Gálatas 1:18 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁸ Oꞌña met maꞌpa char allempañapaꞌ awen Jerusaléño oꞌch nenteñaꞌ masheñ Pedro. Allñapaꞌ alla naꞌpa ñesho xharramat poechena amnarmat.

Gálatas 1:18 Iomraidhean Croise

San Juan 1:42

Andrésñapaꞌ allentha anerran paꞌmoꞌnasheñ Simón Jesúsesho. Jesúsñapaꞌ kowapoeꞌpaꞌ ateth otaph: —Phaꞌtña Simón, ñeñtheph poechemer pen Jonás. Theꞌpaꞌ nesocherrephchaꞌ Cefas (ñeñthara soꞌchñets ñeñth otenet griegaxho Pedro).

Gálatas 2:11

Tharraña allempo xhap ñamha masheñ Pedro Antioquíopaꞌ napaꞌ xha moeneꞌ necheꞌptareꞌch allempo yeserrpareꞌten parro, tharroꞌmar allempo ñapaꞌ añ pha ñeñth ama pokteyaye. Ñeñthpaꞌ ateth pha,

Gálatas 2:14

Tharraña allempo nentanet ama eꞌñe paxharroyeꞌ peneto ñeñth kowen ñoñets ñeñth poꞌñoxh Yompor poꞌñoñ allempoña napaꞌ ateth noch masheñ Pedro eꞌñe alloꞌtsaꞌyen allowen acheñeneshaꞌ, ñeñthpaꞌ ateth noch: “Phapaꞌ amaꞌt judioneshapeñpaꞌ tharraña oꞌ pephowa ñeñth ateth pena ñeñth ama judioneshayaye, theꞌñapaꞌ esoꞌmareꞌtña phañapaꞌ pemneñ oꞌch penoñña ñeñth ama judioneshayaye añ ñoñets ñeñth ateth anareth judioneshakop ñeñth amaꞌt phapaꞌ ama attheyeꞌ pepeno ateth anareth añ ñoñets.”

Gálatas 2:7

Añña ñetpaꞌ eꞌñe pokteꞌ entnet, tharroꞌmar oꞌ eñochet napaꞌ poꞌñoxh allsensarethen oꞌch neserrpareꞌtach acheñeneshaꞌ kowen ñoñets, amaꞌt ñeñth ama judioneshayaye. Atthekma ñamha masheñ Pedro allsensareth oꞌch serrpareꞌtan kowen ñoñets judioneshakop, napaꞌxhoꞌña atthekma allsensarethen oꞌch neserrpareꞌt kowen ñoñets añekop ñeñth ama judioneshayaye.

Gálatas 2:9

Ñeñthoꞌmarña ñeñth amhchaꞌtarethetyetsa ateth ñerraꞌm masheñ Jacobo ñamha masheñ Pedro ñamha masheñ Juanpaꞌ ñetpaꞌ eꞌñe eñochet poꞌñoxh napaꞌ Yompor oꞌ yenpoerren. Ñeñthoꞌmar ñetpaꞌ eꞌñe kowen agapyet epan masheñ Bernabé. Pagapoeñothetaypaꞌ orratyet pot poꞌkowenroth atthoch yeñotannaꞌta eꞌñe atthekma yokthapeꞌchen Yomporekop. Allempoña ñetpaꞌ eꞌñe pokteꞌ entyet yeserrpareꞌtachepaꞌtoꞌ ñeñth ama judioneshayaye, ateth ñerraꞌm ñetpaꞌ oꞌch serrpareꞌtachet ñeñth judioneshaꞌ.