Gálatas 2:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Allempoña oꞌ meterrerr xharraꞌ char poechena paꞌtatspaꞌ oꞌ alla awerrnerr Jerusaléño epan ñamha masheñ Bernabé. Ñamha oꞌ nanemh masheñ Tito.

Gálatas 2:1 Iomraidhean Croise

Los Hechos 11:25

Allempoña awoꞌ Bernabé. Oꞌ xhap Tarso allchaꞌ eꞌnerranaꞌ Saulo. Allña entospaꞌ aꞌsecher oꞌch aner Antioquío.

Los Hechos 11:30

Allpon echyenetpaꞌ allpon apaꞌyeset. Ateth aꞌpoktachetpaꞌ atethxhoꞌ pet. Oꞌ apoeñet Bernabé ñamha Saulo, ñetñapaꞌ anmet Jerusaléño, allñapaꞌ aposet ñeñth pomporneshaꞌ pen ñeñth ameꞌñetsa Jerusaléño.

Los Hechos 12:25

Añña Bernabé epoet Saulopaꞌ oꞌ aswenetaꞌ Jerusaléño, pomwenetaꞌ kelle. Pomwenetaꞌ kellepaꞌ oꞌ poerraxherret Jerusaléñoth. Añña Juan Marcospaꞌ oꞌ kotherranet.

Los Hechos 13:2

Allempo xhokma kowentatoñeteꞌth Yompor, ñamha errothenopaꞌ xhoch thoreꞌteteꞌth. Attheña añña Parets Poekamkëñpaꞌ eñotatanet, ateth otanet: —Añ pokteꞌ oꞌch seneꞌ Bernabé ñamha Saulo ñetpaꞌ oꞌch senanet nokop. Napaꞌ oꞌch napanet ñeñthchaꞌ poꞌtarwas pet nokop.

Los Hechos 13:50

Tharraña poesheñaꞌtets judioneshaꞌ oꞌ kothapeꞌchachet acheñeneshaꞌ atthoch oꞌch waporeꞌtateret Pablo ñamha Bernabé. Añña ñeñth ateth kothapeꞌch koyaneshaxhno ñeñth kowen entapreteꞌ acheñeneshaꞌ tharroꞌmar añ koyaneshaꞌ eꞌñe kowen kothapeꞌcheꞌth Partsokop. Ñamha ñeñth amhchaꞌtarethtetsa all, judioneshaꞌpaꞌ oꞌ eꞌmoñeꞌtachet Pablo ñamha Bernabé. Ñeñthoꞌmarña orrtatet atsrreꞌmoeñets oꞌ waporeꞌtateret Pablo ñamha Bernabé.

Los Hechos 14:12

Añña Bernabépaꞌ oꞌ sochet, ateth otet: —Añepaꞌt ñeñth yeyomporer Júpiter. Pabloñapaꞌ sochet ñapaꞌ añ ñeñth poꞌyompor-ret Mercurio. Tharroꞌmar sochet ateth ñapaꞌ nanak serrpareꞌten kowen ateth ñerraꞌm poꞌyompor-ret Mercurio.

Los Hechos 15:25

Ñeñthoꞌmar pokteꞌ yenteñ alloweney oꞌch yeneꞌ epsheña acheñ ñeñthchaꞌ yemñonas epoet Bernabé ñamha Pablo ñeñth nanak yemoerena.

1 Corintios 9:6

Ñamha sapaꞌ ñatoꞌ xhatheꞌ soten eꞌñe pokteꞌ eꞌñe epsheñoꞌmarey epan masheñ Bernabé yapthach yetarwasen atthoch yechen ñeñthchaꞌ yerren. Poꞌñoxhpaꞌ poꞌpotantañexhno ñeñth thorraꞌyetsa Yomporekoppaꞌ ñetñapaꞌ arratarethtenet eꞌñe attha.

2 Corintios 2:13

tharraña napaꞌ amaꞌt mamesha ama neñmateno neyoxhro tharroꞌmar allpaꞌ ama nentose masheñ Tito. Ñeñthoꞌmar ama naꞌpo all, attha nesoꞌtnerranet, oꞌch nexherr all anetso Macedonia.

2 Corintios 8:16

Napaꞌ xhokma neparasyosoꞌteñ Yompor tharroꞌmar añ nenan masheñ Tito poeyoxhro attho ñapaꞌxhoꞌña xhokma llekapretensa ateth ñerraꞌm na.

2 Corintios 8:23

Ñamha ñerraꞌm eseshaꞌ saꞌphthoꞌteneꞌ oꞌch otaset, “¿amaꞌt seꞌmareꞌteñe masheñ Tito, erroꞌtsentheꞌ?” sañapaꞌ oꞌch soch “ñapaꞌ añ epoet thorrena masheñ Pablo tarwasats Yomporekop atthoña eꞌñe sherbeney yamha.” Amapaꞌ ñerraꞌm aꞌphthoꞌtaset ñamha añ poꞌpsheñeñ masheñekop, sañapaꞌ oꞌch señotatanet ñetpaꞌ arroth amñarethtenet all apxhena allowen masheñneshaxhno ñeñth ameꞌñetsa all Macedonio. Ñetpaꞌ eꞌñe kowen orrtatenet Cristo poꞌkowenña.

Gálatas 1:18

Oꞌña met maꞌpa char allempañapaꞌ awen Jerusaléño oꞌch nenteñaꞌ masheñ Pedro. Allñapaꞌ alla naꞌpa ñesho xharramat poechena amnarmat.

Gálatas 2:13

Añpaꞌxhoꞌña judioneshaꞌ ñeñth ameꞌñetsapaꞌ ñetpaꞌxhoꞌña oꞌ ateth phaꞌyeset ñamet ñeñth ateth pena masheñ Pedro. Ñeñthoꞌmarña allempopaꞌ amaꞌt masheñ Bernabépaꞌ oꞌ phachet ñamha ñeñth ateth penet ñet. Poꞌñoxhpaꞌ amaꞌt eñoteñetañ ama ateth aphapawo.

Gálatas 2:3

Allempoña neserrpareꞌtatwanet atethpaꞌ eꞌñe pokteꞌ eñchet ñeñth ateth neserrpareꞌtyen. Ñeñthoꞌmarña amaꞌt alloꞌtsen masheñ Tito ñeñth ama judioneshayayepaꞌ amaꞌt eꞌñe poesheñarrothetapaꞌ amaña eseshayeꞌ notaye netsorrachepaꞌtoꞌ masheñ Tito tharroꞌmar ñapaꞌ ama judioneshayaye.

Gálatas 2:9

Ñeñthoꞌmarña ñeñth amhchaꞌtarethetyetsa ateth ñerraꞌm masheñ Jacobo ñamha masheñ Pedro ñamha masheñ Juanpaꞌ ñetpaꞌ eꞌñe eñochet poꞌñoxh napaꞌ Yompor oꞌ yenpoerren. Ñeñthoꞌmar ñetpaꞌ eꞌñe kowen agapyet epan masheñ Bernabé. Pagapoeñothetaypaꞌ orratyet pot poꞌkowenroth atthoch yeñotannaꞌta eꞌñe atthekma yokthapeꞌchen Yomporekop. Allempoña ñetpaꞌ eꞌñe pokteꞌ entyet yeserrpareꞌtachepaꞌtoꞌ ñeñth ama judioneshayaye, ateth ñerraꞌm ñetpaꞌ oꞌch serrpareꞌtachet ñeñth judioneshaꞌ.

Colosenses 4:10

Ñamha masheñ Aristarcopaꞌxhoꞌña moeneñ oꞌch womhchaꞌtas añ necartoth. Ñapaꞌxhoꞌña eꞌñe parrokma ayottamphsarethey. Allothpaꞌ oꞌch womhchaꞌtas ñamha masheñ Marcos ñeñthara añ patherr necartoth. Ñapaꞌ Bernabé poepaꞌñer. Napaꞌ oꞌ notwas atethchaꞌ sepeꞌ masheñ Marcos. Ñerraꞌm esempoch xhap seshopaꞌ eꞌñech kowen sagaph.