Efesios 3:14 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁴ Ñeñthoꞌmarña napaꞌ xhokma nekonkorpoena Yomporeshoneth alloth nemaꞌyochampensa.

Efesios 3:14 Iomraidhean Croise

San Lucas 22:41

Allempoña ñapaꞌ awoꞌ mameꞌ aꞌyentheyeꞌ. Ñañapaꞌ all konkorpaꞌwena oꞌ maꞌyochwena.

Los Hechos 20:36

Ñeñtha otwapaꞌ oꞌ konkorpa oꞌ maꞌyochatnenanet.

Los Hechos 21:5

Tharraña allempoña oꞌ met kanxherrmatpaꞌ oꞌ alla yawanerrerr. Allempoña allowen yakmaneshaꞌpaꞌ kothaꞌnemyet poebloth aꞌyeneth, ñamha poethaporeshowenet ñamha poechemerneshet. Allñapaꞌ all yekonkorposa ontapopaꞌ oꞌ yemaꞌyochosa all.

Los Hechos 7:60

Allempoñapaꞌ konkorpa. Konkorpapaꞌ eñora womenk, ateth ot: —Amach Nepartseshare petsaꞌtatatstaneto. Allempoñapaꞌ ñeñtha otwapaꞌ oꞌ moechecha, oꞌ rroma.

Los Hechos 9:40

Pedroñapaꞌ moeñwanet allowenet aꞌyeneth. Oꞌ moeñwanet aꞌyenethpaꞌ oꞌ konkorposa, oꞌ maꞌyocha. Maꞌyochwapaꞌ oꞌ poetallsa arromñatheshonethpaꞌ ateth och: —Oꞌch, Tabita, notaph, petanterra. Allempoñapaꞌ akwerrocheꞌ. Oꞌ enterran Pedropaꞌ xha anerrets.

Efesios 1:3

Theꞌpaꞌ ayeꞌchoxhtatpawepaꞌch Yompor ñeñth Pompor pen Yepartseshar Jesucristo. Eꞌñe yeparrokmateñoth epay Cristo, Pomporñapaꞌ eꞌñe paꞌnateñothey xhokma kothapeꞌchateney ora allpon ñeñth esokmañen koxhneshaꞌtetsa all poeꞌntaño ñeñth atarr sherbets yekamkëñekop.

Efesios 3:15

Ñeñthara Yompor alloth wena ora allpon paꞌnamen acheñeneshaꞌ ñeñth eꞌñe pamoꞌtsnaꞌtarekma phannenet amaꞌt ñeñth poeꞌntañoꞌtsaꞌyen amaꞌt ñamha allpon ñeñth patsoꞌtsaꞌyen.

Filipenses 2:10

Ñeñthoꞌmarña esempowañenpaꞌ allowenet poꞌyorñothetpaꞌ aꞌmethaꞌweretchaꞌ eꞌñe poktakma, Jesucristepaꞌtña ñeñth nanak partsotets. Allochñapaꞌ attho eꞌñe pameꞌñaꞌrrteñothet Jesús paꞌsoꞌchñopaꞌ konkorpaꞌrretweretchaꞌ allowenet ñeñth allpon eñall amaꞌt allowen ñeñth entoꞌmarneshaꞌ ñamha allowen patsoꞌmarneshaꞌ ñamha allowen oꞌponoꞌtseneshaxhno ñeñth patsoꞌtsen. Atthochña allempopaꞌ ayeꞌchoxhtatarethterra Yompor ñeñth nanak Parets.