Efesios 5:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Ñamha sokoppaꞌ añ poktetsa oꞌch semaꞌyoxhra eñotnomoeꞌ ñeñthchaꞌ atarr kowen entapretenes Yepartseshar.

Efesios 5:10 Iomraidhean Croise

Romanos 14:18

Ñerraꞌm atethchaꞌ yameꞌñeña Cristo, Pomporñapaꞌ eꞌñech kowen enteney, amaꞌt allowen acheñeneshaꞌpaꞌxhoꞌña eꞌñech kowen entenyet.

Filipenses 1:10

Atthochña señoch erraꞌtsentheꞌña nanak kowen sherbets Yomporekop. Allochñapaꞌ eꞌñe señoteñothpaꞌ añepaꞌchña ateth sephaꞌyen ñeñth eꞌñe kowenareꞌ. Allochñapaꞌ amach xha saꞌyowarethterro ñerraꞌm esempowañenchaꞌ werra Cristo.

Filipenses 4:18

Theꞌpaꞌ oꞌ aposen masheñ Epafrodito ñeñth allpon soñmaten nokop. Ñeñth allpon oꞌ nagaponaspaꞌ theꞌpaꞌ ama es nepallteno amaꞌt koñeꞌtha, elloña xha metanwosan allpon ñeñth nepalltena. Ñeñth allpon sapwanpaꞌ napaꞌ eꞌñe atthekoptar nenteñ ñerraꞌmrratheꞌ ñeñth apoenet Yomporekop ñeñth eñmosathtetsa ñeñthchaꞌ eꞌñe pokteꞌ enten, ñamha ñeñthchaꞌ nanak koshateneꞌ ña.

Colosenses 1:10

Allochñapaꞌ oꞌch eꞌñe seyxherr ñeñth ateth poktetsa allowenakop ñeñthey poeyochreshaꞌ pen Yepartseshar. Allochñapaꞌ atthochña eꞌñe sokshateñ. Eꞌñe attho es kowen sorrtatyenpaꞌ nanakchaꞌ kowenoth sesherbeñ. Alloꞌnepaꞌchña sesen eñotnomoeꞌ ñeñth ateth penaña Parets.

1 Tesalonicenses 5:21

Allowen amaꞌt erraꞌtsena xhochña ñanom señoch ñatoꞌ eꞌñetheꞌ kowen ñatoꞌpaꞌ amatheꞌ kowenayaye. Ñeñth allowen erraꞌtsenchaꞌ eꞌñe kowen sentyes ñeñthñapaꞌ amach sekexhpatstere amaꞌt awatha.

1 Timoteo 2:3

Ñerraꞌm atethña yepenapaꞌ eꞌñech kowen enteney Yompor ñeñth Yaꞌkeshphatañer yepen.

1 Timoteo 5:4

Tharraña ñerraꞌm erraꞌtsen rrethorrnaneshar echeneꞌ poechoyoreshaꞌ amapaꞌ poeꞌñareshaꞌ, ñeñthpaꞌ aña pokteꞌ ñetach kowamphset pachor. Tharroꞌmar añ pokteꞌ eꞌñe ñet oꞌch eñochet ñanomchaꞌ añ yekwampes yamoꞌts atthochña yesherber Yompor ñamha atthoch yesherbeñ yamoꞌmteꞌ attho ñetpaꞌ kowampesyet yamha awath. Tharroꞌmar ñerraꞌm ateth yephapaꞌ eꞌñech yokshateñ amaꞌt Yompor.

Hebreos 12:28

Ñamha attho amhchaꞌtarethtena Yompor, ñeñthpaꞌ ama apelleꞌllchatpawoyaye. Ñeñthoꞌmarña yeparasyosoꞌchepaꞌch Yompor tharroꞌmar ñeñth oꞌpatatenyapaꞌ ama awaporeꞌtpawoyaye. Eꞌñe yemhchaꞌnaꞌteñothpaꞌ eꞌñepaꞌchña kowen yesherbeñ Yompor ñeñthchaꞌ eꞌñe koshateneꞌ ña.

1 San Pedro 2:20

Ñerraꞌm esempo xho erroth yepeñ poꞌpsheñeñ ñerraꞌm koñchatwerrey, ñeñthpaꞌ eꞌñe pokteꞌ yekoñchepaꞌ. Amaꞌt ama yaꞌtsrreꞌmo allempo, tharraña amach kowenayeꞌ entenye Yompor, tharroꞌmar ñeñthpaꞌ xhokma moeneñ oꞌch yekoñcha. Tharraña ñerraꞌm esempo amaꞌt yepena ñeñth kowenareꞌ ñatoꞌ amaꞌt moeroxhtatey poꞌpsheñeñpaꞌ ñerraꞌm ama yaꞌtsrreꞌmopaꞌ ñeñthpaꞌ eꞌñech pokteꞌ enteney Yompor.

1 San Pedro 2:5

Yomporpaꞌ paꞌpakëll penan allowen ñeñth ameꞌñenaya ña. Yapaꞌxhoꞌña atthey ñerraꞌmrratheꞌ mapoeꞌ alloch thomatenan paꞌpakëll. Tharraña yapaꞌ attheyeñ ñerraꞌmrratheꞌ mapoeꞌpaꞌ tharraña yapaꞌ ñeñthey oꞌrrerrñathoth yokrrena. Yapaꞌxhoꞌña añ poktetsa oꞌch yatthekmatwerr ñerraꞌmrratheꞌ Parets paꞌpakëll. Allñapaꞌ yesherberrchaꞌ Partsokop. Yekamkëñothpaꞌ oꞌch yepomwerra eꞌñe yeyoxhrowen yepomoerra atthoch Paretspaꞌ koshena. Yameꞌñeñoth Jesucristopaꞌ oꞌch yesherber errothenchaꞌ moenateney Parets.