Efesios 5:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Theꞌpaꞌ arosña attha es poexhatstatsa xhochña yethorra Yomporekop tharroꞌmar theꞌ acheñeneshaꞌ atarr sosey yexhkatyenet arr patsro.

Efesios 5:16 Iomraidhean Croise

San Mateo 25:17

Ateth pha ñamha ñeñth agapoeꞌ epa mil. Ñapaꞌxhoꞌña ellonethpaꞌ ganerrerr poꞌpoñ epa mil kelle.

San Juan 12:35

Jesúsñapaꞌ ateth oterraneterr: —Mameshamha palltena arroꞌtsenmeñen na ñeñthen aꞌpoetarsamphsañtetsa. Sokthapeꞌcherrnan eꞌñe thayekma neñoñ thayepaꞌtña arroꞌtsenmeñen ñeñthenchaꞌ aꞌpoetarsamperreꞌ sokthaphña allochñapaꞌ atthoch amach xha sechenkaꞌwerro. Poꞌñoxh ñeñth ama ameꞌñetso ñetpaꞌ ama eñoteñeto atthoch chenkaꞌwerret. Ñeñthoꞌmarña ñetpaꞌ eꞌñe ateth penet ñerraꞌmrratheꞌ chekmeta chopeꞌchenet ama eñoteñeto errenethchaꞌ tet.

Romanos 13:11

Atethchaꞌ sephowa ñeñth ateth oꞌ notwas, tharroꞌmar yeñoteñ oꞌ xhapmoch allempoch werra Cristo, ñeñthoꞌmar sokoppaꞌ añ poktetsa oꞌch alla setanterra Cristokop amachña sekhllañotha es sephaꞌyeno ateth ñerraꞌm xha semoen. Tharroꞌmar awañmoꞌcha allempo ñanom yameꞌñera Cristopaꞌ allempo atarr atomat palltenmeñ atthoch yaꞌkeshphatarethterra. Tharraña theꞌpaꞌ ama atarr atomatmeñeyaye. Oꞌ mameshamerra atthoch yaꞌkeshphatarethterra.

1 Corintios 7:26

Ñewa, ñanompaꞌ oꞌch notas: Amaꞌt theꞌpaꞌ xhokma wennaya shonteꞌ esokmañen ñeñth echarr yentyen ñeñthoꞌmarña pokteꞌ nenteñ amatheꞌ sesomeꞌto, ñamha amatheꞌ sesnaꞌto. Añña poktetsa atthatheꞌ yokrra.

Gálatas 1:4

Ñeñthara Jesucristo ñeñth eꞌñe pokteꞌ enteꞌ oꞌch rroma yoꞌchñarekop atthochña yapaꞌ kowenoꞌtseneychaꞌ amaꞌt añ patsropaꞌ sosyaꞌtsañoꞌtsenya, tharroꞌmar ñeñthpaꞌ ateth pokteꞌ eñch Pompor ñeñthara Yompor ñeñth nanak Parets.

Gálatas 6:10

Ñeñthoꞌmarña theꞌpaꞌ oꞌch notas: Xhokmach yeyenpaꞌyes allowen yamoꞌtseshaꞌ thayepaꞌtña orameñ atthoch yeyenpannaꞌta. Ñamha añña nanak kowen ñerraꞌm xho yeyenpoeñ yamoꞌts ñeñth parro oꞌ yameꞌñera Cristo.

Efesios 6:13

Ñeñthoꞌmarña notenes, oꞌch sagërrñañ allowen allpon ora ñeñth apoeney Yompor allochñapaꞌ ñeñthchaꞌña allo yemoñena atthoch amach alla aꞌpoerrataterrye oneñeth ñerraꞌm esempo atarr nanak topateney. Tharraña amaꞌt allempo paꞌnamenoth atarr topateney yañapaꞌ amach errothenoth aꞌpoerrataterrye.

Efesios 6:15

Theꞌñapaꞌ oꞌch seꞌshpoꞌcha eꞌñe soksheñeshaꞌ oꞌch awes allchaꞌ seserrpareꞌtyenaꞌ attho Yomporpaꞌ oꞌ amoꞌtsterrya atthochña eꞌñe kowen aꞌkeshphaterrey. Ñeñthpaꞌ añ tomaꞌntena ateth pena solltar oꞌch nan poꞌsapatpaꞌ oꞌch awoꞌ allchaꞌ kellarosa.

Colosenses 4:5

Ñamha añekop ñeñth ama ameꞌñetso sapaꞌ señotepaꞌchña ñeñth kowentetsa ñeñthchaꞌ ateth sephanet. Amaꞌt thaya sapaꞌ arosña attha es poexhatstatsa.