Filemón 1:11 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹¹ Ña awathpaꞌ ama es asherben peñcheꞌthe allempo petarwasacheꞌth eꞌñe attha. Theꞌñapaꞌ nanakchaꞌ asherben penter eꞌñe ateth atarr asherben nenteñ namha.

Filemón 1:11 Iomraidhean Croise

San Mateo 25:30

Ñamha añ atarwasañer ñeñth ama nesherbenaye, theꞌñapaꞌ xhosaña waporeꞌteꞌ aꞌyoth chekmetoth. Allñapaꞌ allchaꞌ yawanrrortenet panmoeñothet atserrpaꞌ rrasoꞌtyesosetchaꞌ paꞌs.”

San Lucas 15:24

Tharroꞌmar añ nechemer amaꞌt oꞌ rromwañ, theꞌñapaꞌ oꞌ alla tanterra. Amaꞌt oꞌ chenkaꞌwañpaꞌ theꞌñapaꞌ oꞌ alla nenter.” Allempoñapaꞌ atarr nanak koshameꞌtamphsapoeñet.

San Lucas 15:32

Ñeñthoꞌmarña theꞌpaꞌ añ poktetsa oꞌch yokshameꞌtamphsapoeña pemoꞌnasheñ, oꞌch atarr nanak yokshena tharroꞌmar amaꞌt oꞌ rromwañ theꞌñapaꞌ oꞌ alla tanterra; amaꞌt oꞌ chenkaꞌwañ theꞌñapaꞌ oꞌ alla yenter.”

San Lucas 17:10

Sapaꞌxhoꞌña Yompor paꞌtarwasañer sepeneꞌ. Ñamha amaꞌt allempoch setsotwen ora allowen ñeñth ateth otenes Yompor attherepaꞌchña sentena ama atarr atonayeꞌ sesherbeno. Aña setsoten ñeñth eꞌñe poktetsa allowen añekop ñeñth paꞌtarwasañer pen Yompor.

Romanos 3:12

Amaꞌt alloweney awoꞌt yesaꞌnemh Yompor, amaꞌt mamesha oꞌwañ yesherbhaꞌ ñokop, amaꞌt alloweney. Amaꞌt poesheñarrotheya ama eñallyeña ñeñthey eꞌñe kowen es pets Yomporekop.

2 Timoteo 4:11

Theꞌ arrpaꞌ aña arroꞌtsen masheñ Lucas. Ñamha oꞌch phaꞌsech masheñ Marcos ñeñthchaꞌ epaph phon arr, tharroꞌmar ñatoꞌ ñapaꞌ oꞌch yenpaꞌn arr.

Filemón 1:10

Tharroꞌmar na photeneꞌ añekop ñeñth ateth nenteñ ñerraꞌmrratheꞌ nechemer. Ñewa, ñapaꞌ oꞌ nameꞌñacha arr all ayottamphsarethen ñeñthoꞌmarña theꞌpaꞌ eꞌñe nechemer nepeñ. Ñeñthpaꞌ añ paꞌsoꞌcheñ Onésimo ñeñth phaꞌtarwasañer pepeꞌth allempo ama yetampenphaꞌ.

Filemón 1:12

Theꞌpaꞌ oꞌ alla nemñer pesho, eꞌñepaꞌchña kowenakma alla phagër, eꞌñech ateth pephapoer ñerraꞌmrratheꞌ eꞌñe no nechemer phagën, tharroꞌmar ñapaꞌ eꞌñe neyoxhrokmañen atarr nemorrenteña.

1 San Pedro 2:10

Awathpaꞌ ama esonaꞌtareyayye, theꞌñapaꞌ Yomporenaꞌtarey. Awathpaꞌ ama amoeraretheyayye, theꞌñapaꞌ oꞌ yaꞌmoerarethterra.