Efesios 4:32 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho32 Añchaꞌña eꞌñech kowen yentannena ñamha eꞌñech kowen yemoerannena. Ñamha añña poktetsa xhokmach yephretnannena attho Yomporpaꞌ oꞌ peretnerrey yamha. Ñeñthpaꞌ añoth peretnerrey attho rroma Poechemer Cristo yokop. Faic an caibideil |
Efesios 4:32
34 Iomraidhean Croise
Amaꞌtchaꞌ atonocheꞌtats ateth penset, amaꞌtchaꞌ pamtharrpaꞌ kanxhrrocheꞌtatschaꞌ ateth penset ñerraꞌm oꞌch alla llekërrana ñeñth ateth pennaset, ñerraꞌm amaꞌt pamtharr kanxhrrocheꞌtats oꞌch alla oterrset: “Napaꞌ oꞌ ateth nephonaph ñeñth ama pokteyaye tharraña theꞌña ellopaꞌ amach alla ateth neperreꞌthe”, sokoppaꞌxhoꞌña añña eꞌñe poktetsa oꞌch alla eꞌñe kowen sephretner ñeñth ateth sepeneꞌ.
Tharraña napaꞌ oꞌch notas, sapaꞌ añeꞌnachña semorrentena amaꞌt ñeñth seꞌmoñeꞌteneꞌ. Ñamha sapaꞌ añeꞌnachña seyenpoen amaꞌt ñeñth ama seyenpoenaye. Ñamha sapaꞌ añeꞌnachña es saretyena amaꞌt ñeñthchaꞌ ama sapoerraye. Ñerraꞌm atethchaꞌ sepha Yomporñapaꞌ apoerreschaꞌ ello ñeñthchaꞌ atarr sokshatwerreꞌ. Ñapaꞌ allempoch eꞌñe poechemer perres, ñeñthara Yompor Ñeñth Nanak Parets. Tharroꞌmar ñapaꞌ añeꞌnaña moerena amaꞌt ñeñthchaꞌ ama koshaterraye ña, ñeñthara ñeñth ama kowenayeꞌ es petso.
‘Sapaꞌ amach sotatsche poꞌpsheñeñ “ama pokteyaye ñeñth ateth sephaꞌyena”, allochñapaꞌ amach otwerrso samha Yompor ama pokteyaye ñeñth ateth sephaꞌyena samha. Ñamha eꞌñe atthothapaꞌ amach sottheñeꞌchatsche poꞌpsheñeñ allochñapaꞌ Yomporpaꞌxhoꞌña amach otteñeꞌchwerrso samha, xhochña eꞌñe kowen sephretnannena allochñapaꞌ Yomporpaꞌxhoꞌña eꞌñech kowen peretnaꞌwerres samha.
Ñamha attho yeñmañeshaꞌ yokrrena, ama sosyaꞌtsañeyeꞌ yokthapeꞌchyeno, ñamha attho yeñoten ñeñth eꞌñe poꞌñoxh Yompor poꞌñoñ ñeñth ama shekëñtsoyaye, ñamha attho es yaꞌwantaꞌyen, amachña xha atsrreꞌmatenye, ñamha atthochña eꞌñe yaꞌmoerañtena, ñamha attho chorrenya Parets Poekamkëñ, ñamha attho eꞌñe kowen yemorrenteña allowen masheñneshaxhno, ñeñthpaꞌxhoꞌña ñeñthña eñotateneꞌña acheñeneshaꞌ attho yapaꞌ eꞌñe kowen yethorrena Yomporekop.
Poꞌñoxhpaꞌ yeñoteñ ñeñth nanak awanteneꞌ moeroxhteñetspaꞌ ñeñthpaꞌ nanakchaꞌ kosheñtsoꞌtsen. Amaꞌt sapaꞌ señotweñ ñeñth ateth pha awath Job. Ñapaꞌ nanak awantan topateñets. Ñamha sapaꞌ eꞌñe señotweñ ñeñth ateth phoñ Yompor. Allempo moeroxhetwa Job, Yomporñapaꞌ alla apoer esokmañen atthoch eñoch Yomporpaꞌ nanak amoeraña.
Sanasan