Efesios 6:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Theꞌpaꞌ oꞌch notas samha ñeñthes pamoꞌmteꞌ pen cheshaneshaꞌ, seꞌmoñeꞌteñothpaꞌ amach saꞌtsrreꞌmareꞌtatatsche sakñetharneshaꞌ. Eꞌñechña añethollotheñ eꞌñe sekwampeñoth kowenpaꞌ oꞌch seyxhatyenanet eꞌñe kowen atthoch ñetpaꞌxhoꞌña oꞌch ameꞌñeret ñamet Yepartseshar Cristo. Ñamha amach semnatatstaneto oꞌch attha atarr athpareꞌtaset.

Efesios 6:4 Iomraidhean Croise

Efesios 6:3

“Atthoch paꞌnateñothes eꞌñe kowenpaꞌ atomatchaꞌ sokrrena arr patsro.”

Colosenses 3:21

Ñamha oꞌch notas samha ñeñthes achemereshathneshas: Amachña xha saꞌtsrreꞌmareꞌtatatscheña sechemereshaꞌ, theꞌt xha nanak sellkatyenanet. Eꞌñe poellkëñothetpaꞌ xhach atarr kellañtsotyeset, amach eꞌñe kowenayeꞌ ameꞌñenseto.

2 Timoteo 1:5

Ñamha xhokma neyerpoenpha attho phapaꞌ eꞌñe kowen phameꞌñena, ñamha ateth ameꞌñena ñamha phaknor Loida ñamha phachor Eunice. Ñeñthoꞌmarña napaꞌ neñoteñ phapaꞌxhoꞌña xhokmatheꞌ phameꞌñena eꞌñe kowen.

2 Timoteo 3:15

Ñamha phapaꞌ eꞌñe cheshotheñ ayxhataretheph Parets poꞌñoñ ñeñthara añ ñoñets ñeñth peñotaterreꞌ attho eꞌñe yameꞌñeñotha Cristo Jesúspaꞌ oꞌch yekeshperra.