Efesios 5:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Ñewa, ñerraꞌm poetaroch yokrrena, ñeñthpaꞌ atethchaꞌ yorrtatyen. Eꞌñech kowenakma es yephannaꞌtyena ñeñth eꞌñe pokteꞌ enten Yompor ñamha ñeñthpaꞌ ama shekëñtsoyaye amaꞌt mamesha.

Efesios 5:9 Iomraidhean Croise

San Mateo 3:8

Napaꞌ añchaꞌña notapas oꞌch sorrtatyes ñeñth eꞌñe kowen enten Yompor ñeñth ateth pena ñeñth poꞌñoxh oꞌ kothapeꞌcherran ello kowen Yomporekop.

San Juan 1:47

Natanaelpaꞌ allentha awoꞌ oꞌch entenanaꞌ Jesús. Jesúsñapaꞌ entapan Natanaelpaꞌ ñañapaꞌ ateth eñora ñokop: —Añkaꞌyeña poꞌñoxh poesheñarr israelneshaꞌ ñapaꞌ amakaꞌye shekëno amaꞌt mamesha.

Romanos 15:14

Ñamha theꞌpaꞌ oꞌch, masheñnesha ñamha noxhanesha notas, napaꞌ neñotenes sapaꞌ atarr semorrentannena ñamha neñotenes oꞌ eꞌñe xhaponasa seyoxhro ñeñth ateth moenatenes Yompor. Allochñapaꞌ atthochña eꞌñe kowen sokthapeꞌchatannena erraꞌtsentheꞌ kowentetsa Yomporekop.

Romanos 2:4

Amapaꞌ sapaꞌ xhatheꞌ sotenapañ Yompor poemoereñoth nanakpaꞌ amach tsaꞌtaterrso tharroꞌmar themeꞌttsen ama erroth penso, attha kowenes. Amaꞌt señoteñe añekopña themeꞌttsen moerensa Yompor atthoch ellopaꞌ oꞌch eꞌñe sokthapeꞌchwerr kowen allowenes.

Efesios 4:15

Yapaꞌ añachña eꞌñech pathrra yokthapeꞌchen ñeñth eꞌñe poꞌñoxh alloch yekeshperra ñeñth ateth oteney Yompor poꞌñoñ. Eꞌñech yemorrentannaꞌteñoth es yephaꞌyen. Atthochña eꞌñe yephowen allowen ñeñth ateth kothapeꞌchateney Cristo. Atthochña yapaꞌ eꞌñech ora yokthapeꞌchen eꞌñe ateth kothapeꞌchen Cristo. Ñeñthoꞌmarña eshekchaꞌña yeparrokmat epay Cristo, ñeñthña Cristopaꞌ yeyoxher yepeñ ñeñth xhokma yokthapeꞌchateneꞌ kowen Yomporekop.

Efesios 4:25

Ñeñthoꞌmarña theꞌpaꞌ añ poktetsa sokop amach alloꞌna seshkareꞌtannaꞌtyesneno. Eꞌñe poesheñaꞌttsos errothen sotannena, eꞌñepaꞌch poꞌñoxh saꞌpoktaten señoñ samoꞌtseshakop. Tharroꞌmar eꞌñe yameꞌñeñoth Cristo eꞌñe yeparrokmatwen.

Efesios 6:14

Theꞌpaꞌ oꞌch neñotatas ñeñth apoeney Yompor ñeñthña yemoñenaya atthoch ama aꞌpoerrataterrye oneñeth allempo topateney. Ñatoꞌ oꞌch netmaꞌntacha ñeñth ateth paꞌnamen chorraꞌyena solltarneshaꞌ allempo kellarenet. Ñeñth ñanom ñeñthpaꞌ Yompor poꞌñoñ ñeñth eꞌñe poꞌnoxh ama shekëñtsoyaye amaꞌt mamesha. Ñeñthoꞌmarña yapaꞌ eꞌñech yeñmañeshaꞌ es yephaꞌyen, amach yeshkareꞌtannaꞌtyesatsto. Ñatoꞌ oꞌch netmaꞌntacha ñeñthpaꞌ ñeñthña yechanar yepen ñeñthchaꞌ awamenkath yepeꞌ ateth ñerraꞌm solltar apoeñet chanarets alloch chanena ñeñth kellaraten. Elloñapaꞌ eꞌñepaꞌch kowen es yephannaꞌtyesnoma ñeñth ateth eꞌñe pokteꞌ enten Yompor. Ñeñthpaꞌ añ tomaꞌntena asrom ateth ñerraꞌmrratheꞌ ñeñth chorrena solltar ñeñth aꞌnateneꞌ poesomap allempo kellarena.

Filipenses 1:11

Ora ateth nenamoennas Yompor sokoppaꞌ ateth noten, eꞌñe sameꞌñeñoth Jesucristo poktakmapaꞌ añepaꞌchña kowen ateth sephaꞌyen ñeñth nanak sherbets Yomporekop. Ñerraꞌm ateth yepenapaꞌ atthochña eꞌñe kowen yaꞌkshapretarethtena Yompor poꞌkowenña.

Colosenses 3:18

Theꞌpaꞌ oꞌch notas samha ñeñthes arrollarethes: Ñeñth serrollar sepenpaꞌ eꞌñech kowen sameꞌñeña tharroꞌmar ateth poktetsa yokop allowenakpay ñeñthey ameꞌñenaya Yepartseshar Jesucristo.

1 Timoteo 6:11

Tharraña phapaꞌ amach ateth pephatsto tharroꞌmar phapaꞌ anaretheph Yomporekop. Ñeñthoꞌmarña phapaꞌ añach pemaꞌyoxhra ñeñth kowentetsa Yomporekop, ñamha xhokmach peyerepya Yompor, ñamha xhokmach phameꞌñya kowen, ñamha xhokmach pemorrencha phamoꞌts, ñamha xhokmach phaꞌwantaꞌwanom ñeñth atarr echarr pentyen amach phañeña eꞌñe kowen entatstatso.

Hebreos 1:8

Tharraña Poechemerekoppaꞌ ama attheyeꞌ oteno. Ñokoppaꞌ ateth eñora: Phapaꞌ atarr Partsoph, ñeñthephchaꞌ xhokma amhchaꞌtarethtetsa pekonaño ñeñth errponañowen. Ñamha ñeñth attho phaꞌmhchaꞌtarethtena phapaꞌ eꞌñe pokteꞌ es pephaꞌyenanet.

Hebreos 11:33

Tharraña allowenet eꞌñe poeyemteñothet Yomporpaꞌ paꞌnamen etsotayenet ñeñth ateth moenatenanet Yompor. Poesheñaꞌttsetpaꞌ eꞌñe aꞌmchechweñet poꞌpotantañ amhchaꞌtarethneshaxhno ñeñth eꞌmoñeꞌtenawet. Poꞌpotantaññapaꞌ eꞌñe poeyemteñothet Yompor eꞌñe kowen amhchaꞌtarethtenet. Eꞌñe poeyemteñothet Yompor ñapaꞌ alla yenpoerranet ñeñth ateth otaneteꞌth. Amaꞌt poꞌpsheñeñpaꞌ eꞌñe poeyemteñoth Yompor ama moenatano maꞌyarr oꞌch erroth peꞌ.

1 San Juan 2:29

Ñewa, sa theꞌpaꞌ oꞌ eꞌñe señoter Jesucristo ñapaꞌ eꞌñe pokteꞌ es phaꞌyen. Ñeñthoꞌmarña señochepaꞌch ñamha allowen ñeñth eꞌñe pokteꞌ es orrtatyets ñeñthñapaꞌ eꞌñe poꞌñoxh poechemer peñ Yompor.

3 San Juan 1:11

Ñewa, masheñe, phapaꞌ amach peyxhapretatsto ñeñth ateth pentapreten ñeñth ama pokteyaye. Phapaꞌ añchaꞌña peyxhaꞌ ñeñth pentapreten attho eꞌñe pokteꞌ es phaꞌyenet. Ñeñthoꞌmarña ateth noteneph tharroꞌmar erraꞌtsen ñeñth eꞌñe pokteꞌ es petspaꞌ ñeñthkaꞌyeña Yompor poeyochreshaꞌ; ñeñthña ama pokteyeꞌ es phaꞌyetso ñeñthña amaꞌt mameshapaꞌ ama eñotenanoña Yompor.