Gálatas 4:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Ñatoꞌ sapaꞌ xhatheꞌ sotenapañ xhotheꞌ oꞌ neꞌmoñeꞌtas, tharroꞌmar napaꞌ oꞌ neserrpareꞌtatas ñeñth eꞌñe poꞌñoxh ateth noten.

Gálatas 4:16 Iomraidhean Croise

San Juan 7:7

Tharroꞌmar acheñeneshaꞌña añ patsropaꞌ amachkaꞌye errothenoth eꞌmoñeꞌtasoña sa, tharraña napaꞌ xhokma eꞌmoñeꞌtyennet tharroꞌmar napaꞌ añkaꞌye neñotatyenanet ñeñth ateth phatseꞌtyenet ñeñth ama pokteyaye.

San Juan 8:45

Tharroꞌmar napaꞌ añ notenes ñeñth eꞌñe poꞌñoxh sañapaꞌ amaña sameꞌñenno.

Gálatas 2:14

Tharraña allempo nentanet ama eꞌñe paxharroyeꞌ peneto ñeñth kowen ñoñets ñeñth poꞌñoxh Yompor poꞌñoñ allempoña napaꞌ ateth noch masheñ Pedro eꞌñe alloꞌtsaꞌyen allowen acheñeneshaꞌ, ñeñthpaꞌ ateth noch: “Phapaꞌ amaꞌt judioneshapeñpaꞌ tharraña oꞌ pephowa ñeñth ateth pena ñeñth ama judioneshayaye, theꞌñapaꞌ esoꞌmareꞌtña phañapaꞌ pemneñ oꞌch penoñña ñeñth ama judioneshayaye añ ñoñets ñeñth ateth anareth judioneshakop ñeñth amaꞌt phapaꞌ ama attheyeꞌ pepeno ateth anareth añ ñoñets.”

Gálatas 2:5

Tharraña yapaꞌ ama yemnataneto amaꞌt eꞌñe mamesha, tharroꞌmar yapaꞌ ama yemno oꞌch alla yaꞌpoꞌpoñetamperres ñeñth kowen ñoñets ñeñth eꞌñe poꞌñoxh alloch yekeshperra.

Gálatas 4:15

Ñewa, theꞌpaꞌ esoꞌmareꞌtña oꞌwañ tama sokshaꞌna. Awañmoꞌchapaꞌ nanak semoeraꞌneꞌth, ñamha allempopaꞌ amaꞌt esa nepalltapaꞌ sañapaꞌ oꞌchxhoꞌ sapoen, ñamha amaꞌt añchaꞌ nepalltañeꞌth neklleꞌpaꞌ napaꞌ neñotenes ñerraꞌm errothenoth serrothañ seklleꞌpaꞌ amaꞌt ñeñthpaꞌ ñeñththeꞌ sapnoñeꞌth.

Gálatas 4:17

Poꞌpotantañ ñeñth seyxhateneꞌ judioneshaꞌ pokthaphñapaꞌ amaꞌt nanak maꞌyoxhrenetañ sokoppaꞌ tharraña ñeñthpaꞌ ama añekpayaye atthoch yenpaset eꞌñe poꞌñoxh. Ñetpaꞌ añekpa mopaꞌtenset atthoch oꞌch sokshapretanet nanak eꞌñe ñañeñeta.

Gálatas 5:7

Sa awañmoꞌchapaꞌ eꞌñe kowen sameꞌñyeꞌth Cristo. Theꞌñapaꞌ poꞌñoxhkaꞌye oꞌxha aꞌpsaterrsetña añ ñoñets ñeñth eꞌñe poꞌñoxh Yompor poꞌñoñ.