Filemón 1:24 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁴ Womhchaꞌteneph ñamha masheñ Marcos ñamha masheñ Aristarco ñamha masheñ Demas ñamha masheñ Lucas. Ñetpaꞌ xhokma thorrapretennet Jesucristokop.

Filemón 1:24 Iomraidhean Croise

Los Hechos 12:12

Oꞌ xhapoña poeyoxhro thematenñapaꞌ oꞌ xhap alloꞌtsen María paꞌpakëll. Añña Maríapaꞌ ñeñth pachor Juan Marcos. Xhap all paꞌpakllopaꞌ allñapaꞌ alloꞌtsaꞌyen shonteꞌ acheñ all maꞌyochenet oꞌpono.

Los Hechos 12:25

Añña Bernabé epoet Saulopaꞌ oꞌ aswenetaꞌ Jerusaléño, pomwenetaꞌ kelle. Pomwenetaꞌ kellepaꞌ oꞌ poerraxherret Jerusaléñoth. Añña Juan Marcospaꞌ oꞌ kotherranet.

Los Hechos 13:13

Allempoña Pablo ñamha ñeñth kotheneꞌpaꞌ oꞌ awamphset boto oꞌ xhapoet Pergo ñeñth allara Panfilio. Xhapoet Pergopaꞌ Juanña Marcospaꞌ oꞌ saꞌnerranet. Oꞌ alla awerr Jerusaléño.

Los Hechos 19:29

Shonteꞌ acheñ nanak amaꞌtoxhtenet allowenet. Oꞌ rromoet Gayo ñamha Aristarco ñeñth macedonioꞌmarneshaꞌ ñeñth parro chopeñeꞌchen Pablo. Oꞌ matrraꞌtet alloꞌtsen pokoll atarrpoꞌ allekma apxhena acheñeneshaꞌ.

Los Hechos 27:2

Allempopaꞌ alloꞌtsen ñamha Aristarco ñeñth macedonioꞌmarneshaꞌ ñeñth wetsa Tesalónicoth. Ñeñthchaꞌ parro yokthaꞌnemh Pablo. Allempoñapaꞌ oꞌxhoꞌ yebeꞌthosxhaꞌt boto ñeñth wetsa anetsoth Adramitioth, ñeñthña botepaꞌ oꞌch etsotyesnoma allemeña sowaꞌpoetsoꞌmar ora Asioꞌmar. Allempoñapaꞌ oꞌxhoꞌ awamphsey boto.

2 Corintios 8:23

Ñamha ñerraꞌm eseshaꞌ saꞌphthoꞌteneꞌ oꞌch otaset, “¿amaꞌt seꞌmareꞌteñe masheñ Tito, erroꞌtsentheꞌ?” sañapaꞌ oꞌch soch “ñapaꞌ añ epoet thorrena masheñ Pablo tarwasats Yomporekop atthoña eꞌñe sherbeney yamha.” Amapaꞌ ñerraꞌm aꞌphthoꞌtaset ñamha añ poꞌpsheñeñ masheñekop, sañapaꞌ oꞌch señotatanet ñetpaꞌ arroth amñarethtenet all apxhena allowen masheñneshaxhno ñeñth ameꞌñetsa all Macedonio. Ñetpaꞌ eꞌñe kowen orrtatenet Cristo poꞌkowenña.

Filipenses 2:25

Ñamha oꞌch notas poꞌpoñ, eꞌñe pokteꞌ nenteñ theꞌpaꞌ oꞌch alla nemñer sesho masheñ Epafrodito ñeñth parro yetarwaseñothpaꞌ nanak yethorreꞌth Yomporekop. Ñeñthara masheñ Epafroditopaꞌ ñeñth semñon awaña ñach neyenpaꞌyesoseꞌ all es nepalltena ñeñthchaꞌ neyenposeꞌ arr.

Filipenses 4:3

Ñamha oꞌch notas, amaꞌt erraꞌtsenothesa ñeñthes poꞌñoxh nanak neyemtenapaꞌ oꞌch samoꞌtstatannaꞌterranet añ epsheña koyaneshaꞌ tharroꞌmar awañmoꞌchapaꞌ eꞌñe parrokma nanak yemaꞌyoxhreꞌth atthoch epaꞌwa añ kowen ñoñets alloch yekeshperra, ñamha epay Clemente ñamha poꞌpotantañ ñeñth parrokma nanak yethorreꞌth awañmoꞌcha. Ñet paꞌsoꞌchñexhnopaꞌ oꞌ akellkaꞌwarethterret atthochña ñetpaꞌ korretsetach.

Colosenses 4:10

Ñamha masheñ Aristarcopaꞌxhoꞌña moeneñ oꞌch womhchaꞌtas añ necartoth. Ñapaꞌxhoꞌña eꞌñe parrokma ayottamphsarethey. Allothpaꞌ oꞌch womhchaꞌtas ñamha masheñ Marcos ñeñthara añ patherr necartoth. Ñapaꞌ Bernabé poepaꞌñer. Napaꞌ oꞌ notwas atethchaꞌ sepeꞌ masheñ Marcos. Ñerraꞌm esempoch xhap seshopaꞌ eꞌñech kowen sagaph.

Colosenses 4:14

Ñamha masheñ Lucas ñeñth apartañtetsa, nanak yemoerannena, ñapaꞌxhoꞌña moeneñ oꞌch womhchaꞌtas añ necartoth. Masheñ Demaspaꞌxhoꞌña moeneñ oꞌch womhchaꞌtas ñamha.

1 San Pedro 5:13

Ñamha ñeñth ameꞌñetsa arr Babilonia moeneñet oꞌch womhchaꞌtaset ñamet añ necartoth. Ñetpaꞌxhoꞌña oꞌ akrerranet Yompor eꞌñe ateth ñerraꞌm sa. Ñamha neyocher Marcospaꞌxhoꞌña moeneñ oꞌch womhchaꞌtas ñamha necartoth.

3 San Juan 1:8

Ñeñthoꞌmarña yapaꞌ eꞌñe pokteꞌ oꞌch es yapapanet tharroꞌmar ñeñthpaꞌ atthoña yethorrapretenanetña Yompor poꞌñoñ.