Efesios 6:6 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶ Amachña eꞌñe poekwampeñothesa semaꞌyoreꞌteno tarwasats atthoch eꞌñe kowen sokshach sepatronar atthoch eꞌñe pokteꞌ entenes. Añchaꞌña amaꞌt acheñekpa setarwasenpaꞌ eꞌñechña ateth sesherbeñ kowen ñerraꞌmrratheꞌ Cristo sesherben. Eꞌñechña seyoxhrokmañen sepena kowen ñeñth ateth moenen Yompor.

Efesios 6:6 Iomraidhean Croise

San Mateo 12:50

Ñewa, amaꞌt erraꞌtsena ñeñthchaꞌ eꞌñe ateth phoweneꞌ ñeñth ateth moenen Nompor ñeñth poeꞌntañoꞌtsen ñeñthkaꞌyeña eꞌñe poꞌñoxh nemoꞌnasheñ nepen ñeñthña noxh nepen ñeñthña nachor nepen.

San Mateo 7:21

Jesúsñapaꞌ ateth oterraneterr: —Ñeñth notyenayeñ: “Phapaꞌ poꞌñoxh naꞌyochreshather nepeneph”, tharraña amach allowenakmayeꞌ xhapoeto all amhchaꞌtarethtena Nompor Parets ñeñth poeꞌntañoꞌtsen. Añach xhapyerrets all ñeñth eꞌñe poꞌñoxh ateth peneꞌ ñeñth ateth moenen Nompor ñeñth poeꞌntañoꞌtsen.

San Marcos 3:35

Ñewa, amaꞌt erraꞌtsena ñeñth eꞌñe ateth phoweneꞌ ñeñth ateth moenen Nompor ñeñth poeꞌntañoꞌtsen ñeñthkaꞌyeña eꞌñe poꞌñoxh nemoꞌnasheñ nepen ñeñthña noxh nepen ñeñthña nachor nepen.

Romanos 6:17

Ñamha sapaꞌ awathpaꞌ aña setarwasatayeꞌth soꞌchñar, tharraña theꞌñapaꞌ eꞌñe seyoxhrokmañen oꞌ sameꞌñera ora ñeñth ateth pena Yompor paꞌpotheñ ñeñthara ñeñth serrpareꞌtataseteꞌth. Ñeñthoꞌmarña theꞌpaꞌ napaꞌ atarr nokshena, atarr neparasyosoꞌteñ Yompor sokop.

1 Corintios 7:22

Ñatoꞌ oꞌch netmaꞌntacha ateth: Eñall poesheñarr yakma ñeñth atarwasatareth eꞌñe attha, tharraña oꞌ xhap allempo agapan Yepartseshar ñeñthchaꞌ Pamoꞌmteꞌ perr. Allempopaꞌ amaꞌt atthera tarwasateñeñ ñeñth poꞌpatronar pen arr patsopaꞌ tharraña theꞌña Cristopaꞌ aꞌrroyatamper poꞌchñar ñeñth nanak tarwasatayeꞌth awaña. Theꞌpaꞌ añchaꞌña tarwasaterreꞌ Cristo ñeñth Yepartseshar yepen. Ñamha eñall poesheñarr yakma ñeñthñapaꞌ kowenoꞌtsen ñeñth ama atarwasataretheyaye. Ñapaꞌxhoꞌña oꞌ xhap allempoch agërran Yepartseshar Cristo ñeñthchaꞌ Pamoꞌmteꞌ perr. Theꞌña Pamoꞌmteꞌ Cristopaꞌ ñachña tarwasaterreꞌ eꞌñe kowen ñeñth awañapaꞌ ama atarwasatarethe eꞌñe attha.

Gálatas 1:10

Theꞌ sapaꞌ señotenen napaꞌ ama añekpayeꞌ notenso atthoch kowen entenen acheñ, añña nemnen oꞌch kowen entenen Yompor. Ñamha ama acheñeneshayeꞌ nemneno oꞌch nokshach tharroꞌmar ñerraꞌm aña orameñ nemneñ oꞌch nokshach acheñpaꞌ ñeñthepñapaꞌ amatheꞌ errotheno noto napaꞌ poeyocher penen Cristo.

Efesios 5:17

Ñeñthoꞌmarña notenes amach attha es sepxhatsto ñeñth ateth pena ñeñth ama es eñotetso. Sapaꞌ añchaꞌña oꞌch señotoñ ñeñth ateth moenen Yepartseshar ñeñthchaꞌ ateth yepha ñeñth kowen enten ña.

Filipenses 2:12

Theꞌpaꞌ eꞌñe nemorrenteñothes masheñnesha ñamha noxhanesha oꞌch notenes, awañmoꞌchapaꞌ xhokma seꞌmhñotneꞌth ñeñth ateth notaseꞌth allempo seshoꞌtsenen. Theꞌpaꞌxhoꞌña atthekmach seꞌmhñoten ñeñthchaꞌ ateth noterrserr amaꞌt theꞌpaꞌ nanak bhaxhayoꞌtsenen seshoth. Theꞌpaꞌ añach notas ñeñthchaꞌ ateth sepha. Xhokmoepaꞌch semaꞌyoxhra atthoch alloꞌnach sesen etsotnomoeꞌ ñeñth kowen enten Yompor, tharroꞌmar ñapaꞌ ñeñthekopña oꞌ aꞌkeshphaterres. Tharraña eꞌñech semhchaꞌnaꞌteñoth seyomcha Yompor tharroꞌmar yeñoteñ yoroxhenoꞌtsenya ñerraꞌm ama Yompor poꞌwamenko yeyemto.

Colosenses 1:9

Ñeñthoꞌmarña allempo yeꞌmareꞌtas allempotheñ yapaꞌ ama yekexhpoeno semaꞌyochamphsaya Yompor. Yapaꞌ añ yenamoennas Yompor: Sapaꞌ xhokmoepaꞌchña eñotatenes ñeñth ateth moenen ña ñeñthchaꞌ ateth sephaꞌyes eꞌñe kowen ñokop. Ñamha xhaponasepaꞌch seyoxhro ora allowen ñeñth atarr kowentetsa yekamkëñekop.

Colosenses 4:12

Ñamha masheñ Epafras ñeñth parroꞌmarneshas, ñapaꞌxhoꞌña moeneñ oꞌch womhchaꞌtas ñamha. Ñapaꞌxhoꞌña nanak thorrena Cristokop. Eꞌñe poemaꞌyocheñoth womenkpaꞌ atarr thorrena sokop. Poemaꞌyocheñothpaꞌ xhokma enamatennas Yomporeshoth atthoch eꞌñe womenk sephaꞌnom seyoxher Yomporekop. Ñamha añ enamoennas atthoch eꞌñech poktakma xhaponasa seyoxhro ora allowen ñeñth ateth moenen Yompor.

1 Tesalonicenses 2:4

Elloña ya Yomporpaꞌ eꞌñe pokteꞌ enteney ñeñthoꞌmar llesensaꞌy yach aꞌpotherreꞌ poꞌñoñ ñeñth eꞌñe poꞌñoxh kowen ñoñets alloch aꞌkeshphaterrey. Ñeñth ateth yeꞌñorenapaꞌ ama añekpayaye oꞌch eꞌñe orrena yokshach acheñeneshaꞌ, yapaꞌ añekopña yeꞌñorena atthoch yokshateñ Yompor ñeñth eꞌñe yentweneꞌ ñeñth ateth yokthapeꞌchyen yeyoxhro.

1 Tesalonicenses 4:3

Poꞌñoxh ñeñthpaꞌ Yomporña moeneꞌña ateth, sapaꞌ oꞌch saꞌkowentatarethterra ñokop atthochña amaꞌt poesheñarrothapaꞌ amach sechtatscheña ñeñth ama sethaporeyaye.

Hebreos 10:36

Theꞌ sapaꞌ aña sepalltena atthoch eꞌñe akopha saꞌwantaꞌwanom ñeñth atarr echarr sentyen, atthochña alloꞌnach sesen phaꞌyesnomoeꞌ ñeñth ateth moenen Yompor, atthochña Yomporpaꞌ apoerreschaꞌ ñeñth eꞌñe ateth otenes.

1 San Pedro 2:15

Tharroꞌmar ateth moenen Yompor: xhokmach yorrtaten ateth eꞌñe kowenareꞌ es yepen. Ñatoꞌ yorrtateñoth eꞌñe kowenpaꞌ oꞌch kexhpaꞌwerret attho eñosatseꞌtyenet. Ñetpaꞌ pathpareꞌteñothet eñosatseꞌtyenet tharroꞌmar ama es eñoteneto. Ñatoꞌ yorrtateñoth eꞌñe kowenpaꞌ oꞌch yekexhpatwerranet attho eñosatseꞌtyenet.

1 San Pedro 4:2

Allochñapaꞌ amach alloꞌna yephaꞌneno ateth moenatyesyeꞌth yechets awath. Yokoppaꞌ añ poktetsa oꞌch yokthapeꞌchen ñeñth ateth moenen Yompor.

1 San Juan 2:17

Allowen ñeñth yentyen añe patsropaꞌ ñeñthpaꞌ atarr awañaña, ñamha ñeñth yemnatseꞌtyen añe patsro ñeñthpaꞌxhoꞌña atarr awañaña. Tharraña ñeñth ateth petsa ñeñth eꞌñe ateth moenen Yomporpaꞌ ñeñthñapaꞌ amach wañerro amaꞌt errponaña.