Gálatas 3:8 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁸ Yomporpaꞌ eꞌñe eñotweꞌth awathotheñ amaꞌt ñeñth ama judioneshayayepaꞌ oꞌch ameꞌñeret esempo, ñamha eꞌñe pameꞌñeñothetpaꞌ pokteꞌch enterranet. Ñeñthoꞌmarña amaꞌt awathotheñpaꞌ eꞌñe anwareth poꞌñoño. Yomporpaꞌ ateth otan Abraham: “Eꞌñe peshothpaꞌ oꞌch nebensareꞌtampes allowen paꞌnamen acheñ.” Ñeñthoꞌmarña yeñoteñ amaꞌt awathotheñ Yomporpaꞌ serrpareꞌtataneꞌth Abraham ñeñth kowen ñoñets alloch yekeshperra.

Gálatas 3:8 Iomraidhean Croise

San Juan 19:37

Amaꞌt ñamha Yompor poꞌñoñ ellonethpaꞌ ateth oteꞌth awath: “Ñetpaꞌ enteretchaꞌ ñeñthchaꞌ enerret.”

San Juan 7:38

Ñeñth nameꞌñenaya na eꞌñe poeñmateñothet poeyoxhretopaꞌ ateth pena ñerraꞌmrratheꞌ alloth poten oñ aton ñeñth atarr kowen, tharroꞌmar ñeñthpaꞌ ateth oten Yompor poꞌñoñ ñeñth anwareth awathotheñ.

San Juan 7:42

Amaꞌt otenoña Yompor poꞌñoñ ñeñth anwareth, Davidchaꞌ poꞌmhrenñoth wapaña ñeñthchaꞌ Cristoterrets; arrothchaꞌ wapa anetsoth ñeñth Beléñ ñeñth paꞌnetser peꞌth David.

Los Hechos 2:35

Atthochña amaꞌt ñeñth peꞌmoñeꞌteneꞌ napaꞌ oꞌch eꞌñe nameꞌñatwerranet allochñapaꞌ oꞌch ateth perret ñeñth pemnen pha.” Añpaꞌ allowa ateth oteꞌth David awath.

Romanos 9:17

Ñamha yeñoteñ ñeñth ateth Yomporpaꞌ otan awath ñeñth amhchaꞌtarethtatseꞌth Egipto. Ñeñthpaꞌ ateth otan amhchaꞌtareth Faraón: “Na peneꞌ, ñeñtheph amhchaꞌtarethtetsa, atthoch peshoch norrtat newamenk acheñeneshesho. Atthochña ñetpaꞌ oꞌch serrpareꞌtyesonet errakmañen attho na ñeñthen nanak awamenkathtetsa.”

Romanos 9:30

Ñeñthoꞌmarña theꞌpaꞌ yeñoteñ acheñeneshaꞌ ñeñth ama judioneshayaye amaꞌt ama eꞌneñeto atthoch eꞌñe pokteꞌ entanet Yomporpaꞌ ñetñapaꞌ awepaꞌt enteret ñeñth eꞌñe attho pokteꞌ enteney Yompor alloweney ñeñthpaꞌ ñeñthña attho yeyemteña ñeñth ateth oteney Yompor.

Gálatas 3:16

Yompor awathpaꞌ ateth otan Abraham ñeñthchaꞌ ateth phoñ eꞌñe poesheñarroth poꞌmhrenñoth. Tharraña ama allowenayeꞌ poꞌmhrenñekop ateth oche, eꞌñe poesheñarrokpa ateth och, ñeñthpaꞌ yeñoteñ ñeñthara ñeñth Cristotats. Ñeñthpaꞌ atthekma oten amaꞌt awathotheñ Yompor poꞌñoñ.

Gálatas 3:22

Tharroꞌmar Yompor poꞌñoñ ñeñth anwareth awathotheñpaꞌ oteney, alloweneypaꞌ eꞌñe yoꞌchñaꞌtwen, amach errothenoth eꞌñe yetsotwoñe ñeñth ateth anareth Yomporekop. Ñeñthoꞌmarña ñeñthpaꞌ ama añekpayaye alloch yekeshperra. Añña eꞌñe yameꞌñeñotha Jesucristopaꞌ oꞌch yekeshperra, ñeñthara Cristo ñeñth ateth Yomporpaꞌ otan awath Abraham.

Gálatas 4:30

Ñewa, amaꞌt señoteñeña ñeñth ateth oteney Yompor poꞌñoñ ñeñth anwareth awathotheñ. Poꞌñoxh oteney attho Yomporpaꞌ otan awath Abraham ñeñthpaꞌ ateth och: “Oꞌch pewaporeꞌch peñañra epoet poechoyor, tharroꞌmar ña poechoyorpaꞌ amach es oꞌpatapretapho, amach attheyeꞌ pho poechoyor ñeñth eñalletatsa pethaporeshoth ñeñth ama phaꞌtarwasañreyaye.”

Hebreos 4:2

Tharroꞌmar ñeñth athpareꞌtayeꞌth all amayopaꞌ aserrpareꞌtatarethtetañña kowen ñoñets Yomporeshoth tharraña ama wenetoña pathparñet tharroꞌmar amaꞌt eꞌmetañpaꞌ ama eseshayeꞌ ameꞌñaꞌpawoyeꞌ entaye. Yapaꞌxhoꞌña oꞌ serrpareꞌtaterryet yamha kowen ñoñets Yomporeshoth.

El Apocalipsis 11:15

Allempoña poꞌpsheñeñ mellañotheñ ñeñth poꞌkanxhrroñpaꞌ oꞌ poktorerrerr ñamha. Poktoraꞌwerrtserrpaꞌ entoñapaꞌ atarr womenk eꞌmorrterrerr ñeñth eñoretsa all ento. Ñeñthpaꞌ ateth otenet: Ñeñth allpon amhchaꞌtarethetyetsa arr patsro theꞌñapaꞌ oꞌwañchaꞌ alloꞌna amhchaꞌtarethetnenet tharroꞌmar ñeñth attho amhchaꞌtarethetyenetpaꞌ ñeñthpaꞌ allochña amhchaꞌtarethterra Yompor epoet ñamha Poechemer ñeñth Cristo. Ñeñthchaꞌ attho amhchaꞌtarethterra Yomporpaꞌ ñeñthpaꞌ amach awañañathterro amaꞌt errponaña.