Efesios 4:23 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²³ Theꞌña sapaꞌ añepaꞌchña setserrataterreꞌ Yompor eꞌñe ora ñeñth ateth sokthapeꞌchyen seyoxhro.

Efesios 4:23 Iomraidhean Croise

Romanos 12:2

Allochñapaꞌ amach alloꞌna ateth es yephatseꞌtyesneno ñeñth ateth yeyxhen ya añe patsro, ellochña yokthapeꞌcherr etserra atthoch etserrataterrnay Yompor yokthaphña. Atthochña eꞌñe kowen señoch erraꞌtsentheꞌña moenen Yompor ñeñth eꞌñe kowen enten ña, ñamha ñeñthchaꞌña koshateneꞌ eꞌñe poktakma.

Romanos 6:4

Allempo yapatarethtapaꞌ eꞌñe ateth ñerraꞌmrratheꞌ xho yerromapreteña Cristo ñamha ateth ñerraꞌm xho yepampapreteña Cristo. Allempoña Yomporpaꞌ awoꞌt tantaterran Poechemer eꞌñe poꞌwamenkoth ñeñth atarr kowen, yapaꞌxhoꞌña ñeñthara poꞌwamenkarothña eꞌñe kowen oꞌ etserrataterrnay yokthaphña, ñeñthchaꞌ ateth yokrrena.

Romanos 8:6

Tharroꞌmar ñerraꞌm añach yeꞌnen ñeñth ateth moenatseꞌtateney yechetspaꞌ ñeñthpaꞌ ñeñthchaꞌña yanerreꞌ rromoeñtso ñeñthara koñcheñtso. Tharraña ñerraꞌm añ yeꞌmhñoten ñeñth ateth kothapeꞌchateney Parets Poekamkëñpaꞌ ñeñthpaꞌ ñeñthchaꞌña allochña yapaꞌ korretsayach eꞌñe kowen yoksheñeshokmañen.

Efesios 2:10

Tharraña Yomporpaꞌ oꞌ etserrataterrnay yokthaphña allochñapaꞌ atthoch eꞌñe kowen es yephaꞌyen. Poꞌñoxh eꞌñe yeparrokmateñoth Cristo, Yomporñapaꞌ oꞌ etserra yexhkaterrey. Tharroꞌmar ñapaꞌ amaꞌt awathotheñpaꞌ ateth kothapeꞌcheꞌth yokop atthochña yapaꞌ eꞌñepaꞌchña kowenareꞌ es yephaꞌyen.

Colosenses 3:10

Sapaꞌ añchaꞌña sechorrerraya ñeñth etserra ñeñthchaꞌña sokthapeꞌchaterreꞌ ello etserra allochña setserrataterrña sokthaphña. Atthoña eꞌñe setserrateñothpaꞌ oꞌch sokthapeꞌcherr eꞌñe kowen ñeñth ateth kothapeꞌchen Yompor ñeñth seyexhkateꞌ. Atthochña sapaꞌ alloꞌnach sesen eñotneneꞌ ñeñth ateth kothapeꞌchen ña.

Tito 3:5

Ñeñthpaꞌ ama añotheyaye attho eꞌñe kowen es yephaꞌyen, añña eꞌñe poemoereñotheya ñapaꞌ aꞌkeshphaterrey. Atthoña eꞌshowerrnayña yoꞌchñar atthochña ellopaꞌ oꞌch yokthapeꞌcherr eꞌñe kowen etserra ñokop, ñamha Poekamkëñothpaꞌ oꞌ eꞌñe etserrataterrnay yokthaphña.

1 San Pedro 1:13

Ñeñthoꞌmarña theꞌpaꞌ añ poktetsa eꞌñe sa señoteñothpaꞌ eꞌñech kowen sokthapeꞌchen. Eꞌñe seyemteñoth ñapaꞌ oꞌch sekwameꞌteñ esempoch werra Jesucristo. Allempopaꞌ ellochña nanak moeraꞌwerrsa, kowenchaꞌ es apwerres.