Efesios 5:19 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁹ Añepaꞌchña eꞌñe sokshapretannena ñeñth ateth saxhoteñ Yepartseshar. Eꞌñepaꞌchña soksheñeshaꞌ seyoxhrokmañen semorrechena allo yaꞌyeꞌchoxhtateññañ Parets, ñamha allowen morreñtsoxhno ñeñth Partsokop.

Efesios 5:19 Iomraidhean Croise

San Mateo 15:8

Ñeñth acheñenesharpaꞌ eꞌñe poenamotha kowentatennanetañ; poeyoxhretoñapaꞌ ama xhenaneto ñeñth kowen nenten na.

San Mateo 26:30

Allempoña oꞌ morrechwanmoet Yomporekoppaꞌ awaneneterr Olivophno.

Los Hechos 16:25

Attheñapaꞌ oꞌ maꞌyocha Pablo ñamha Silas. Ñamha oꞌ morrechet, poemorrecheñothetpaꞌ nanak ayeꞌchoxhtateññañet Yompor. Añña poꞌpoñexhno acheñ ñeñth abeꞌthareth ñamha allpaꞌ ñetñapaꞌ oꞌ eꞌmhñotanet. Allempoña xhap rroxh tsappaꞌ machayothepaꞌtchaꞌ pella pats nanak womenk, amaꞌt alloꞌ thomatenet echarr cárcelepopaꞌ xha paꞌshma womenk. Poepelleñoth pats womenkpaꞌ oꞌ tornaꞌtwa ora allpon all ayottamphsarethtenet. Ñamha ora allpon allo wankëñet acheñpaꞌ oꞌ poeynaꞌtwen.

1 Corintios 14:15

Ñewa, ñeñthoꞌmarña theꞌpaꞌ oꞌch notas ñeñthchaꞌ ateth yephaꞌyesa eꞌñe kowen. Poꞌñoxhpaꞌ eꞌñe pokteꞌ oꞌch maꞌyochatey Parets Poekamkëñ poꞌpoñ ñoñtso, tharraña añ eꞌñe pokteꞌ ñamha oꞌch yemaꞌyochena eꞌñe eñotoxhen. Ñamha atthekma eꞌñe pokteꞌ Parets Poekamkëñothpaꞌ oꞌch yemorrecha Yomporekop poꞌpoñ ñoñtso, tharraña añ pokteꞌ ñamha oꞌch yemorrechena allo eꞌñe yeñen.

1 Corintios 14:26

Ñewa, masheñneshachaꞌ ñamha noxhaneshachaꞌ, ñeñthchaꞌ ateth sepha kowen ñeñthpaꞌ ateth: Sapaꞌ allempo sapxhenapaꞌ ñatoꞌ poesheñaꞌttsospaꞌ oꞌch semorrechena, ñatoꞌ poꞌpsheñeñpaꞌ oꞌch yexhatenet, ñatoꞌ poꞌpsheñeñpaꞌ oꞌch aꞌpothan ñeñth ateth eñotateñ Yompor, ñatoꞌ poꞌpsheñeñpaꞌ oꞌch eños poꞌpoñ ñoñtso, ñatoꞌ poꞌpsheñeñpaꞌ oꞌchxhoꞌ aꞌmhtan añ ñoñets. Tharraña ñeñthpaꞌ añekopchaꞌ ateth sepha atthoch womenk sephoñ poꞌpsheñeñ poeyoxher.

Colosenses 3:16

Cristo poꞌñoñpaꞌ xhokmoepaꞌchña eꞌñe kowen sokthapeꞌcheñ sa seyoxhro, atthochña eꞌñe ora señoteñowenpaꞌ xhokmoepaꞌch seyxhatannena atthoch eꞌñe kowen sokshatannena. Ñamha separasyosoꞌteñothpaꞌ semorrechepaꞌch allowen morreñtsoxhno ñeñth Partsokop atthoch saꞌyeꞌchoxhtatoñ attho saxhoteñ. Soksheñeshowenña seyoxhropaꞌ separasyosoꞌchepaꞌch Yompor.

Santiago 5:13

Añña ñeñth poktetsa ñeñthchaꞌ ateth sepha. Ñerraꞌm erraꞌtsenothes moeroxhtatsapaꞌ xhochña semaꞌyocha. Ñamha ñerraꞌm eseshaꞌ eꞌñe koshetsapaꞌ eꞌñe pokteꞌ morrechetepaꞌ allo yaꞌyeꞌchoxhtateñ Yompor.

El Apocalipsis 5:9

Añña ñeñth konkorpaꞌrrtetsapaꞌ ñetñapaꞌ morrechenet ñeñth etserra morreñets ñeñthpaꞌ ateth axhoteñet Cristo ñeñth atmaꞌntatareth Carnero: Phapaꞌ eꞌñe kowenareꞌ es pephaꞌyen ñeñthoꞌmar eꞌñe pokteꞌ phach cheteꞌ Yompor poꞌlibro, eꞌñe pokteꞌ phach toreꞌ allo echarr apharethtena tharroꞌmar phapaꞌ pha amtsarethtatsa, perrasoña phapaꞌ allo petsaꞌtwonaya yoꞌchñar allochñapaꞌ atthoch eꞌñe poechemer perrey Yompor amaꞌt alloweney ñeñthey paꞌnamen acheñey, amaꞌt erraꞌtsena mereñtsorey alloth yewena, amaꞌt ñamha erraꞌtsena ñoñtsor allo yeñosyen eꞌñe poꞌpoñeꞌttsokma, amaꞌt ñamha paꞌnamenanaꞌtarey allowen errowanen ñeñth eꞌñe yaꞌnetser yephaꞌyen.