Efesios 5:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Ñamha serrpareꞌtatseꞌteñets sosyaꞌtsañ ñeñth ama aserrpareꞌtpawoyaye ñeñthoꞌmarña yapaꞌ amach ateth yephatsto amaꞌt mamesha. Ñamha otatseꞌteñets ñeñthpaꞌ ama sherbeno Yomporekop ñeñthoꞌmarña yapaꞌ amach ateth yephatsto. Ñamha allokchameꞌtanneñets ñeñth ama ayellsheñeꞌchpawoyaye allo, ñeñthpaꞌxhoꞌña amach ateth yephatsto. Añchaꞌña yapaꞌ Yomporepaꞌchña yeparasyosoꞌten.

Efesios 5:4 Iomraidhean Croise

San Marcos 7:22

etatsreꞌtyeñets, yeꞌchapretannaꞌteñets, atsrreꞌmoeñets, shekareꞌtannaꞌteñets, ottatseꞌteñets, moparrñats, sasareꞌteñets, ommoꞌcheñets, otatseꞌteñets.

San Juan 6:23

Tharraña noñthexhnoñapaꞌ xhokma waxhena Tiberiasoth, oꞌ xhapoet allameꞌtets all rret ellerro pan ñeñth parasyosoꞌtampes Partseshaꞌ Jesús.

Romanos 1:28

Atthoña amaꞌt mamesha oꞌwañchaꞌ moeneñet oꞌch yerpaꞌpesyet Yompor. Ñeñthoꞌmarña Yomporñapaꞌ paꞌypoꞌñeñothanetpaꞌ awoꞌt moenatanet oꞌch kothapeꞌchatseꞌtyeset ñeñth ama pokteyeꞌ enteno ña. Añachña phatseꞌtyenet ñeñth ama aphapawoyaye.

2 Corintios 1:11

Ñamha añ poktetsa oꞌch semaꞌyochampenna atthoch seyenpaꞌn. Ñamha shonteꞌ acheñeneshaꞌ ñerraꞌm esempo eñotennet attho Yomporpaꞌ xhokma aꞌnatenna eꞌñe poemaꞌyocheñothet ñet, allempopaꞌ xhokmach parasyosoꞌteñet Yompor attho aꞌnatenna.

2 Corintios 9:15

Yeparasyosoꞌchepaꞌch Yompor tharroꞌmar ña yapoeneꞌ Poechemer, ñeshothña wena ora moereñets ñeñth atarr koxhneshareꞌ. Amaꞌt yemneñeñ oꞌch yaꞌyeꞌchoxhtatwe eꞌñe poktakma, tharraña ya arromñatheypaꞌ amach erroth yepe, ñamha ama yeno yeñoñ atthoch yaꞌyeꞌchoxhtatwoñ eꞌñe poktakma ñeñth ateth yokshena yeyoxhro.

Efesios 1:16

Ñeñthoꞌmarña napaꞌ xhokma neparasyosoꞌteñ Yompor allempo nemaꞌyochampensa.

Efesios 4:29

Amach yeñosatseꞌtyesatsto ñeñth ama kowenayaye amaꞌt mamesha. Añchaꞌña yeñosyen ñeñth eꞌñe kowen entwen allowen acheñeneshaꞌ ñeñthchaꞌ yenpoeneꞌ ñeñth eꞌmhñotets. Atthochña ñetpaꞌ oꞌch womenk pet poeyoxher Yomporekop.

Filipenses 4:6

Amach es sellkatsto amaꞌt eꞌñe mamesha. Añchaꞌña amaꞌt errothenoꞌtsenes eꞌñe semaꞌyocheñothpaꞌ xhokmoepaꞌch sotwe Yompor ñeñth sellkatyeneꞌ ñamha eꞌñe soksheñoth Yomporpaꞌ xhokmoepaꞌch senamyeñ ñamha ñeñth sepalltaꞌyena.

Colosenses 3:8

Tharraña theꞌña ñeñthpaꞌ xhosaña aꞌypoꞌñamperreꞌ, amaꞌt ora allowen eꞌmoñeꞌtannaꞌteñets, atsrreꞌmoeñets, oꞌpatarñats, achmhareꞌtannaꞌteñets, amaꞌt allowen eñosatseꞌteñtsoxhno ñeñth atarr sosyaꞌtsañexhno.

1 Tesalonicenses 3:9

Ñeñthoꞌmarña atarr nanak yeparasyosoꞌteñ Yompor sokop. Eꞌñe yeyoxhropaꞌ xhokma yokshensa Yomporesho ñeñthoꞌmarña xhokma yeparasyosoꞌteñ Yompor sokop.

1 Tesalonicenses 5:18

Ñamha amaꞌt errothenoꞌtsensa xhokmoepaꞌch separasyosoꞌteñ Yompor tharroꞌmar ñeñthpaꞌ ateth moenen eꞌñe yokop allowenakpay ñeñthey yemtenoya Poechemer ñeñth Cristo Jesús.

Filemón 1:8

Ñeñthoꞌmarña theꞌpaꞌ oꞌch noterrperr poꞌpoñ: Napaꞌ ñeñthen Cristo poellsensaren ñeñthoꞌmarña phokoppaꞌ eꞌñe pokteñ oꞌtheꞌ ateth notapeñ eꞌñe neꞌmoeñokma ñeñth poktetsa atethchaꞌ pepha.

Hebreos 13:15

Eꞌñe yeyemteñoth Jesucristo xhokmoepaꞌchña yaꞌyeꞌchoxhtateññañ Yompor. Attho xhokma yaꞌyeꞌchoxhtateññañ ñeñthpaꞌ añ tomaꞌntena ñeñthchaꞌ yapoeñ Yompor ateth peteꞌth awath oꞌch moetset eyarra ñokop. Eꞌñepaꞌchña ya yenamoth yaꞌyeꞌchoxhtateññañ paꞌsoꞌcheñ atthochña eꞌñech yokshateñ.

2 San Pedro 2:18

Ñamha nanakchaꞌ ommoꞌchenet attho phaꞌyenet ñeñth nanak sosyareꞌ. Ñamha oꞌch aꞌsecheñet poꞌpsheñeñ atthoch oꞌch phachet ñeñth nanak moenenet poꞌchets atthothchaꞌ aꞌpsatarethterret, allempoñapaꞌ oꞌchxhoꞌ alla poerrerret. Shonteꞌ acheñ ñeñth eꞌñe etserra poeswanmoeꞌ ñeñth ateth yexhaꞌyeseteꞌth ñeñth nanak sosyareꞌ, tharraña allempoñapaꞌ oꞌch alla moenereterr ñeñth oꞌ poeswanmoetañ awath pokthaphñet.

2 San Pedro 2:7

Tharraña Yomporpaꞌ aꞌkeshphatan poesheñarr ñeñth paꞌsoꞌcheñ Lot ñeñth eꞌñe pokteꞌ es phatseꞌth. Ñañapaꞌ epayeꞌ entenan pamoꞌtseshaꞌ atthoꞌ phaꞌyeseteꞌth ñeñth nanak sosey enten Yompor. Ñapaꞌ epayeꞌ llekacheteꞌth.

San Judas 1:10

Tharraña ñeñthña ashkañneshaꞌ ñeñth orretyetsa theꞌpaꞌ ñetñapaꞌ xhokma achmhareꞌteñet amaꞌt ñeñth atarr awamenkatheshaꞌ tharroꞌmar ñetpaꞌ ama eñoteññañeto poꞌwamenk. Añach eꞌñe patherr eñotenet ñeñth eꞌñe patsoꞌmarekpa. Ñetpaꞌ eꞌñe ateth penet ñerraꞌmrratheꞌ berr ñeñth añach phaꞌyen ñeñth ateth moenatyenanet poꞌchets, ama es kothapeꞌchpenayeña oꞌch eñotet erraꞌtsentheꞌña ñeñth poꞌñoxh kowentetsa. Ñeñthoꞌmarña ñetpaꞌ aꞌchenkataterretchaꞌ eꞌñe ñañeñeta.

San Judas 1:13

Amach poeñmañeshotheyeꞌ es orrtatyeneto eꞌñech pommoꞌcheñotheta es orrtatyenet. Eꞌñe ateth penet ñerraꞌmrratheꞌ oñ apellcheꞌ poemoꞌyer. Amaꞌt mameshapaꞌ amach moechecheno. Ñeñthña emoꞌypaꞌ xhach waporeꞌtenan sosyareꞌ tophñaꞌso all paꞌsoꞌten. Ñeñthpaꞌ eꞌñe ateth penaña ashkañneshaꞌ amach pasayaya orrtatenetoña apenkoxhen. Ñetpaꞌ eꞌñe atthet ñerraꞌmrratheꞌ shepramhoꞌ ñeñth yenten oꞌch shoraꞌnom oꞌch awoꞌ patso ñeñthpaꞌ ama es sherbeno. Yomporpaꞌ oꞌpatenanet oꞌch moeñanet koñchaꞌpoetso all atarr nanak chekmeteꞌ, allothña ñetpaꞌ amach xhaꞌnerreto amaꞌt errponaña.