Efesios 4:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Ñewa, all oten “aꞌterr poeꞌntaño.” Ñeñthoꞌmarña yeñoteñ allempo ama aꞌterraꞌpaꞌ ñapaꞌ entoth aswaña, xhap amaꞌt allowanen patso oꞌpono.

Efesios 4:9 Iomraidhean Croise

San Mateo 12:40

Ñewa, yeñoteñ Jonás allempopaꞌ alloꞌtsena kakakotmo maꞌpamoet, yetho amaꞌt ñamha tsapo ñeñth añekmoen kak. Atethchaꞌ neperra namha Ñeñthen Acheñetosets, napaꞌxhoꞌña nemaꞌpamoetchaꞌ oꞌpono eꞌñe allowanen patso, yetho amaꞌt ñamha tsapo. Ñeñthchaꞌña eñotaterrawet ateth penaña ñeñth wetsa Yomporeshoth.

San Juan 20:17

Jesúspaꞌ ateth otererr: —Amach xha perrmatsetno, napaꞌ ama naꞌtenaꞌ Apoesho. Arrña orraph masheñneshesho oꞌch photenanetaꞌ napaꞌ oꞌch naꞌterr Nomporesho ñeñth Neyomporer nepen ñeñthara ñeñth Seyomporer sepen samha.

San Juan 3:13

‘Ama eñalle amaꞌt poesheñarra ñeñthchaꞌ aꞌtapoets ento ñamha ñeñthchaꞌ sowerrtsa ñeñthara entoth. Napthaña na Ñeñthen Acheñetosets ñeñthen sowatsa entoth, naptha nentar Nompor poeꞌntaño tharroꞌmar napaꞌ ñeñth naꞌnetser nepen.

San Juan 6:33

Naña sokrramh sepen ñeñthen oꞌ apoerres Nompor, napaꞌxhoꞌña entoth nowapa Yomporeshoth allochñapaꞌ acheñeneshaꞌña arr patsropaꞌ ñetñapaꞌ korretsetach.

San Juan 6:38

Tharroꞌmar napaꞌ ama añekpayeꞌ nowapoña entoth atthoch oꞌch aña ateth nephos ñeñth nemnen na. Napaꞌ añekopña nowapa oꞌch ateth neperr ñeñth ateth moenen Nompor ñeñth nellsenserreꞌ.

San Juan 6:41

Attho Jesúspaꞌ otenanet, “Napaꞌ na korramhtsotets ñeñthen wapatsa entoth”, judioneshaꞌñapaꞌ pokwanaꞌteñothet otatseꞌtyeñet.

San Juan 6:51

Eꞌñe poꞌñoxh napaꞌ na ñeñthen korramhtsotets alloch eꞌñe sokrra ñeñthen wapatsa entoth. Ñerraꞌm eseshaꞌ rreꞌ añ korrametspaꞌ ñetñapaꞌ korretsetach thayotheñ eꞌñe errponañowen. Añ korramets ñeñthchaꞌ nepomoerr na acheñeneshakop arr patsro alloch eꞌñe korrenet, ñeñthpaꞌ añkaꞌye nechets.

San Juan 6:58

Na ñeñthen sokrramh sepen ñeñthen wapatsa entoth. Ama attheyayno ñerraꞌmrratheꞌ pan ñeñth rreꞌth satañneshañ awath. Ñetpaꞌ oꞌ kollaꞌwenet. Eseshaꞌch eꞌñe pokrramh nepeneꞌ ñetñapaꞌ korretsetach thayotheñ eꞌñe errponañowen.

San Juan 6:62

Taꞌm, ¿errothenaꞌtchaꞌ sotña ñerraꞌm poꞌñoxh sentennoñ na Ñeñthen Acheñetosets oꞌch alla naꞌterreñ ento alloth nowapa awath?

San Juan 8:14

Jesúsñapaꞌ oterraneterr: —Tharraña amaꞌt nañeña aꞌpothetsapaꞌ attho naꞌpothenapaꞌ eꞌñe sherben. Tharroꞌmar napaꞌ neñoteñ alloth nowapa ñamha neñoteñ allchaꞌ neserr. Sañapaꞌ ama señotenno alloth nowapa ñeñthoꞌmarña ama señoteñe allchaꞌ neserr.

Hebreos 2:7

Ñeñth arromñatheneshaꞌpaꞌ ama tama awamenkatheyayeto ateth atarr sherben mellañotheñnaneshaꞌ. Tharraña ñeñthpaꞌ mamekpa ateth pemnach. Tharraña amaꞌt attheñpaꞌ elloña oꞌch alla pekowentater ateth ñerraꞌmrratheꞌ esempo oꞌch net ñeñthchaꞌ amhchaꞌtarethterrtsa, allempopaꞌ oꞌch nachet poꞌchoyoꞌmh ñeñth atarr kowen.

Hebreos 2:9

Tharraña eꞌñe yeñoteñ poesheñarr ñeñth arromñathekoptartostsa ñeñth ateth phostsa ñeñthkaꞌyeña Jesús. Allempo acheñetos arr patsro Pomporña moenateꞌ amach tama awamenkathtoso ateth atarr awamenkathtena mellañotheñnaneshaꞌ. Tharraña ñeñthpaꞌ mamekpa ateth moenach atthoch eꞌñe arromñathekoptartosa arr patsro. Ñeñthpaꞌ añekopña ateth pha atthoch moeroxhtosa oꞌch rromos allowenakpay ñeñthey arromñatheneshaꞌ. Yompor eꞌñe poemoereñothey ya atthoña moenatan Poechemer oꞌch rroma yokop. Ñeñthoꞌmarña Pomporpaꞌ oꞌ alla atarr kowentaterran Poechemer allempo oꞌ alla ner ñeñthchaꞌ atarr amhchaꞌtarethterrtsa.