Efesios 3:11 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹¹ Ñeñthpaꞌ ateth kothapeꞌcheꞌth Yompor awath poeyochreshakop ñeñthchaꞌ sherbhats allempotheñ eꞌñe errponañowen. Ñamha añ onañcheꞌth ñeñthchaꞌ etsoterreꞌ pokthaphña ñeñthpaꞌ añ Cristo Jesús ñeñthara Yepartseshar yepen.

Efesios 3:11 Iomraidhean Croise

Gálatas 5:24

Ñamha ñeñth poꞌñoxh oꞌ poeyochreshaꞌ perr Cristo Jesúspaꞌ oꞌ wenerran ñeñth ateth moenatseꞌtyen yechets ñeñth attho es yeyeꞌchyena ya acheñey. Ñeñthpaꞌ eꞌñech ateth yentena ñerraꞌm akorsoꞌtamphsarethey.

Efesios 1:11

Yomporpaꞌ atarr koxhneshaꞌ oꞌpatatenana Poechemer Cristo. Yaꞌnaña eꞌñe oꞌpatatena attho eꞌñe yeparrokmateñoth Cristo. Ñewa, ñeñthpaꞌ ateth kothapeꞌcheꞌth Yompor awath yokop. Ñeñthoꞌmarña theꞌpaꞌ atethña oꞌ perrnay ñeñth ateth kothapeꞌcheꞌth ña ñeñth eꞌñe pokteꞌ enteꞌth eꞌñe ña pomnenñoth. Tharroꞌmar Yomporpaꞌ ama poenesho poꞌñoñ, xhokmach eꞌñe etsotwerra ñeñth allpon ateth onañchen ña.

Efesios 1:4

Ateth awath paꞌmothrotheñ allempo ama ayexhkatarethtenaꞌ añe patserpaꞌ Yomporñapaꞌ allempotheñña akramperrey parro epay Poechemer Cristo atthoch yapaꞌ aꞌparrokmataterreychaꞌ epay Poechemer. Tharroꞌmar añekop akramperrey Poechemereshoth allochña yapaꞌ añach eꞌñe yemaꞌyoxhrena ñeñth kowentetsa Partsokop. Allochñapaꞌ atthochña eꞌñe pokteꞌ entweney Yompor, amach eñalle atthoch otteñeꞌcherrey amaꞌt eꞌñe mamesha.

Efesios 3:1

Ñeñthoꞌmarña napaꞌ xhokma nemaꞌyochena sokop. Neserrpareꞌtateñothes sa Cristo Jesús ñeñthes ama judioneshayayso ñeñthoꞌmarña na theꞌpaꞌ yottampennet.

2 Timoteo 1:9

Ñeñthara ñeñth oꞌ aꞌkeshphaterrey, atthoña oꞌ xhoreꞌterrey atthoch yemaꞌyoxhra ñeñth kowentetsa Partsokop. Tharraña añmapaꞌ ama añotheyaye attho eꞌñe kowen es yephaꞌyeseꞌth awath, añmapaꞌ tharroꞌmar ateth moenen ña. Yomporpaꞌ nanak morrentyeꞌth ñeñthoꞌmar amaꞌt awathotheñpaꞌ awoꞌt oꞌpatatya Poechemer Cristo Jesús.