Efesios 5:11 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹¹ Ñamha theꞌpaꞌ oꞌch alla noterrserr, amach sokshapretatsche ñeñth ateth phatseꞌtyenet, ñeñthpaꞌ ama es sherbeno amaꞌt eꞌñe mamesha. Tharroꞌmar ñetpaꞌ chekmeta korrenet. Sapaꞌ añchaꞌña sorrtatyen ñeñth eꞌñe kowenareꞌ allochñapaꞌ atthoch eñochet ñeñth ateth phatseꞌtyenet ñet, ñeñth amaꞌt mameshapaꞌ ama kowenayeꞌ enteñe Yompor. Ñeñthpaꞌ ñatoꞌ yapaꞌ oꞌch yot, yapaꞌ oꞌ yaꞌpoetarsamphsanet ñet ñeñth ateth phatseꞌtyenet chekmeto.

Efesios 5:11 Iomraidhean Croise

San Mateo 18:15

Jesúsñapaꞌ alla oterraneterr; ñeñthpaꞌ ateth otanet: —Ñerraꞌm errothen phonas semoꞌnasheñpaꞌ oꞌch awes ñesho eꞌñech sapoeth oꞌch sokthapeꞌchateraꞌ eꞌñe kowen. Ñerraꞌm xho eꞌmhñoterrespaꞌ allempoñapaꞌ oꞌch amoꞌtsoth senterra.

San Lucas 3:19

Allempoña oꞌ atarr apatarethta shonteꞌ acheñeneshaꞌ Yomporekoppaꞌ xho apatarethtatsa ñamha Jesús. Eꞌñe apatarethetwatsapaꞌ oꞌ maꞌyocha. Allempoña maꞌyochenapaꞌ enetñapaꞌ awepaꞌt atorarethta. Allothña eꞌñe sowaꞌnma Parets Poekamkëñ eꞌñe ateth entapet ñerraꞌmrratheꞌ yeph oꞌ sowaꞌnma entoth. Eꞌñe arr xhap Jesúsesho. Xha eꞌmorrtatsa ñoñets entoth ateth eñorena Yompor. Ñeñthña ñoñetspaꞌ ateth oten: —Phapaꞌ ñeñtheph Nechemereph ñeñtheph atarr nemorrentena, pha atarr nanak nokshateneꞌ. Allempoña amhchaꞌtareth Herodespaꞌ oꞌ yottamphsatan Juan tharroꞌmar Juanpaꞌ eñotach ama pokteyeꞌ enteñe ñeñth ateth phatseꞌtyena. Amaꞌt paꞌmoꞌnasheñ Felipe poethaporpaꞌ oꞌ yoramper. Amaꞌt shonteꞌ paꞌnamen ñeñth ateth phatseꞌtyena Herodespaꞌ elloñapaꞌ oꞌxhoꞌ yottamphsaterranerr ñamha Juan.

Los Hechos 26:18

Tharroꞌmarchaꞌ nemñaph alloꞌtsaꞌyen ñeñth ama judioneshayayeñaꞌ allochñapaꞌ atthoch peserrpareꞌtatwanet atthoch xhapanet poeyoxhro, atthoch oꞌwañchaꞌ chopeꞌchet chekmeto. Añchaꞌña oꞌch alla chopeꞌcherret poetaro. Ñamha atthoch oꞌwañchaꞌ awamenkath phanet oneñeth, añchaꞌña awamenkath penawet Yompor. Allochñapaꞌ oꞌch ameꞌñaꞌwerrnet na, allempoñapaꞌ nephretnaꞌwerranetchaꞌ poꞌchñar, atthoch oꞌch parrokmatwerret eꞌñe atthekma ateth ñerraꞌm ñeñth oꞌ naꞌkowentatwa.”

Romanos 13:12

Arr patsropaꞌ eñall shonteꞌ sosyaꞌtsañexhno. Ñatoꞌ oꞌch yetmaꞌntacha ateth ñerraꞌmrratheꞌ yapaꞌ chekmeta yeyxhena. Tharraña theꞌpaꞌ eꞌñe ateth pena ñerraꞌmrratheꞌ oꞌ metwamoch chekmeteꞌ oꞌ poetarenmoch, tharroꞌmar yapaꞌ yeñoteñ oꞌ xhapmoch allempoch werra Cristo. Ñeñthoꞌmarña añ poktetsa oꞌch yeswanom allowen ñeñth ama kowenayaye ñeñth ateth atmaꞌntatareth chekmeteꞌ. Añchaꞌña ateth yephaꞌyen ñeñth kowen enten Yompor ñeñth ateth atmaꞌntatareth poetareꞌ. Atthochña yethorrena Yomporekop ateth ñerraꞌmrratheꞌ xho yekhllarena ñokop.

Romanos 16:17

Oꞌch, masheñneshachaꞌ ñamha noxhaneshachaꞌ, noterrserr poꞌpoñ añ necartoth. Señotchaꞌ añ acheñeneshar ñeñth moeneneꞌ oꞌch ellopaꞌtetstatonaset sokthaphña ñeñth attho sameꞌñeña Cristo, tharroꞌmar ñetpaꞌ moeneñet oꞌch kothapeꞌchataset ñeñth ama attheyaye ñeñth ateth oꞌ yeyxhatwas. Ñeñth acheñer atethpaꞌ oꞌch selloꞌtsentach seshoth, amach seyemtatstaneto ñeñth ateth yexhatenet.

Romanos 6:21

Tharraña ñeñth ateth sephatseꞌtyeseꞌth sosyaꞌtsañ awathpaꞌ ama es sherbhaseꞌthe amaꞌt mamesha, ñeñthara amaꞌt theꞌpaꞌ penknaꞌntatenes. Yapaꞌ yeñoteñ ñeñthpaꞌ allach tsaꞌtaterryañ rromoeñtso, ñeñthara koñcheñtso.

Gálatas 6:8

Atthekma ñamha ñerraꞌm aña yephatseꞌtyen ñeñth ateth moenatseꞌtyen yechetspaꞌ ñeñthara ñeñth yephaꞌyenapaꞌ aꞌchenkataterreychaꞌ. Tharraña ñerraꞌm añ yokthapeꞌchen kowen ñeñth ateth kothapeꞌchateney Parets Poekamkëñpaꞌ ñeñthara Poekamkëñothpaꞌ yokrrerrach esempowañen. Ñatoꞌ oꞌch netmaꞌntatererr ateth: Ñerraꞌm theꞌpaꞌ eꞌñe kowen yenareꞌten, tsapathonethpaꞌ nanakchaꞌ koshaterrey. Tharraña ñerraꞌm theꞌpaꞌ ama kowenayeꞌ yenareꞌteno, tsapathonethñapaꞌ nanakchaꞌ llekaterrey.

Efesios 4:22

Sa awathpaꞌ attha sokthapeꞌchatseꞌtyeseꞌth theꞌña ñeñthpaꞌ oꞌch saꞌypoꞌñamper. Sapaꞌ ñeñthaña atarr seshkareꞌtayeꞌth atthoña añach eꞌñe semnatseꞌtyeseꞌth ñeñth ama kowenayaye amaꞌt mamesha.

Efesios 5:12

Ñewa, sapaꞌ señoteñ ñeñth ateth phatseꞌtyenet aꞌnawa. Ñerraꞌm yaꞌmetheꞌpaꞌ ñeñthpaꞌ atarr apenkoxhen.

Efesios 5:7

Ñeñthoꞌmarña theꞌpaꞌ oꞌch notas, sapaꞌ amach sokshapretatstaneto ñeñth ateth phatseꞌtyenet.

Colosenses 1:12

Ñamha sapaꞌ xhokmoepaꞌch separasyosoꞌch Yompor tharroꞌmar ñapaꞌ aꞌpoktaterrnay atthoch yagapapreter yamha ñeñth oꞌpatatenana allowen poeyochreshaxhno. Ñeñthñapaꞌ ñeñth poꞌkowenña pen ñeñth atarr kowentetsa allñapaꞌ poetaretsa.

1 Tesalonicenses 5:7

Ñewa, yeñoteñ ñeñth manrretspaꞌ tsapoch manrrenet ñamha ñeñth posaꞌtareꞌtyetspaꞌ tsapoch posaꞌtareꞌtyenet.

2 Tesalonicenses 3:14

Ñerraꞌm eseshaꞌch ama eꞌmhñotaye ateth yotenes añ yecartoth, ñeñthña acheñerpaꞌ oꞌch seꞌñotorrtach ñapaꞌ xhokma ateth pena. Sañapaꞌ ñatoꞌtña seyemteñaꞌña ñeñth ateth petsa, allochñapaꞌ atthothchaꞌ penkërra.

2 Tesalonicenses 3:6

Theꞌñapaꞌ, masheñneshachaꞌ, oꞌch notas eꞌñe Yaꞌmhchaꞌtarether Jesucristo paꞌsoꞌchño, sapaꞌ ñatoꞌt seyemteñaꞌña ñeñth atarr kellañets ñeñth amach moeno tarwasaꞌ. Ñeñth ateth petsapaꞌ ama moeno oꞌch ameꞌñanaña ñeñth ateth yeyxhatenes.

1 Timoteo 5:20

Attheña ñerraꞌm poꞌñoxhtheꞌ ateth pena, allempo alloꞌtsaꞌyen allowen acheñeneshaꞌpaꞌ añ poktetsa oꞌch soch ñeñth atethpaꞌ ama aphaꞌpawo. Allochñapaꞌ poꞌpotantañpaꞌxhoꞌña eshekchaꞌ mechaꞌnaꞌtenet.

1 Timoteo 5:22

Theꞌpaꞌ oꞌch nokthapeꞌchaterrperr poꞌpoñ ñeñthchaꞌ ateth sepha. Ñerraꞌm esempo semneñ oꞌch senaꞌyes ñeñthchaꞌ amhchaꞌtarethterrtsa Yomporekop, amach awen senatstere ñeñthchaꞌ amhchaꞌtarethterrtsa, xhochña sekwaꞌyes erraꞌtsentheꞌ acheñer ñeñth eꞌñe kowen es phaꞌyets. Tharroꞌmar ñerraꞌm aña senaꞌyes ñeñth ama kowen es petsopaꞌ theꞌt eꞌñe ña poꞌchñarothpaꞌ ateth sepena samha. Ñeñthoꞌmarña theꞌpaꞌ xhokmach phaꞌypoꞌñampes ñeñth ama kowenayaye amaꞌt mamesha.

1 Timoteo 6:5

Poꞌñoxh añ acheñ ñeñth attha kothapeꞌchatseꞌtets eꞌñe ñañeña pokthaphñothpaꞌ poꞌñoxhpaꞌ amach kothapeꞌchenano amaꞌt mamesha ñeñth kowentetsa ñamha amach eñotenano ñeñth poꞌñoxh alloch yekeshperra. Ñetpaꞌ atthach xhokma moeneñet oꞌch es otnareꞌtannaꞌtyeset. Ñamha ñetpaꞌ añekpach moeneñet oꞌch serrpareꞌtet Yomporekop atthoch ganet esokmañen. Ñeñthoꞌmarña ñeñth ateth acheñpaꞌ amach peyemtatscho.

2 Timoteo 3:5

Ñamha allempopaꞌ amaꞌtchaꞌ ottenetañ ñerraꞌmrratheꞌ ameꞌñenetpaꞌ, tharraña amach poꞌñoxhayeꞌ ameꞌñeneto. Tharroꞌmar ñetpaꞌ amach poꞌñoxhayeꞌ moeneñeto oꞌch xhapanet poeyoxhro ñeñth kowentetsa Yomporekop atthoch womenk phaꞌnmoet poeyoxher eꞌñe poꞌñoxh. Ñeñth ateth acheñpaꞌ amach pekwaꞌphsatsche.

Tito 2:15

Allowen ñeñth ateth oꞌ notwaph phapaꞌ ñeñthchaꞌña peyxhatyesanet. Ñamha oꞌch phokthapeꞌchatyesanet eꞌñe kowen, ñamha ñerraꞌm phaꞌyenet ñeñth ama pokteyayepaꞌ oꞌch photanet, amach phatsteto ateth, tharroꞌmar phapaꞌ ñeñthekop anaretheph. Ñamha ñeñth ama pokteyayepaꞌ amach ateth pephatsto, theꞌt acheñeneshaꞌpaꞌ amatheꞌ akwaꞌphsenayeꞌ entenpeto.

El Apocalipsis 18:4

Allempoña oꞌ alla neꞌmoerrerr poꞌpoñ ñoñets ñeñth eꞌmorrtetsa entoth, ñeñthpaꞌ ateth oten: —Ñeñthes neyochreshaꞌ nepen, theꞌpaꞌ oꞌch sesaꞌnemh añ anets ñeñth atmaꞌntatareth koyaneshaꞌ. Amach sokshapretatsche ña poꞌchñar theꞌt saꞌna moeroxhtapretenaya.