Gálatas 1:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Ñeñthara Jesucristo ñeñth eꞌñe pokteꞌ enteꞌ oꞌch rroma yoꞌchñarekop atthochña yapaꞌ kowenoꞌtseneychaꞌ amaꞌt añ patsropaꞌ sosyaꞌtsañoꞌtsenya, tharroꞌmar ñeñthpaꞌ ateth pokteꞌ eñch Pompor ñeñthara Yompor ñeñth nanak Parets.

Gálatas 1:4 Iomraidhean Croise

San Mateo 13:22

Ñamha poerets ñeñth xhapyesets ajmoꞌmar, ñeñthpaꞌ añ netmaꞌntatena poꞌpotantañ acheñeneshaꞌ ñeñth eꞌmhñotenayeñ Yompor poꞌñoñ. Amaꞌtchaꞌ xhapanetañ poeyoxhreto, tharraña ñetpaꞌ alloꞌnach senet eꞌñech aña atarr kothapeꞌchenet ñeñth llekaꞌyenet arr patsro ñeñth eꞌñe ñokpoeta. Añach moenenet oꞌch esokmañen es echyenet, tharraña ñeñthpaꞌ xhakaꞌye shekënanet. Atthoña ñetpaꞌ amach errothenoth orrtatyesñañetoña ñeñth eꞌñe kowen enten Yompor. Ñetpaꞌ eꞌñe attheta ñerraꞌm narmets ñeñth xha aꞌkllaten ajmaꞌ ñeñthoꞌmarña amach errothenoth meꞌteneto oꞌch ellomhreꞌtyeset.

San Mateo 20:28

Ateth ñerraꞌm na Ñeñthen Acheñetosets, napaꞌ ama añekpayeꞌ newapo añe patsro allochñapaꞌ sapaꞌ oꞌch attha atarr sesherbhapoen na ateth ñerraꞌmrratheꞌ napaꞌ atarr amhchaꞌtareth sentenen. Napaꞌ añekopña newapa allochñapaꞌ nachña sesherbhoseꞌña sa, ñeñthoꞌmarña napaꞌ naña pomostsa nañeña oꞌch nerromos sokop atthochña netsaꞌtwerrnasa soꞌchñar ñeñthes shontes paꞌnamen acheñres. Atthochña sapaꞌ amach sañeña rromatso soꞌchñarekop.

San Mateo 26:28

Añpaꞌ nerraskaꞌye sepeñ ñeñthchaꞌ ashatarethtatsa shonteꞌ acheñeneshakop alloch aphreꞌtnarethterret poꞌchñaret. Añ nerraspaꞌ alloch eꞌñe etserra aꞌpoktaterra acheñeneshaꞌ Apoesho.

San Mateo 26:42

Jesúsñapaꞌ alla awerrerr poepocheño oꞌch maꞌyocherrerr, ñeñthara ateth otwerrerr: —Ñerraꞌm Apachaꞌ aña pemnaten oꞌch xhapona ñeñthchaꞌ atarr naꞌmoeroxhtateꞌ, ñerraꞌm ama errothenoth phaꞌwañatamperrno, ñeñthpaꞌ eꞌñe pokteꞌ. Añepaꞌchña ateth pephaton ñeñth pemnen pha.

San Mateo 6:9

Sañapaꞌ atethchaꞌña kowen semaꞌyochaña sa: Yompore Partso ñeñtheph peꞌntañoꞌtsen, yentapepaꞌch pha atarr Partsoph.

San Marcos 10:45

Ateth ñerraꞌm na Ñeñthen Acheñetosets, napaꞌ ama añekpayeꞌ newapo añe patsro allochñapaꞌ sapaꞌ oꞌch attha atarr sesherbhapoen na ateth ñerraꞌmrratheꞌ napaꞌ atarr amhchaꞌtareth sentenen. Napaꞌ añekopña newapa allochñapaꞌ nachña sesherbhoseꞌña sa, ñeñthoꞌmarña napaꞌ naña pomostsa nañeña oꞌch nerromos sokop atthochña netsaꞌtwerrnasa soꞌchñar ñeñthes shontes paꞌnamen acheñres. Atthochña sapaꞌ amach sañeña rromatso soꞌchñarekop.

San Lucas 22:19

Allempoñapaꞌ cheterranerr ñamha pan, parasyosoꞌterranerr pompor. Chetan panpaꞌ shotaꞌch. Shotatwepaꞌ apaꞌyesan poeyochreshaꞌ ñeñthpaꞌ ateth otanet: —Añpaꞌ ñeñthchaꞌ nechets sepen ñeñthchaꞌ eꞌñe nepom atthoch eꞌñe nerroma sokop. Ñerraꞌm esempoch serren añ pan eꞌñech seyerpoeñothen na oꞌch serreñ.

San Lucas 22:42

Poemaꞌyocheñoth ateth otwen: —Apa, ñerraꞌm phach pokteꞌ enteꞌ arepaꞌchña pemnatatsche oꞌch xhapona ñeñth atarr amoeroxhtatañ nenten. Tharraña ñerraꞌm phach moenats añchaꞌña ateth pephaton ñeñth pemnen pha, amachña añeyaye ñeñth nemnen na.

San Juan 10:11

Napaꞌ na ñeñthen kowen kowampeneꞌ carnero. Ñeñth eꞌñe kowen kowampeneꞌ carnero ñapaꞌ eꞌñe ñañeña aꞌrroyerrtsa oꞌch rroma poꞌcarnerorekop.

San Juan 12:31

Theꞌpaꞌ oꞌ anarethta allowen acheñeneshaꞌ arr patsro ñeñth ama nameꞌñenaye ñetpaꞌ amñarethterretchaꞌ koñcheñtso. Ñamha oneñeth ñeñth paꞌmhchaꞌtarether pen acheñeneshaꞌ arr patsro, theꞌ ñokoppaꞌ oꞌ anarethta awaporeꞌtarethterrach esempowañen.

San Juan 5:30

‘Amatheꞌ errothenoth es nephaꞌyesoña eꞌñe notha. Ateth eñotatenen Nomporpaꞌ atthochña nemñe patantaꞌtets acheñeneshaꞌ koñcheñtso, poꞌpotantaññapaꞌ amach. Ñamha errothenchaꞌ nentyeswerranetpaꞌ ñeñthpaꞌ eꞌñe pokteꞌ tharroꞌmar ama eꞌñe na nemnenñotheyeꞌ es nephaꞌyeno. Nomporña poemnenñoth es nephaꞌyen tharroꞌmar ña nellsenseneꞌ.

San Juan 6:38

Tharroꞌmar napaꞌ ama añekpayeꞌ nowapoña entoth atthoch oꞌch aña ateth nephos ñeñth nemnen na. Napaꞌ añekopña nowapa oꞌch ateth neperr ñeñth ateth moenen Nompor ñeñth nellsenserreꞌ.

Romanos 1:7

Theꞌpaꞌ eꞌñe newomhchaꞌteñothes sa, napaꞌ oꞌch notas: Yomporepaꞌchña sebensareꞌtampeneꞌ ñeñth nanak Parets epoet Poechemer Jesucristo ñeñth Yepartseshar yepen. Ñetepaꞌchña sokshateneꞌ eꞌñe sa seyoxhro allowenes.

Romanos 12:2

Allochñapaꞌ amach alloꞌna ateth es yephatseꞌtyesneno ñeñth ateth yeyxhen ya añe patsro, ellochña yokthapeꞌcherr etserra atthoch etserrataterrnay Yompor yokthaphña. Atthochña eꞌñe kowen señoch erraꞌtsentheꞌña moenen Yompor ñeñth eꞌñe kowen enten ña, ñamha ñeñthchaꞌña koshateneꞌ eꞌñe poktakma.

Romanos 8:27

Tharraña Yomporpaꞌ kowennay alloweney ñeñth ateth yokthapeꞌchen yeyoxhro, ñeñthoꞌmarña ñapaꞌ eñoteñ ñeñth ateth enamoennay Poekamkëñ, tharroꞌmar Poekamkëñpaꞌ añach enamoennay ñeñth eꞌñe pokteꞌ enten Yompor yokop ñeñthey oꞌ poeyochreshaꞌ perrey Parets.

Romanos 8:3

Ñewa, añ ñoñets ñeñth ateth anareth ñeñthchaꞌ yetsotateneñpaꞌ amach errothenoth aꞌkeshphaterrye, tharroꞌmar ya arromñathey yoꞌchñarpaꞌ ama moenatenye oꞌch ateth yephowa ora ñeñth ateth oteney añ ñoñets. Tharroꞌmar añ ñoñetspaꞌ ama eñalle atthoch womenk phonay yeyoxher eshekchaꞌ yetsotwe ora allpon ñeñth ateth oteney ñeñthchaꞌ ateth yephoweneñ. Tharraña attho Yomporpaꞌ awoꞌt aꞌpoktatwonay yoꞌchñar ñeñthpaꞌ ateth pha. Ñapaꞌ awoꞌt moeñonay eꞌñe ña Poechemer ñeñthchaꞌ eñalletostsa arr patsro eꞌñe ateth ñerraꞌm ya ñeñthey arromñathey, ñeñthey ochñathey. Allochñapaꞌ ñach rromosets yoꞌchñarekop; allochñapaꞌ atthoch tsaꞌtwonaya yoꞌchñar. Atthochña aꞌwañamperrey attho yoꞌchñara ñeñtha womenk yepeneꞌ yeyoxhro.

Romanos 8:32

Eꞌñe poemorrenteñothey ya amaꞌt eꞌñe ña Poechemerpaꞌ ama mopaꞌtampesye, elloña aꞌrroyonay Poechemer ñach rromosets yokop allowenakpay. Attho atarr morrentenya atthoña yapaꞌ yeñoteñ elloña atthekma esokmañenchaꞌ apaꞌyeney eꞌñe allempotheñ apoerrey ñamha Poechemer Cristo.

1 Corintios 15:3

Ñamha ñeñth neserrpareꞌtatas amaꞌt awathotheñpaꞌ ñeñthara kothaphñats ñeñth ateth eñotatennet namha, ñeñth nanak sherbets, ñamha ñeñthara ñoñets ñeñth ateth anwareth Yompor poꞌñoño amaꞌt awathotheñ. Ñeñthpaꞌ ateth oꞌ neserrpareꞌtatwas: Cristopaꞌ rroma yoꞌchñarekop,

2 Corintios 4:4

Ñeñthara acheñeneshaꞌ ñeñth ama ameꞌñetso, ñetpaꞌ añña poꞌyomporer penet arr patsro ñeñth oneñeth, ñeñthña ama moenatenaneto oꞌch xhapanet poeyoxhreto Yompor poꞌñoñ; allochñapaꞌ atthothchaꞌ amach eshkayeꞌ kowen enteññañeto Cristo poꞌkowenña. Ñapaꞌ atthekma kowentena ñerraꞌmrratheꞌ Pompor Parets ñeñth ama entpawoyaye. Ñeñth poꞌkowenñapaꞌ ñeñthara yoten kowen ñoñets alloch yekeshperra. Ñatoꞌ oꞌch netmaꞌntacha attho oneñethpaꞌ aꞌnataklleꞌchenanet atthochña amach eshkayeꞌ kowen enteññañeto Cristo poꞌpoetarenña.

Gálatas 2:20

Ñeñthoꞌmarña yapaꞌ oꞌ yekexhpaꞌwerr ateth moenatseꞌtatyesyeꞌth yechets. Ñeñthoꞌmarña oꞌ eꞌñe ateth yeperra ñerraꞌmrratheꞌ oꞌ korsoꞌtamperryet epay Cristo. Theꞌpaꞌ amaꞌt ora yokrrenañpaꞌ tharraña ama yayeꞌ korretso, añña Cristo ñeñth yechorrenayapaꞌ ñeñthña korretsa theꞌ yechtso. Theꞌpaꞌ eꞌñe yeyemteñoth Yompor Poechemerpaꞌ yokrrena eꞌñe kowen arr patsro, tharroꞌmar ña yemorrenterraya, ñamha ña rromats yokop.

Gálatas 6:14

Tharraña napaꞌ amaꞌt awathapaꞌ ama nemno oꞌch ateth nommoꞌchena. Napaꞌ aña nemnen xhokmach naꞌyeꞌchoxhtatoñ Yepartseshar Jesucristo ñeñth rromats korsocho yokop. Ñeñthña nameꞌñeñoth oꞌ newnerr ñeñth ateth nemnatseꞌtyeseꞌth awañmoꞌcha ñeñth patsoꞌmarekpa. Theꞌpaꞌ oꞌwañ nommoꞌcha ñeñth patsoꞌmarekpa. Napaꞌ ateth nentena ñerraꞌm akorsoꞌtamphsarethen.

Efesios 1:11

Yomporpaꞌ atarr koxhneshaꞌ oꞌpatatenana Poechemer Cristo. Yaꞌnaña eꞌñe oꞌpatatena attho eꞌñe yeparrokmateñoth Cristo. Ñewa, ñeñthpaꞌ ateth kothapeꞌcheꞌth Yompor awath yokop. Ñeñthoꞌmarña theꞌpaꞌ atethña oꞌ perrnay ñeñth ateth kothapeꞌcheꞌth ña ñeñth eꞌñe pokteꞌ enteꞌth eꞌñe ña pomnenñoth. Tharroꞌmar Yomporpaꞌ ama poenesho poꞌñoñ, xhokmach eꞌñe etsotwerra ñeñth allpon ateth onañchen ña.

Efesios 2:2

Aña seyxheꞌth ñeñth ateth phatseꞌtyena acheñeneshaꞌ arr patsro ñeñth ama ameꞌñetso. Allempo sapaꞌ aña sameꞌñatayeꞌth oneñeth ñeñth paꞌmhchaꞌtarether pen allowen ñeñth errakmañen amhchaꞌnoxhetyetsa entoth ñeñth ama entpawoyaye. Ñeñthña oneñeth pokthaphñapaꞌ ñeñth atarr koshateneꞌ allowen acheñeneshaꞌ ñeñth athparñathtetsa theꞌ arr patsro.

Efesios 5:16

Theꞌpaꞌ arosña attha es poexhatstatsa xhochña yethorra Yomporekop tharroꞌmar theꞌ acheñeneshaꞌ atarr sosey yexhkatyenet arr patsro.

Efesios 5:2

Elloña Cristopaꞌ atarr morrentenya. Ñeñthoꞌmarña eꞌñe pokteꞌ eñch atthoña poma ñañeña attho rroma yokop ateth peteꞌth awath allempo moetseteꞌth carnero Yomporekop. Ñeñthña eꞌñe kowen enteꞌth Yompor eꞌñe ateth ñerraꞌmrratheꞌ ñeñth allo atarr eñmosathtamphsacheteꞌth awath ña. Attho atarr morrentya Cristo, yokoppaꞌxhoꞌña añ poktetsa eꞌñech kowen yemorrentannaꞌtwena.

Efesios 6:12

Tharroꞌmar poꞌñoxhpaꞌ ama acheñeyeꞌ yekhllareno ñeñth entpoꞌ poꞌchets. Yapaꞌ añña yekhllaren oneñethexhno ñeñth ama erroth aphapawo eꞌñe ya yototh tharroꞌmar ñeñthpaꞌ ama entpawoyaye poꞌchets errothentheꞌña. Tharraña ñeñthpaꞌ atarr amhchaꞌnoxhetyena ñamha atarr awamenkathexhno. Atthoña pomnaren penan allowen acheñeneshaꞌ arr patsro ñeñth phatseꞌtyeneꞌ ñeñth ama kowenayaye ñeñth chekmetoꞌtsena. Ñeñthara oneñethexhno ñeñth ama kowenayeꞌ yexhkatetso ñeñth errakmañen amhchaꞌnoxhetyetsa entoth.

Filipenses 4:20

Ayeꞌchoxhtatarethtepaꞌch Yompor ñeñth atarr Parets. Ñeñthpaꞌ atthetepaꞌch amaꞌt thayotheñ errponowañen.

1 Tesalonicenses 1:3

Tharroꞌmar allempo yemaꞌyocheña Yompor xhokma yeyerpoensa attho sapaꞌ eꞌñe seyemteñoth Yompor atarr sethorraꞌyena ñokop ñamha eꞌñe semorrentannaꞌteñothpaꞌ atarr seyenpannena. Ñamha eꞌñe seyemteñoth Yepartseshar Jesucristo sapaꞌ oꞌ womenk sephaꞌnom seyoxher eꞌñe ñokop.

1 Tesalonicenses 3:11

Yompor Parets ñamha Yepartseshar Jesús ñetepaꞌchña yexhapaterreꞌña sesho.

1 Tesalonicenses 3:13

Eꞌñe semorrentannaꞌteñoth seyoxherñapaꞌ eꞌñech womenk pennas Yepartseshar Cristo. Ñerraꞌm atethchaꞌ sepha allempopaꞌ amach errothenoth otteñeꞌchwerrsoña Yompor tharroꞌmar sapaꞌ eꞌñech kowen es sorrtatyen Partsokop eꞌñe thayotheñ. Atthepaꞌchña entwerresña Yompor Parets ñerraꞌm allempoch werra Yepartseshar Jesús. Esempo poꞌñoxhpaꞌ werrach epoet allowen ñeñth poeyochreshaxhno pen ñeñth eꞌñe pokteꞌ enten Parets.

2 Tesalonicenses 2:16

Theꞌñapaꞌ oꞌch notas: Yepartseshar Jesucristo ñamha Yompor Parets ñetepaꞌchña eꞌñe kowen sokshaterreꞌña sa seyoxhro, ñetepaꞌchña awamenkath sephaꞌyeseꞌ allochñapaꞌ atthochña sapaꞌ xhokmach señosyen ñeñth eꞌñe kowen ñoñets ñamha eꞌñechña kowenareꞌ es sorrtatyen. Tharroꞌmar Yomporpaꞌ ñeñthña atarr yemorrentenaya, ñapaꞌ ña ñeñth xhokma yokshateneꞌ yeyoxhro. Ñeñthña kosheñetspaꞌ amach awañañathterro amaꞌt errponaña. Ña eꞌñe poemoereñothpaꞌ xhokma eñotateney eꞌñe kowen ñeñth atarr yeyemtena.

1 Timoteo 2:6

Ñamha ñeñthara ñeñth aꞌrroyatsa eꞌñe ñañeña atthoch poerromoeñoth ñapaꞌ oꞌch tsaꞌtwonaya yoꞌchñar eꞌñe alloweney ñeñthey acheñey. Ñeñthpaꞌ, ateth orrtatonay Pompor allochñapaꞌ atthoch yeñoch ñeñth ateth kothapeꞌchen ña. Allempoña xhap allempo eꞌñe pokteꞌ enteñ Pompor oꞌch xhap añ patsropaꞌ allempoña eꞌñe eñotatey ñeñthepaꞌt ateth kothapeꞌchen Pompor.

Tito 2:14

Tharroꞌmar ñapaꞌ ña pokteꞌ enteꞌ oꞌch rroma yokop atthoch oꞌwañchaꞌ alloꞌna yephatseꞌtnena sosyaꞌtsañ. Ñamha ñapaꞌ atthoña eꞌshowerrnay allowen ñeñth ama pokteyaye. Allochñapaꞌ atthoch poeyochreshaꞌ perrey, ñamha atthoch yapaꞌ yemaꞌyoxhrena ñeñth kowentetsa.

Hebreos 2:5

Theꞌpaꞌ oꞌch noterrserr poꞌpoñoneth añ patser ñeñthchaꞌ werrtsa tsapathoneth. Ñeñthpaꞌ ama mellañotheñneshayeꞌ noña Yompor ñeñthchaꞌ pomnaren perreꞌ. Ñapaꞌ aña naꞌ acheñ ñeñthpaꞌ arromñatheneshaꞌ.

Hebreos 9:14

Tharraña ñeñthpaꞌ eꞌñe poꞌchtsochaya aꞌpoktatarethtenet Partsokop. Tharraña allempo ashatarethta Cristo poꞌrras, ñeñthpaꞌ elloneth añekopña nanak sherbhos atthoch aꞌpoktaterrnay amaꞌt ñeñth ateth yokthapeꞌchyen yeyoxhro. Ñeñthoꞌmarña allempotheñpaꞌ amach alla yeyemterrerro ñeñth ateth yeyexhkatyen arr patsro ñeñth ama aꞌkeshphatañeyaye. Añchaꞌña eꞌñe kowen yesherben Yompor ñeñth ama arromñatheshayaye. Cristopaꞌ ñeñthoꞌmarña ello atarr sherbeney attho pomoerra ñañeña oꞌch rroma yokop amaꞌt ñapaꞌ ama eñalle poꞌchñar amaꞌt eꞌñe mamesha. Ñeñthpaꞌ eꞌñe Yompor Poekamkëñoth ateth phosa; ñeñthña Kamoekñetserpaꞌ ama awañaño.

Santiago 4:4

Ñewa, awañapaꞌ soten awoꞌch sameꞌñera Cristo, tharraña theꞌñapaꞌ aña sokshatseꞌtyena poꞌpoñ. Amaꞌt señoteñe ñeñth koshatseꞌtyenaya ñeñth patsoꞌmarekpapaꞌ ñeñthña eꞌmoñeꞌteneꞌ ñeñth kowentetsa Yomporekop. Ñeñthoꞌmarña ñerraꞌm yapaꞌxhoꞌ oꞌch alla yokshatseꞌterra ñeñth patsoꞌmarekpapaꞌ oꞌchxhoꞌ alla yeꞌmoñeꞌter yamha Yompor.

1 San Pedro 2:24

Ñapaꞌ ña yekoñchaterr eꞌñe ya yoꞌchñaroth allempo moeroxhta all korsocho. Allempoña rroma eꞌñe ña poꞌchtsothpaꞌ oꞌ awanmamperrey yoꞌchñar. Theꞌña yokoppaꞌ añ poktetsa oꞌch yaꞌypoꞌñaꞌwerr ora yoꞌchñar oꞌch yeperra ñeñth ateth poktetsa Partsokop. Attho atarr atserrpharethterra awath ñeñthpaꞌ atthoña aꞌkeshphaterrey ya.

1 San Pedro 3:18

Amaꞌt Cristopaꞌxhoꞌña awathpaꞌ atarr moeroxhtacheteꞌth. Ñapaꞌ ña rromats eꞌñe parrocha allowenakpay atthothña tsaꞌtwerrnaya yoꞌchñar. Cristo amaꞌt ña ñeñth eꞌñe pokteꞌ es petspaꞌ atthoña rroma yokop ñeñthey ama pokteyeꞌ es petso. Tharroꞌmar rroma yokop atthothchaꞌ yeparrokmaterr epay Yompor. Ña amaꞌt rroma poꞌchtsothpaꞌ poekamkëññapaꞌ ama rromo.

1 San Juan 2:2

Ñapaꞌ ña apareth atthoch tsaꞌtwerrnaya yoꞌchñar. Ñeñthpaꞌ ama eꞌñe yapthekpayaye, añekpaꞌnaña alloweney ñeñthey añe patsroꞌtsaꞌyeney.

1 San Juan 3:16

Arrpaꞌ atthoña eꞌñe yeñoteñña ñeñth ateth penaña eꞌñe poꞌñoxh morrenteñets, atthoña Jesucristopaꞌ aꞌrroya ñañeña atthoch rroma yokop. Yapaꞌxhoꞌña eꞌñepaꞌchña pokteꞌ yeñch oꞌch yaꞌrroya yañeña atthoch yerroma yamoꞌtseshakop.

El Apocalipsis 5:9

Añña ñeñth konkorpaꞌrrtetsapaꞌ ñetñapaꞌ morrechenet ñeñth etserra morreñets ñeñthpaꞌ ateth axhoteñet Cristo ñeñth atmaꞌntatareth Carnero: Phapaꞌ eꞌñe kowenareꞌ es pephaꞌyen ñeñthoꞌmar eꞌñe pokteꞌ phach cheteꞌ Yompor poꞌlibro, eꞌñe pokteꞌ phach toreꞌ allo echarr apharethtena tharroꞌmar phapaꞌ pha amtsarethtatsa, perrasoña phapaꞌ allo petsaꞌtwonaya yoꞌchñar allochñapaꞌ atthoch eꞌñe poechemer perrey Yompor amaꞌt alloweney ñeñthey paꞌnamen acheñey, amaꞌt erraꞌtsena mereñtsorey alloth yewena, amaꞌt ñamha erraꞌtsena ñoñtsor allo yeñosyen eꞌñe poꞌpoñeꞌttsokma, amaꞌt ñamha paꞌnamenanaꞌtarey allowen errowanen ñeñth eꞌñe yaꞌnetser yephaꞌyen.

El Apocalipsis 7:9

Allempoña napaꞌ oꞌ alla nenterrerr shonteꞌ acheñeneshaꞌ, nanak cheꞌmoechenet ama eꞌñotwenteno ñeñth allpon alloꞌtsen. Shonteꞌ paꞌnamen acheñeneshaꞌ. Ñeñthpaꞌ paꞌnamen anetsoth waxhaꞌtyenet, shonteꞌ paꞌnamen mereñtsoret ñeñth waxhetsa all, shonteꞌ paꞌnamen ñoñets eꞌñe poꞌpoñeꞌttsokma eñosyenet. Ñetñapaꞌ all thomxhenet eꞌñe ñewapoth alloꞌtsen Yompor poꞌkonañ alloꞌtsen ñamha Cristo ñeñth tomaꞌntenaya Carnero. Ñetpaꞌ eꞌñe wallamaꞌtharerochet paꞌshtam. Potothetñapaꞌ añ orraꞌyenet ateth ñerraꞌm shekëpan.