Gálatas 4:13 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹³ Sapaꞌ señotwenen attho napaꞌ allempo ñanom nexhap seshopaꞌ napaꞌ xha natsnaꞌtos ñeñthoꞌmar allempopaꞌ eñall atthoch neserrpareꞌtatas añ ñoñets alloch yekeshperra.

Gálatas 4:13 Iomraidhean Croise

San Mateo 4:23

Allempoñapaꞌ chopeñeꞌchyes Jesús errapharen Galileoꞌmar. Yexhatyesosan judioneshaꞌ eꞌñe ñet poꞌpraweto. Allñapaꞌ serrpareꞌtatosanet kowen ñoñets attho ayochreshathtena Yompor. Aꞌkrratyesosan acheñeneshaꞌ; amaꞌt paꞌnamen osyenawet, amaꞌt paꞌnamen aꞌprramaꞌyenawet, ñañapaꞌ eꞌñe aꞌkrratyeswosanet.

Los Hechos 16:6

Allempoñapaꞌ arr aswerretaꞌ ñamha Frigioꞌmar ñamha Galacioꞌmar tharroꞌmar Parets Poekamkëñpaꞌ ama moenataneto oꞌch serrpareꞌtoñet Yompor poꞌñoñ all Asioꞌmar.

1 Corintios 2:3

Amaꞌt allempopaꞌ ama asherbenotheyeꞌ norrtoso sesho. Ñamha allempopaꞌ atarr nemhchaꞌten, xha neyorwos nellkëñoth.

2 Corintios 10:10

Tharroꞌmar patantaꞌttsos ateth sentennan necarta ñerraꞌmrratheꞌ atarr echeꞌxharroth es notenes ñeñth atarr echarr senten. Ñamha ñerraꞌm esempo alloꞌtsenen sesho sapaꞌ ama awamenkathoyenayeꞌ sentenno amaꞌt mamesha, ñamha attho neserrpareꞌtatenespaꞌ amaꞌt eꞌñe mameshapaꞌ ama asherbenayeꞌ senteñe.

2 Corintios 11:30

Ñatoꞌ theꞌpaꞌ oꞌch noterrserr poꞌpoñoneth kothaphñats. Sapaꞌ poꞌñoxh señosatseꞌtatyenen kowen ñeñth eꞌñe nokpa. Añña kowen nenten atthoch neños kowen ñeñth eꞌñe nokpa, ñeñthpaꞌ attho ama awamenkathoyenayeꞌ entenno acheñeneshaꞌ.

2 Corintios 11:6

Amaꞌt napaꞌ ama ayxhataretheno atthoch neserrpareꞌt koxhneshareꞌ ñoñets tharraña napaꞌ eꞌñe neñotweññañ Yompor poꞌñoñ. Sapaꞌ señotenen ñeñth ateth notenes ñeñthpaꞌ eꞌñe poꞌñoxh ateth tharroꞌmar shonteꞌ paꞌnamen norrtatyen errakmañen ñeñthña eꞌñe señotateneꞌ.

2 Corintios 13:4

Ñewa, poꞌñoxh yeñoteñ allempo korsoꞌtamphset Cristopaꞌ ama awamenkatheyeꞌ enteñeto tharraña Pomporña eꞌñe poꞌwamenkoth alla tantater. Yapaꞌxhoꞌña atthekma yeñotena ama awamenkatheyeꞌ yenteno ñerraꞌm ña, tharraña theꞌña yapaꞌ oꞌ yokrrerra poꞌwamenkoth Yompor atthey ñerraꞌm ña. Atthoña poꞌwamenkoth Yompor eꞌñe kowen yesherbenes.

Gálatas 1:6

Theꞌ napaꞌ oꞌch notas: Esoꞌmareꞌtña eꞌñe mamekmapaꞌ oꞌ alla sokthapeꞌchyerr poꞌpoñ. Sapaꞌ xha semneñ oꞌch sekexhpoer Yompor ñeñth oꞌ waꞌñerres oꞌch sameꞌñerrñaña Poechemer Cristo ñeñth rromats atthoch sekeshperra. Tharraña sañapaꞌ xha semneñ oꞌch alla sokthapeꞌcherr poꞌpoñ ñeñthoꞌch saꞌkeshphaterrayeñ.

Gálatas 4:12

Theꞌpaꞌ oꞌch masheñneshachaꞌ ñamha noxhaneshachaꞌ notas, atarr nemneñ oꞌch sokthapeꞌcherr ateth nokthapeꞌchen na. Tharroꞌmar napaꞌ oꞌ naꞌypoꞌñerrñañ judioneshaꞌ pokthaphña. Theꞌpaꞌ oꞌ nokthapeꞌcherr ñeñth ateth sepeꞌth awath sa, allempo ama sokthapeꞌcherrñañaꞌ judioneshaꞌ pokthaphña. Awañmoꞌcha allempo alloꞌtsenen seshopaꞌ eꞌñe kowen semoeraꞌneꞌth.

Gálatas 4:14

Ñamha amaꞌt añ atsnañtsorpaꞌ nanak sosey nenteñpaꞌ tharraña sapaꞌ ama setsenaꞌtno, ñamha ama saꞌypoꞌñaꞌno. Elloña sapaꞌ oꞌ sagapoen eꞌñe kowen ateththeꞌña ñerraꞌm Yompor poꞌmhllañotheñer wetsa sesho, ñamha eꞌñe ateth sagapoen ñerraꞌmrratheꞌ naña Jesucristotets.

Gálatas 4:18

Ñewa, napaꞌ eꞌñe pokteꞌ nenteñ oꞌch yemneñ acheñeneshaꞌ oꞌch koshapretenyet ñerraꞌm poꞌñoxh añekop yemaꞌyoxhrena atthoch yeyenpanet eꞌñe poꞌñoxh. Ateth napaꞌxhoꞌña nemneñ xhokmach sokshapretna amaꞌt allempo ama alloꞌtsenye parro.