Efesios 4:25 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁵ Ñeñthoꞌmarña theꞌpaꞌ añ poktetsa sokop amach alloꞌna seshkareꞌtannaꞌtyesneno. Eꞌñe poesheñaꞌttsos errothen sotannena, eꞌñepaꞌch poꞌñoxh saꞌpoktaten señoñ samoꞌtseshakop. Tharroꞌmar eꞌñe yameꞌñeñoth Cristo eꞌñe yeparrokmatwen.

Efesios 4:25 Iomraidhean Croise

San Juan 8:44

Sapaꞌ oneñethakaꞌye ñeñth sompor sepen. Ñeñthoꞌmarña sapaꞌ aña semnen oꞌch sepha ñeñth moenen sompor. Ñapaꞌ awathotheñ eꞌñe paꞌmothrotheñ amtsañta. Ñapaꞌ amaꞌt mameshapaꞌ ama eñoraꞌpenoña Yompor poꞌñoñ ñeñth eꞌñe poꞌñoxh tharroꞌmar ñoñets ñeñth eꞌñe poꞌñoxhpaꞌ amakaꞌye atanenoña ña poeyoxhro. Ñerraꞌm xho eñorenapaꞌ, shekëñtsach eñorena tharroꞌmar ñapaꞌ eꞌñe shekëñtsa eñoten. Poꞌñoxh sekëñetspaꞌ pomporkaꞌ penanña oneñeth.

Romanos 12:5

Ñamha atthekma yepena alloweney ñeñthey ameꞌñenaya Cristo. Amaꞌt shonteyeñ ñamha amaꞌtchaꞌ poꞌpoñeꞌttsokma yethorraꞌyesa ñokoppaꞌ ñañapaꞌ eꞌñech pathrra enteney, ateth ñerraꞌmrratheꞌ eꞌñe poꞌchets peney. Atthochña eꞌñech yeparrokmaten eꞌñe poesheñaꞌttsoy epay Cristo. Atthoña eꞌñe yeparrokmateñoth Cristopaꞌ oꞌch yeparrokmatwawa alloweney ñeñthey ameꞌñenaya Cristo.

1 Corintios 10:17

Ñamha amaꞌtchaꞌ shonteypaꞌ eꞌñech pathrra pan yeshotaꞌt ñeñthchaꞌ yerraꞌyes amaꞌt alloweney. Ñeñthoꞌmarña yeñoteñ amaꞌt shonteypaꞌ eꞌñe yeparrokmateñoth Cristopaꞌ eꞌñe pathrra enteney alloweney, ñamha ñeñthara eꞌñech poꞌchets peney.

2 Corintios 7:14

Ñewa, awaña allempoch awoꞌ masheñ Tito sesho, napaꞌ ateth noch sapaꞌ atarrchaꞌ kowen sameꞌñya. Allempoña xhap seshopaꞌ eꞌñe ateth sameꞌñya ñeñth ateth noch. Ñeñthoꞌmarña napaꞌ amaꞌt mameshapaꞌ amach errothenoth sepenkatno, ama attha nommoꞌchenso. Eꞌñe poꞌñoxh ateth sephowena ñeñth ateth noch Tito. Ñamha ñeñth ora allpon ateth notas, ñeñthpaꞌ eꞌñe poꞌñoxh ateth.

Efesios 4:15

Yapaꞌ añachña eꞌñech pathrra yokthapeꞌchen ñeñth eꞌñe poꞌñoxh alloch yekeshperra ñeñth ateth oteney Yompor poꞌñoñ. Eꞌñech yemorrentannaꞌteñoth es yephaꞌyen. Atthochña eꞌñe yephowen allowen ñeñth ateth kothapeꞌchateney Cristo. Atthochña yapaꞌ eꞌñech ora yokthapeꞌchen eꞌñe ateth kothapeꞌchen Cristo. Ñeñthoꞌmarña eshekchaꞌña yeparrokmat epay Cristo, ñeñthña Cristopaꞌ yeyoxher yepeñ ñeñth xhokma yokthapeꞌchateneꞌ kowen Yomporekop.

Efesios 4:22

Sa awathpaꞌ attha sokthapeꞌchatseꞌtyeseꞌth theꞌña ñeñthpaꞌ oꞌch saꞌypoꞌñamper. Sapaꞌ ñeñthaña atarr seshkareꞌtayeꞌth atthoña añach eꞌñe semnatseꞌtyeseꞌth ñeñth ama kowenayaye amaꞌt mamesha.

Efesios 4:31

Amach atsrreꞌmoxhen sentannaꞌtatsto amaꞌt seyoxhra. Allochñapaꞌ atthoch amach xha saꞌtsrreꞌmareꞌtatanneno, atthochña amach secheꞌxhameꞌtanneno. Ñamha amach sesasareꞌtannaꞌtatsto. Amaꞌt mameshapaꞌ amach seꞌmoñeꞌtannaꞌtatsto.

Efesios 5:30

Tharroꞌmar ñapaꞌ ña eꞌñe poꞌñoxh poꞌchets phoweney ya. Paꞌnamenoth poꞌchets phaꞌyeney alloweney ñeñthey ameꞌñenaya ña.

Colosenses 3:8

Tharraña theꞌña ñeñthpaꞌ xhosaña aꞌypoꞌñamperreꞌ, amaꞌt ora allowen eꞌmoñeꞌtannaꞌteñets, atsrreꞌmoeñets, oꞌpatarñats, achmhareꞌtannaꞌteñets, amaꞌt allowen eñosatseꞌteñtsoxhno ñeñth atarr sosyaꞌtsañexhno.

Colosenses 3:9

Ñamha amach seshkareꞌtannaꞌtatsto tharroꞌmar theꞌpaꞌ oꞌ seswanemh ñeñth mellashañ ñeñth ateth sokthapeꞌchatyesayeꞌth seyoxhro. Ñeñth ateth sephaꞌyeseꞌth awath ñeñth ama pokteyeꞌ enteno Yompor ñeñthpaꞌxhoꞌña oꞌ seswanemh.

1 Timoteo 1:10

Ñamha añekpa anareth añ ñoñets añ acheñrekop ñeñth kañoreshaꞌtets, ñamha ñeñth agëneꞌ pakma, ñamha ñeñth aꞌyetyeneꞌ acheñ, ñamha ñeñth attha tomaꞌtyets, ñamha ñeñth shekareꞌtyets amaꞌtchaꞌ atarr womenk nenaneñña poꞌñoñ Yompor paꞌsoꞌchño, ñamha amaꞌt erraꞌtsentheꞌ acheñer ñeñth athpareꞌteneꞌ ñeñth ateth kowen yexhateney Yompor poꞌñoñ.

1 Timoteo 4:2

Tharroꞌmar oꞌch alla ameꞌñeret acheñ ñeñth ashkañtetsa, ñeñthara acheñ ñeñth ama es xhenoyo poeyoxhro amaꞌt mamesha amaꞌt allempo oꞌ achmhareꞌtwan Yompor.

Tito 1:12

Poesheñarr kretoꞌmarneshaꞌ ñeñth nanak etsoteneꞌ eꞌñe ñañeñeta pokthaphñetpaꞌ ñeñthña acheñer ama pokteyeꞌ entenano pamoꞌtseshaꞌ ñeñthoꞌmarña ateth oten pamoꞌtseshakop: “Allowen namoꞌts kretoꞌmarneshaꞌpaꞌ ñetpaꞌ xhokma nanak tomaꞌtampeñet pamoꞌtseshaꞌ, ñamha ñetpaꞌ nanak atsrreꞌmñathet eꞌñe atthet ñerraꞌmrratheꞌ berr ñeñth nanak bellak, ñamha nanak kellañtsareret, atarr arakët ama ayetñatheto.”

Hebreos 12:1

Ñeñthoꞌmarña yeñoteñ shonteꞌ acheñ ñeñth orrtatyesayeꞌth awathotheñ; eꞌñe poeyemteñothet Yompor eꞌñe etsotayeseteꞌth Yomporekop ñeñth atarr echarr. Ñamha ñet theꞌpaꞌ oꞌch netmaꞌntatanet ñerraꞌmrratheꞌ allowenetpaꞌ oꞌ kowapreterryet yamha oꞌch entyesyet errothenchaꞌ yetsota yamha ñeñth ateth moenateney Yompor. Ñeñthoꞌmarña yokoppaꞌ añ poktetsa oꞌch eꞌñe yeswanom amaꞌt erraꞌtsena ñeñth yepatareꞌteneꞌ amaꞌt ñamha yoꞌchñar ñeñth atarr yetpatyeneꞌ. Ñamha eꞌñepaꞌch yaꞌwantaꞌwanom allowen ñeñth echarr yentyen. Allochñapaꞌ atthoch eꞌñe kowen yetsoteññañ ñeñth ateth moenateney Yompor. Ñeñthpaꞌ eꞌñe ateth ñerraꞌmrratheꞌ ñeñth matetsa ñetpaꞌ xhokmach xhapoet allowa onañcharethtenet ñokpoet.

Santiago 1:21

Ñeñthoꞌmarña sapaꞌ oꞌch sekexhpaꞌwerr sosyaꞌtsañ ora allowen ñeñth shonteꞌ sephaꞌyen ñeñth ama pokteyaye Yomporekop. Añchaꞌña sapaꞌ oꞌch sagapoñ Yompor poꞌñoñ eꞌñe señmañeshaꞌ. Tharroꞌmar ñerraꞌm oꞌch xhaponaya Yompor poꞌñoñ eꞌñe yeyoxhropaꞌ ñeñthpaꞌ ñeñthchaꞌ yaꞌkeshphaterreꞌ esempowañen yekamkëñoth.

1 San Pedro 2:1

Theꞌñapaꞌ añ poktetsa oꞌch seswanem allowen ñeñth ama kowenayeꞌ enteno Yompor. Attho ora allpon allo seshkannaꞌtenapaꞌ oꞌch sekexhpaꞌwer. Añ shekanneñets ñeñth atthoch entenes poꞌpsheñeñ eꞌñe kowenpaꞌ ñeñthpaꞌxhoꞌña añ palltetsa theꞌpaꞌ oꞌch sekexhpaꞌwer. Attho seyeꞌchapretannenapaꞌxhoꞌña oꞌch sepoeswer ñamha. Sasareꞌteñetspaꞌxhoꞌña oꞌch sepoeswer.

El Apocalipsis 21:8

Tharraña allowen ñeñth ama nameꞌñenayo ñeñth echarrtetsa poeyoxhro, ñetñapaꞌ aña oꞌpatenawet all parraren tsoꞌ errapharen, ñamha allowen ñeñth etsoteneꞌ sosyaꞌtsañexhno ñeñth atarr atsenaꞌtpoꞌ ñamha ñeñth amtsañneshaꞌ ñamha ñeñth kañoreshaꞌtets, ñetpaꞌxhoꞌña allowenetpaꞌ aña oꞌpatenawet all parraren tsoꞌ errapharen. Ñamha ñeñth amaseꞌñethexhno ñamha ñeñth poꞌyomporer phaꞌyeneꞌ ayexhkatarethexhno ñamha allowen ashkarñathexhno, ñetpaꞌxhoꞌña aña oꞌpatenawet all parraren tsoꞌ errapharen ñeñth wortets shemasher. Ñeñthpaꞌ allchaꞌ poepocheño rromoerret.

El Apocalipsis 22:15

Tharraña allowen ñeñth ama ameꞌñenayo Cristo ñetñapaꞌ aꞌyotheꞌtsaꞌyenetach Yompor paꞌnetsroth. Ateth ñerraꞌm amaseꞌñethexhno, ñamha ñeñth ekañoreshathexhno, ñamha ñeñth amtsañexhno ñamha allowen ñeñth poꞌyomporer peneꞌ ayexhkatareth ñamha allowen ñeñth kowen enteneꞌ allowen shekëñtsoxhno. Ñetpaꞌ eꞌñe ñeñtha eñotenet oꞌch shekareꞌchet acheñeneshaꞌ.