapaꞌ eꞌñe ñañeña poꞌrras pomwerr. Ñamha ñapaꞌ eꞌñe parrocha pomanña poꞌrras all amaꞌt allowen paꞌnamen acheñeneshakop poꞌchñarekop. Atthoña eꞌñe kowen aꞌpoktatonay atthothchaꞌ aꞌkeshphaterrey, ñamha ñeñthpaꞌ amach awañañathterro amaꞌt errponaña.

Hebreos 9:15

Attho Jesucristopaꞌ ña eñosets yokop atthoch aꞌpoktatwerrnay eꞌñe kowen etserra. Tharroꞌmar allempo rroma Cristo ñeñthpaꞌ añekopña sherben atthoch peretnaꞌwerrnay yoꞌchñar ñeñth oꞌ allpon yephowen awathotheñ allempotheñ yokthaꞌnom ñeñth ñanom aꞌpoktatañtatsañ. Allochñapaꞌ alloweney ñeñthey oꞌ yaꞌwaꞌñarethterra oꞌch yameꞌñera, ñapaꞌ apwerreychaꞌ ñeñth oꞌpatatenya ñeñth ateth oteney atthochña yapaꞌ korretsayach errponowañen.

1 San Pedro 3:18

Amaꞌt Cristopaꞌxhoꞌña awathpaꞌ atarr moeroxhtacheteꞌth. Ñapaꞌ ña rromats eꞌñe parrocha allowenakpay atthothña tsaꞌtwerrnaya yoꞌchñar. Cristo amaꞌt ña ñeñth eꞌñe pokteꞌ es petspaꞌ atthoña rroma yokop ñeñthey ama pokteyeꞌ es petso. Tharroꞌmar rroma yokop atthothchaꞌ yeparrokmaterr epay Yompor. Ña amaꞌt rroma poꞌchtsothpaꞌ poekamkëññapaꞌ ama rromo.

El Apocalipsis 14:3

Allñapaꞌ kowentatenet morreñets ñeñth eꞌñe etserra morreñets all Yompor poꞌkonaño. Alloꞌtsen ñamha paꞌtatsoꞌmar ñeñth berrmaꞌthtetsa, ñamha alloꞌtsaꞌyen ñeñth sherbeneꞌ Yompor ñeñth epoch xharraꞌ ñeñth poechetsa paꞌtatssheña. Amaꞌt eꞌñe poesheñarrapaꞌ ama eseshayeꞌ yexhenayeña añ morreñets ñeñth etserra. Añña eñoteneꞌ ñeñth ciento cuarenta cuatro mil acheñeneshaꞌ ñeñth aꞌkeshphatarethtetsa añe patsroth.

El Apocalipsis 5:9

Añña ñeñth konkorpaꞌrrtetsapaꞌ ñetñapaꞌ morrechenet ñeñth etserra morreñets ñeñthpaꞌ ateth axhoteñet Cristo ñeñth atmaꞌntatareth Carnero: Phapaꞌ eꞌñe kowenareꞌ es pephaꞌyen ñeñthoꞌmar eꞌñe pokteꞌ phach cheteꞌ Yompor poꞌlibro, eꞌñe pokteꞌ phach toreꞌ allo echarr apharethtena tharroꞌmar phapaꞌ pha amtsarethtatsa, perrasoña phapaꞌ allo petsaꞌtwonaya yoꞌchñar allochñapaꞌ atthoch eꞌñe poechemer perrey Yompor amaꞌt alloweney ñeñthey paꞌnamen acheñey, amaꞌt erraꞌtsena mereñtsorey alloth yewena, amaꞌt ñamha erraꞌtsena ñoñtsor allo yeñosyen eꞌñe poꞌpoñeꞌttsokma, amaꞌt ñamha paꞌnamenanaꞌtarey allowen errowanen ñeñth eꞌñe yaꞌnetser yephaꞌyen.