Gálatas 4:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Tharraña allempoña oꞌ etsota allempo onañcheꞌ awath Yomporpaꞌ oꞌ moeñonay Poechemer arr patsro. Arrñapaꞌ eñalletach poesheñarr koyaneshaꞌ ñeñth judionaꞌtar. Añña ñoñets ñeñth ateth anareth judioneshakoppaꞌ nanak amhchaꞌnoxhteꞌth allempo amaꞌt ñokop.

Gálatas 4:4 Iomraidhean Croise

San Mateo 1:23

Ñeñthña shopsheshaꞌpaꞌ amach aꞌphllarethotheyeꞌ axhomento; cheyoreꞌtanach asheñorr, ñeñthñapaꞌ sochetchaꞌ Emanuel. Ñeñth ña soꞌchñetspaꞌ ateth oten: Theꞌña Paretspaꞌ eꞌñe parroꞌtseney.

San Mateo 3:15

Jesúsñapaꞌ ateth otererr: —Phapatapnoꞌthach Juanachaꞌ tharroꞌmar atethkaꞌye poktetsa oꞌch yetsota allowen ñeñth poktetsa Partsokop. Allempoña Juanpaꞌ eꞌñe pokteꞌ eñch,

San Mateo 5:17

Jesúsñapaꞌ ateth oterraneterr: —Amach sokthapeꞌchatsto napaꞌ añekoptheꞌ nowapa oꞌch newaporeꞌtaterr Yompor poꞌñoñ ñeñth awathotheñ ateth anareth ateth ñerraꞌm Moisés poꞌñoñ ñamha añ poꞌñoñ ñeñth kellkaꞌyeseꞌth ñeñth aꞌmhtaꞌyesayeꞌth Yompor poꞌñoñ. Napaꞌ ama añekpayeꞌ nowapo oꞌch newaporeꞌtach, napaꞌ eꞌñechkaꞌyeña netsotatwer.

San Lucas 1:31

Theꞌpaꞌ phaxhomentach, pechyoreꞌtchaꞌ ñeñthpaꞌ asheñorrchaꞌ. Ñeñthñapaꞌ pesochchaꞌ JESÚS.

San Lucas 1:35

Mellañoteññapaꞌ alla otererr: —Paretschaꞌkaꞌye Poekamkëñ pexhapoya. Ñeñth Nanak Parets poꞌwamenkpaꞌ aꞌpomamphsosephchaꞌ ateth ñerraꞌmrratheꞌ os phaꞌpomampeneꞌ. Ñeñthoꞌmarña cheshatholl ñeñthchaꞌ peꞌñalletatpaꞌ ñapaꞌ añach eꞌñe maꞌyoxhrosa ñeñth ateth moenen Parets. Otyesetchaꞌ ñapaꞌ ña eꞌñe Yompor Poechemer.

San Lucas 2:7

Alla emareꞌt, ñeñthña poeꞌmarethollpaꞌ asheñorrotholl ñeñth eꞌñe poꞌmother phaꞌ. Epeꞌ poꞌñoꞌmopaꞌ alla phanatholleꞌch wakshepawo allothekma apoeñet wakësh poerrar. Ñewa, tharroꞌmar alla emareꞌtos wakshepawoñaꞌ moetsopawopaꞌ ama eseshaꞌ epatso eꞌñe poktakma eshepena acheñ ñeñth manrraꞌtosets all.

San Lucas 20:44

Ñeñthpaꞌ atethkaꞌye oteꞌthña David ñeñthchaꞌ Cristoterretspaꞌ ñeñthkaꞌyeña Poꞌpartseshar peꞌthña amaꞌt allempotheñ. Ñewa, amaꞌt señoteñeña Cristo ñeñth Poꞌpartseshar peꞌth David ñeñthña theꞌpaꞌ oꞌ alla poꞌmhreneñ per ñamha.

San Juan 1:14

Cristoña ñeñth Poꞌñoñ pen Yompor oꞌ acheñetos arr patsro, oꞌ yeyxhañ eꞌñe parro mameꞌ añe patsro. Ñapaꞌ atarr amoerañtosa. Ñamha attho yexhatosey Yompor poꞌñoñ ñeñthña ñoñetspaꞌ eꞌñe poꞌñoxh ateth, ama shekëñtsoyaye amaꞌt mamesha. Ñamha yapaꞌ xhokma yentoñeꞌth poꞌkowenña. Ñeñthña poꞌkowenñapaꞌ ateth ñerraꞌm Pompor ñeñth poꞌpathrror peneꞌ ña.

San Juan 10:36

naña ñeñthen oꞌ nerren Yompor ñeñthen oꞌ moeñerren arr patsro, sapaꞌ achmharñathach sepenen tharroꞌmarothña napaꞌ noten Yompor Poechemeren.

San Juan 3:16

‘Attho atarr morrentenya Yompor alloweney acheñeneshay arr patsro ñeñthoꞌmarña apoey Poechemer ñeñth poꞌpathrror pen, allochñapaꞌ allowen ñerraꞌm eseshaꞌ ameꞌñerraya ña amach chenkërreto, ñetñapaꞌ korretsetach poksheñeshokmañen eꞌñe thayotheñ errponañowen.

San Juan 6:38

Tharroꞌmar napaꞌ ama añekpayeꞌ nowapoña entoth atthoch oꞌch aña ateth nephos ñeñth nemnen na. Napaꞌ añekopña nowapa oꞌch ateth neperr ñeñth ateth moenen Nompor ñeñth nellsenserreꞌ.

San Juan 8:42

Jesúsñapaꞌ alla oterraneterr: —Ñerraꞌm poꞌñoxh Sompor sepeñeñ Parets atarrtheꞌ semorrentennañ na tharroꞌmar napaꞌ Partseshothkaꞌye nowapa oꞌ nexhap arr. Napaꞌ amakaꞌye nothayeꞌ nowapo, napaꞌ Yomporña nellsenseꞌ.

Los Hechos 1:7

Jesúsñapaꞌ ateth otanet: —Ñeñth sokoppaꞌ ama pokteyaye oꞌch señoch. Añña Yompor poꞌpartsoteñoth eꞌñe eñotweñ. Ñapaꞌ oꞌ neꞌ allempoch etsotwerra ora allowen añexhno.

Romanos 1:3

Ñamha añ kowen ñoñets alloch yekeshperra, ñeñthpaꞌ añ serrpareꞌten Jesucristo ñeñth Poechemer pen Yompor. Tharraña allempo acheñetos arr patsropaꞌ ñapaꞌ eꞌñe David poꞌmhrenñoth eñalleta, ñeñthara David ñeñth amhchaꞌtarethtatseꞌth awath.

Romanos 15:8

Ñamha theꞌpaꞌ oꞌch notas, Cristopaꞌ awoꞌt wapa arr patsro atthoch thorrosa judioneshakop. Allochñapaꞌ atthoch allowen acheñeneshaꞌpaꞌ oꞌch xhapanet poeyoxhreto, Yomporpaꞌ ama poenesho poꞌñoñ. Ñeñth eꞌñe ateth otaneꞌth judioneshaꞌ paꞌtañneshañ awathpaꞌ ñeñthchaꞌ ateth moenaterranet esempo, ñeñthpaꞌ xhokmachña eꞌñe etsoterra poktakma.

Romanos 5:6

Yapaꞌ yeñoteñ nanak morrentenya Yompor tharroꞌmar awathpaꞌ ama es yokthapeꞌchpeno amaꞌt mamesha Yomporekop atthoch yekeshperrañ. Tharraña Yomporñapaꞌ eꞌñe allempokmapaꞌ awoꞌt moeñan Poechemer Cristo añe patsro ñeñthchaꞌ rromosets eꞌñe yokop ñeñthey ama es kothapeꞌchetso kowen amaꞌt mamesha Yomporekop.

Romanos 8:3

Ñewa, añ ñoñets ñeñth ateth anareth ñeñthchaꞌ yetsotateneñpaꞌ amach errothenoth aꞌkeshphaterrye, tharroꞌmar ya arromñathey yoꞌchñarpaꞌ ama moenatenye oꞌch ateth yephowa ora ñeñth ateth oteney añ ñoñets. Tharroꞌmar añ ñoñetspaꞌ ama eñalle atthoch womenk phonay yeyoxher eshekchaꞌ yetsotwe ora allpon ñeñth ateth oteney ñeñthchaꞌ ateth yephoweneñ. Tharraña attho Yomporpaꞌ awoꞌt aꞌpoktatwonay yoꞌchñar ñeñthpaꞌ ateth pha. Ñapaꞌ awoꞌt moeñonay eꞌñe ña Poechemer ñeñthchaꞌ eñalletostsa arr patsro eꞌñe ateth ñerraꞌm ya ñeñthey arromñathey, ñeñthey ochñathey. Allochñapaꞌ ñach rromosets yoꞌchñarekop; allochñapaꞌ atthoch tsaꞌtwonaya yoꞌchñar. Atthochña aꞌwañamperrey attho yoꞌchñara ñeñtha womenk yepeneꞌ yeyoxhro.

Romanos 9:5

Ñamha ñeñth ñanom yamoꞌmtayñeneshañ yepeꞌth ñeñth nanak sherbhayeꞌth Yompor awathpaꞌ ñetpaꞌ ñeñthara judioneshaꞌ pamoꞌtsnaꞌtarneshañ. Ñamha amaꞌt judionaꞌtareshothpaꞌ awoꞌt eñalletosa Cristo arr patsro ñeñthara ñeñth nanak Partsotets ñeñth pomnaren peneꞌ allowen esokmañen. Yaꞌyeꞌchoxhtatoñepaꞌch thayotheñ amaꞌt errponowañen. Ñeñthpaꞌ atthetepaꞌch Nompore.

Colosenses 2:14

Tharroꞌmar ñapaꞌ oꞌ eꞌñe eꞌshowerrnay ñoñets ñeñth oꞌ kellkaꞌwetañ alloch yotteñeꞌcharethterrañ ya, ateth oten ñoñets ñeñth ateth anareth awathotheñ. Ñeñth ñoñets Paretsñapaꞌ alla aꞌwañatamperrey ateth ñerraꞌmrratheꞌ ñeñth apatarethtetsa korsocho.

1 Timoteo 2:6

Ñamha ñeñthara ñeñth aꞌrroyatsa eꞌñe ñañeña atthoch poerromoeñoth ñapaꞌ oꞌch tsaꞌtwonaya yoꞌchñar eꞌñe alloweney ñeñthey acheñey. Ñeñthpaꞌ, ateth orrtatonay Pompor allochñapaꞌ atthoch yeñoch ñeñth ateth kothapeꞌchen ña. Allempoña xhap allempo eꞌñe pokteꞌ enteñ Pompor oꞌch xhap añ patsropaꞌ allempoña eꞌñe eñotatey ñeñthepaꞌt ateth kothapeꞌchen Pompor.

1 Timoteo 3:16

Ñamha yapaꞌ yeñoteñ ñeñth ateth kothapeꞌchateney Yompor attho yameꞌñerapaꞌ ñeñthpaꞌ nanak koxhneshaꞌ amaꞌt awathotheñpaꞌ ama eseshayeꞌ eñotenaye. Añpaꞌ ñeñth ateth yaꞌxhoteñ Cristo: Amaꞌt Paretspaꞌ oꞌ acheñetos añe patsro, tharraña Yompor Poekamkëñothña nanak awamenkathtosa ñeñth eñotateneꞌña acheñeneshaꞌ ñapaꞌ eꞌñe poꞌñoxh kowen. Amaꞌt allowen mellañotheñnaneshaꞌpaꞌ eꞌñe entwoñeteꞌth ñeñth ateth phaꞌyeseꞌth añ patsro, ñamha ñeñth ameꞌñayeꞌthpaꞌ xhokma aꞌpothet Cristo errakmañen arr patsro amaꞌt all ama judioneshayaye. Ñamha shonteꞌ acheñ ameꞌñerraya Cristo, allothña Yompor poꞌkowenñothpaꞌ oꞌ alla agër poeꞌntaño.

Hebreos 2:14

Ñewa, allowen ñeñth eꞌñe paꞌmoꞌnasheñekmoet phannetsa, ñetpaꞌ eꞌñe ñeñthenaꞌtarekmoet. Ñeñthoꞌmarña Jesúspaꞌ eꞌñe acheñetos atthoch paꞌmoꞌnasheñ phosey. Eꞌñe arromñathenaꞌtartosa eꞌñe ateth ñerraꞌmrratheꞌ ya. Ñapaꞌ tharroꞌmarña ateth phosa allochñapaꞌ atthoch rromos. Tharroꞌmar allempo rromapaꞌ atthoña poerratampeswan oneñeth poꞌwamenk attho atarr amhchaꞌnoxhtanaꞌteney allempo yerromoen.

Hebreos 9:10

Tharroꞌmar ora ateth anarethtet allempo ñeñthpaꞌ añekpa sherben ñeñth eꞌñe poꞌchtsokpoeta ñeñth ateth ñerraꞌm ñeñthchaꞌ rrenet ñamha ñeñthchaꞌ orrenet ñamha attho apaꞌyeseteꞌth Partsokop. Ñeñth orapaꞌ añekpa sherbeꞌth atthoch aꞌpoktatenet poꞌchets Partsokop. Ñamha ñeñthpaꞌ mamekpa anarethta esempowañenña Yomporpaꞌ orrtaterrnaychaꞌ poꞌpoñ ñeñthchaꞌ ello nanak yesherberreꞌ.

1 San Juan 4:14

Ñamha yapaꞌ eꞌñe yentwoñeꞌth Yompor Poechemer ñeñthoꞌmarña ya theꞌpaꞌ oꞌ yaꞌpothonas samha attho Yompor poꞌñoxhpaꞌ moeñonay Poechemer ñeñthchaꞌ yaꞌkeshphaterreꞌ ya ñeñthey yexhaꞌyetsa añ patsro.

1 San Juan 4:2

Arr sapaꞌ alloch señoch erraꞌtsentheꞌña eꞌñe poꞌñoxh eñoratenña Parets Poekamkëñ: Erraꞌtsenchaꞌ otats Jesucristopaꞌ ña poꞌñoxh partsoth acheñetos arr patsro, ñeñthña kothaphñatserpaꞌ eꞌñe poꞌñoxh Parets Poekamkëñ eñorateneꞌ.