Efesios 3:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Señoteñtheꞌ ñamha attho gaterren Yompor attho theꞌpaꞌ oꞌ neñoterrñañ ñeñth awathotheñpaꞌ ama eñotpawoyaye. Ñewa, ñeñthpaꞌ oꞌ notwanmas mameꞌ necartoth.

Efesios 3:3 Iomraidhean Croise

Los Hechos 22:17

Oꞌ alla oterraneterr Pablo: —Allempoña oꞌ met allponmatpaꞌ oꞌ nowerrerr arr Jerusaléño. Parrochña allempo nemaꞌyochena Parets paꞌpakllopaꞌ allñapaꞌ orrtona ateth ñerraꞌm xho es yexhopoꞌten.

Los Hechos 22:21

Oꞌ alla oterrnerr Yepartseshar: “Amaꞌt atethpaꞌ theꞌpaꞌ oꞌch aweph oꞌch nemñaph allaphar alloꞌtsaꞌyen acheñeneshaꞌ ñeñth ama judioneshayayeto.”

Los Hechos 23:9

Allempoñapaꞌ ñetañeñoꞌ nanak amaꞌtoxhtet. Attheñapaꞌ poesheñaꞌtets fariseoneshaꞌ ñeñth nanak etsoteneꞌ ñoñets ñeñth ateth anareth oꞌ thomosetpaꞌ eñososet Pablokop, ateth otet: —Añ acheñer yapaꞌ ama yenteññañe erraꞌtsentheꞌña poꞌchñar. Poꞌñoxhpaꞌ ñatoꞌ orrtoña Yompor poꞌmhllañotheñer ñeñth wetsa entoth amapaꞌ ñatoꞌ es ñeñth kamkëñets ñatoꞌ ñeñth orrtenoya. Ñeñthoꞌmarña yapaꞌ amachña xha yepatareꞌtatsche Yompor ñerraꞌm ñatheꞌ ateth moenateneꞌ.

Romanos 11:25

Theꞌpaꞌ oꞌch, masheñneshachaꞌ ñamha noxhaneshachaꞌ, neñotatas ñeñth awathotheñ ama eñotpawoyaye. Ñeñthes ama judioneshayayso napaꞌ nemneñ oꞌch eꞌñe señoch allochñapaꞌ atthoch amach sotaphsaꞌtatsto sapaꞌ atarroꞌ es señoten. Ñeñth ateth athpareꞌtena patantarr israelenaꞌtarpaꞌ ñeñthpaꞌ mamekpa ateth moenatenanet Yompor tharrempowach allempoch eꞌñe etsotwa atthoch ameꞌñaꞌwerra allpon acheñeneshaꞌ ñeñth ama judioneshayaye.

Romanos 16:25

Theꞌñapaꞌ yaꞌyeꞌchoxhtatoñepaꞌch Yompor tharroꞌmar ñapaꞌ ñach awamenkath sepeneꞌ, ñeñth eꞌñe ateth oten añ kowen ñoñets alloch yekeshperra. Ñeñthara añ kowen kothaphñats ñeñth neserrpareꞌtatenes ñeñth eꞌñe ateth pena Jesucristo ñeñth awathotheñ ama eñotpawo.

2 Corintios 12:1

Ñeñth attho señosatseꞌtatyenen eꞌñe kowen nokpa, ñeñthpaꞌ ama es sherbeno. Tharraña amaꞌt attheñpaꞌ oꞌch alla neserrpareꞌtaterrserr attho Yepartseshar ñaña es negatyeneꞌ ñeñthña es neñotatyeneꞌ.

Gálatas 1:12

Napaꞌ ama acheña neñotatenaye ateth, ñamha napaꞌ ama eseshaꞌ neyxhatenaye. Añña eꞌñe Jesucristo ñaña eꞌñe neñotateneꞌ ateth.

Efesios 1:17

Ñamha nenamoennas Yompor ñeñth Pompor pen Jesucristo, ñeñthara Yompor ñeñth atarr kowen Partsotets. Añ nenamoennas, Yompor Poekamkëñothpaꞌ eñotatasepaꞌch ñeñth eꞌñe ateth pena ña pokthaphña. Atthochña sapaꞌ eshekchaꞌ señoterrña ñeñth atarr kowen sherbets ñokop ñeñth amaꞌt awatha sapaꞌ ama señoteñe.

Efesios 3:4

Ñerraꞌm esempoch selleyon ñeñth nekellkënnas allempochña señoch napaꞌ poꞌñoxh oꞌ xhapona neyoxhro eꞌñe ora ñeñth ateth sherbeney Cristo, ñeñth amaꞌt awathotheñ ama eñotpawoyaye.

Efesios 3:6

Ñeñth eñotateney theꞌpaꞌ ñeñthpaꞌ attho amaꞌt ñeñth ama judioneshayaye, ñetpaꞌxhoꞌña oꞌpatapreteretchaꞌ Yompor ñeñthchaꞌ apoerranet atthekma oꞌpatatenya yamha ñeñthey judioneshay. Theꞌpaꞌ eꞌñe separrokmateñoth Cristo, theꞌña sapaꞌ eꞌñe poꞌchets penes ateth ñerraꞌm ya ñeñthey judioneshay. Atthoña oꞌ eꞌñe yeparrokmatwawerr alloweney. Ñamha ateth oteꞌth Yompor awath ñeñthchaꞌ ateth kowen perrnay esempo eꞌñe Cristeshoth atthoch aꞌkeshphaterreypaꞌ ñeñthpaꞌ añekpaꞌnaña ñeñth ama judioneshayaye. Ñewa, ñet añoth aꞌkeshphatarethterret attho eꞌñe pameꞌñeñothet añ kowen ñoñets ñeñth alloch yekeshperra alloweney.

Efesios 3:9

Ñamha nach eñotatyeneꞌ amaꞌt allowen acheñeneshaꞌ ñeñth ateth kothapeꞌchennay Yompor. Tharroꞌmar ñeñthpaꞌ awathotheñ ama eñotpawoyaye tharroꞌmar ama xhenaꞌ allempoch aꞌpotherrnay Yompor, ñeñthara Yompor ñeñth eꞌñe yexhkatwaweꞌ ora allpon ñeñth yentyen.

Efesios 6:19

Napaꞌxhoꞌña xhokmoepaꞌchña semaꞌyochampenna. Oꞌch senamon Yompor nokop allochñapaꞌ ñachña neꞌñorateneꞌ atthoch amach nemhchaꞌnañotha neserrpareꞌteññañe poꞌñoñ. Allochñapaꞌ atthochña neñotatyesanet kowen ñoñets ñeñth alloch eꞌñe yekeshphaꞌwerra alloweney; ñeñthpaꞌ ama eñotpawoyaye, amaꞌt awathotheñ.

Colosenses 2:2

Allochñapaꞌ atthochña eꞌñe soksherra seyoxhrowen attho eꞌñe semorrentannaꞌteñothpaꞌ oꞌch eꞌñe separrokmaterr. Atthochña xhaponasa seyoxhro atthoch atarr es señotyerr. Oꞌch señoterr ñeñth ama eñoteteꞌthe awathotheñ, ñeñthpaꞌ ñapthaña Yompor eñoteneꞌ. Ñeñthpaꞌ eꞌñepaꞌtkaꞌye Cristeshoꞌtsenña

Colosenses 4:3

Ñamha oꞌch semaꞌyocheña Yompor yokop, oꞌch senamonay atthoch eñalleta allchaꞌ yeserrpareꞌtoñ poꞌñoñ, allchaꞌ eꞌñe yaꞌpotwa ñeñth awathotheñ ñeñth amaꞌt poesheñarrapaꞌ ama eseshayeꞌ eñotenaye ñeñth ateth penaña Cristo. Ñeñthoꞌmarña na theꞌpaꞌ ayottamphsarethen cárcelo.

Hebreos 13:22

Eꞌñe allowanen masheñneshachaꞌ ñamha noxhaneshachaꞌ oꞌch alla noterrserr, eꞌñepaꞌch kowen seꞌmhñoton neñoñ ñeñth allpon oꞌ alla nokthapeꞌchaterres tharroꞌmar ama atonayeꞌ ñoñets nekellkënnaso.

1 San Pedro 5:12

Theꞌñapaꞌ ñeñthach eꞌñe notas necartoth. Theꞌpaꞌ oꞌ notwas oꞌch sameꞌñaꞌwera eꞌñe poꞌñoxhokmañen. Ñamha oꞌ notwas añpaꞌ ñeñthña eꞌñe poꞌñoxh Yompor poemoereña alloch atarr bensareꞌtampeney. Theꞌñapaꞌ oꞌch alla noterrserr, poꞌñoxhpaꞌ oꞌch seyemtoña Yompor poemoereña. Ñeñth masheñ Silvanopaꞌ ña nekellkaten atthoch neserrpareꞌtatas mameꞌ añ necartoth. Ateth nenteñ masheñ Silvano, ñapaꞌ nanak kowen ameꞌñenana Yompor.

2 San Pedro 3:15

Ñamha oꞌch señoch eꞌñe esoꞌmartheꞌ amoꞌ werro Yepartseshar Cristo. Ñapaꞌ atarr moerenana allowen acheñeneshaꞌ. Ñapaꞌ moeneñ yapaꞌ oꞌch yameꞌñatwera acheñeneshaꞌ atthoch yekeshphaꞌwerra alloweney. Ñeñthara oꞌ kellkonas ñamha masheñ Pablo poꞌcartoth. Eꞌñe Yompor poeñotateñothey ateth kellkonas ñamha. Yapaꞌ nanak yemoerannena.