Filemón 1:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Ñewa, masheñe atarr nokshena attho phapaꞌ atarr pemorrenteña allowen ñeñth poeyochreshaꞌ pen Parets. Attho atarr pemoerenanetpaꞌ ñeñthoꞌmarña naꞌnaña atarr phokshaten neyoxhrowen.

Filemón 1:7 Iomraidhean Croise

1 Corintios 16:18

Ñetpaꞌ atarr koshatosnet neyoxhrokmañen. Ñatoꞌ sapaꞌxhoꞌña oꞌtheꞌ koshataset. Kowenepaꞌch señch acheñ ñeñth ateth petsa.

2 Corintios 7:13

Ñeñthoꞌmarña atthoña oꞌ alla atarr sokshaterrey. Elloña napaꞌ añ atarr nokshaterreꞌ attho nenter masheñ Tito attho ña awoꞌt alla atarr sokshater, eꞌñe poeyoxhrokmañen oꞌ atarr kosherra.

2 Corintios 7:4

Napaꞌ neñotenes sapaꞌ xhokmach sephaꞌyen ñeñth kowentetsa Yomporekop. Ñeñthoꞌmarña napaꞌ atarr nokshapretensa. Amaꞌt nellkënañ nemoeroxhteñothpaꞌ elloña oꞌ alla nanak sokshaterren.

1 Tesalonicenses 1:3

Tharroꞌmar allempo yemaꞌyocheña Yompor xhokma yeyerpoensa attho sapaꞌ eꞌñe seyemteñoth Yompor atarr sethorraꞌyena ñokop ñamha eꞌñe semorrentannaꞌteñothpaꞌ atarr seyenpannena. Ñamha eꞌñe seyemteñoth Yepartseshar Jesucristo sapaꞌ oꞌ womenk sephaꞌnom seyoxher eꞌñe ñokop.

1 Tesalonicenses 2:13

Ñeñthoꞌmarña añekop xhokma yeparasyosoꞌteñ Yompor ñamha attho sapaꞌ allempo yeꞌmhñotaterres Yompor poꞌñoñ sañapaꞌ eꞌñe kowen sagërrñañ poꞌñoñ. Amaꞌt ya seserrpareꞌtatosayeñ ama acheña poꞌñoñ senteñe, ñeñthpaꞌ Yomporoña poꞌñoñ sentña allempo. Ñewa, ñeñthpaꞌ eꞌñe poꞌñoxh Yompor poꞌñoñ. Theꞌña sa ñeñthes oꞌ sameꞌñerra, Yomporña poꞌñoñ oꞌ kothapeꞌchaterres eꞌñe kowen seyoxhro oꞌ eꞌñe wenaterres ñeñth ateth xhokma sephatseꞌtyeseꞌth awath; theꞌña sapaꞌ añ sorrtatyen ñeñth eꞌñe kowen enten Yompor.

1 Tesalonicenses 2:19

Tharroꞌmar sapaꞌ saña ñeñthes atarr yokshateneꞌ. Amaꞌt allempoch werra Yepartseshar Jesucristo sapaꞌ saña ñeñtheschaꞌ atarr yeyemterra, ñeñtheschaꞌ atarr yokshaterreꞌ allempo, tharroꞌmar sapaꞌ ñeñtheschaꞌ yapataterreꞌ ñeñthchaꞌ atarr yokshateneꞌña ya allempo.

1 Tesalonicenses 3:9

Ñeñthoꞌmarña atarr nanak yeparasyosoꞌteñ Yompor sokop. Eꞌñe yeyoxhropaꞌ xhokma yokshensa Yomporesho ñeñthoꞌmarña xhokma yeparasyosoꞌteñ Yompor sokop.

2 Timoteo 1:16

Theꞌpaꞌ aña xhokma nokshateneꞌ Onesíforo tharroꞌmar ñapaꞌ ama penkënno amaꞌt napaꞌ cárceloꞌtsenen. Ñeñthoꞌmarña Yomporpaꞌ aꞌnatanepaꞌ Onesíforo pamoꞌtseshaꞌ.

Filemón 1:20

Poꞌñoxh, masheñe, napaꞌ añ eꞌñe nemnen theꞌpaꞌ oꞌch alla phokshaterren namha eꞌñe phameꞌñeñoth Yepartseshar Jesucristo. Allochñapaꞌ napaꞌxhoꞌña atthoch eꞌñe kowen noksherra neyoxhro eꞌñe nameꞌñeñoth namha Cristo.

2 San Juan 1:4

Theꞌpaꞌ oꞌch notaph, pha ñeñtheph eꞌñe noxheshaꞌ nepeneph na attho nentennaph poesheñaꞌtets ñeñth pechoyoreshaꞌ pepen, ñetpaꞌ xhokma eꞌñe kowen kothapeꞌcheññañet Yompor Parets poꞌñoñ ñeñth eꞌñe poꞌñoxh ateth oteney, napaꞌ ñeñthña atarr nokshateneꞌ.