Filemón 1:23 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²³ Arr necartoth all womhchaꞌteneph ñamha masheñ Epafras ñeñth parro yottampenyet eꞌñe yeserrpareꞌteñoth Cristo Jesús poꞌñoñ.

Filemón 1:23 Iomraidhean Croise

Romanos 16:7

Theꞌñapaꞌ oꞌch newomhchaꞌch ñamha namoꞌts ñeñthara masheñ Andrónico ñamha masheñ Junias, tharroꞌmar ñet awañmoꞌchapaꞌ ñeñth parro ewankarethey. Ñetpaꞌ amaꞌt allsensarethneshaꞌpaꞌ nanak asherben entarethtet, tharroꞌmar ñetpaꞌ awathotheñ ameꞌñeret Cristo. Amaꞌt allempo napaꞌ ama nameꞌñenaꞌ ñetñapaꞌ oꞌ ameꞌñaꞌwet ñanom.

Colosenses 1:7

Ñeñthara kowen ñoñets ñeñth ñanom yexhatas masheñ Epafras. Ñapaꞌ ñeñth eꞌñe parrokma yethorrena Yomporekop, atarr yemoerannena. Ñapaꞌ xhokma atarr kowen thorrena Cristokop ñeñthñapaꞌ eꞌñe sokop.

Colosenses 4:10

Ñamha masheñ Aristarcopaꞌxhoꞌña moeneñ oꞌch womhchaꞌtas añ necartoth. Ñapaꞌxhoꞌña eꞌñe parrokma ayottamphsarethey. Allothpaꞌ oꞌch womhchaꞌtas ñamha masheñ Marcos ñeñthara añ patherr necartoth. Ñapaꞌ Bernabé poepaꞌñer. Napaꞌ oꞌ notwas atethchaꞌ sepeꞌ masheñ Marcos. Ñerraꞌm esempoch xhap seshopaꞌ eꞌñech kowen sagaph.

Colosenses 4:12

Ñamha masheñ Epafras ñeñth parroꞌmarneshas, ñapaꞌxhoꞌña moeneñ oꞌch womhchaꞌtas ñamha. Ñapaꞌxhoꞌña nanak thorrena Cristokop. Eꞌñe poemaꞌyocheñoth womenkpaꞌ atarr thorrena sokop. Poemaꞌyocheñothpaꞌ xhokma enamatennas Yomporeshoth atthoch eꞌñe womenk sephaꞌnom seyoxher Yomporekop. Ñamha añ enamoennas atthoch eꞌñech poktakma xhaponasa seyoxhro ora allowen ñeñth ateth moenen Yompor.

Filemón 1:1

Oꞌch, masheñe Filemóna, nekellkonaph añ carta, na Pablon epan masheñ Timoteo. Napaꞌ oꞌ yottampennet eꞌñe neserrpareꞌteñoth Cristo Jesús poꞌñoñ. Theꞌpaꞌ oꞌch masheñe yewomhchaꞌtaph pha ñeñtheph atarr yemorrentena ñeñtheph atarr yethorrapretenaya Yomporekop.

Filemón 1:9

Tharraña neñoteneph phapaꞌ atarr amoerañaph ñeñthoꞌmarña theꞌpaꞌ oꞌch notaph eꞌñe pha pemoereñoth atethñakaꞌyeña pepha. Ñewa, na Pablon ñeñthen ateth photeneꞌ napaꞌ poꞌnmhotha oꞌ yottamperrnet eꞌñe neserrpareꞌteñotha Cristo Jesús poꞌñoñ.